കോളജ്​ അധ്യാപക നിയമനം: ചട്ടവിരുദ്ധ നടപടിക്ക്​ മന്ത്രി ജലീൽ നിർദേശം നൽകിയെന്ന്​ ഗവർണർക്ക്​ പരാതി

തി​രു​വ​ന​ന്ത​പു​രം: എ​യ്​​ഡ​ഡ്​ കോ​ള​ജ്​ അ​ധ്യാ​പ​ക നി​യ​മ​ന​ത്തി​ൽ സ​ർ​വ​ക​ലാ​ശാ​ല ച​ട്ട​ങ്ങ​ളും സു​പ്രീം​കോ​ട​തി വി​ധി​യും മ​റി​ക​ട​ക്കാ​ൻ ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ.​കെ.​ടി. ജ​ലീ​ൽ ഇ​ട​പെ​ട്ട​താ​യി ഗ​വ​ർ​ണ​ർ​ക്ക്​ പ​രാ​തി. തി​രു​വ​ന​ന്ത​പു​രം ​തു​മ്പ സെൻറ്​ സേ​വ്യേ​ഴ്​​സ്​ കോ​ള​ജി​ൽ ലാ​റ്റി​ൻ പ​ഠ​ന വി​ഭാ​ഗ​ത്തി​ൽ നി​യ​മി​ക്ക​െ​പ്പ​ട്ട അ​ധ്യാ​പ​ക​നെ ച​ട്ട​വി​രു​ദ്ധ​മാ​യി ഇം​ഗ്ലീ​ഷ്​ വി​ഭാ​ഗ​ത്തി​ലേ​ക്ക്​ മാ​റ്റാ​ൻ മ​ന്ത്രി വി​ളി​ച്ച യോ​ഗം നി​ർ​ദേ​ശി​ച്ചെ​ന്ന്​ സേ​വ്​ യൂ​നി​വേ​ഴ്​​സി​റ്റി കാ​മ്പ​യി​ൻ ക​മ്മി​റ്റി​യാ​ണ് ഗ​വ​ർ​ണ​ർ​ക്ക്​​​ പ​രാ​തി ന​ൽ​കി​യ​ത്.

ഒ​രു പ​ഠ​ന വി​ഭാ​ഗ​ത്തി​ൽ നി​യ​മി​ച്ച അ​ധ്യാ​പ​ക​നെ മ​റ്റൊ​ര​ു വി​ഭാ​ഗ​ത്തി​ലേ​ക്ക്​ മാ​റ്റാ​ൻ പാ​ടി​ല്ലെ​ന്ന സു​പ്രീം​കോ​ട​തി വി​ധി നി​ല​നി​ൽ​ക്കെ​യാ​ണ്​ മ​ന്ത്രി കേ​ര​ള സ​ർ​വ​ക​ലാ​ശാ​ല​ക്ക്​ നി​ർ​ദേ​ശം ന​ൽ​കി​യ​തെ​ന്ന്​ പ​രാ​തി​യി​ൽ പ​റ​യു​ന്നു. പ​ഠ​ന വി​ഭാ​ഗം മാ​റ്റാ​നു​ള്ള അ​പേ​ക്ഷ നേ​ര​ത്തേ സ​ർ​വ​ക​ലാ​ശാ​ല നി​ര​സി​ച്ചി​രു​ന്നു. എ​ന്നാ​ൽ, കോ​ള​ജ്​ മാ​നേ​ജ്​​മെൻറി​െൻറ അ​പേ​ക്ഷ​യി​ൽ മ​ന്ത്രി നേ​രി​ട്ട്​ യോ​ഗം വി​ളി​ക്കു​ക​യും പ്ര​ശ്​​നം പ​രി​ഗ​ണി​ക്കാ​ൻ സ​ർ​വ​ക​ലാ​ശാ​ല​യോ​ട്​ നി​ർ​ദേ​ശി​ക്കു​ക​യു​മാ​യി​രു​ന്നു.

അപേക്ഷകനായ അധ്യാപകനെ കൂടി പങ്കെടുപ്പിച്ചാണ് സർവകലാശാല, കോളജ് വിദ്യാഭ്യാസ ഡയറക്ടറേറ്റ്, ഉന്നത വിദ്യാഭ്യാസ വകുപ്പ് ഉദ്യോഗസ്ഥന്മാരുടെ യോഗം ജനുവരി 7ന് മന്ത്രിയുടെ ചേമ്പറിൽ വിളിച്ചുകൂട്ടിയത്. സർവ്വകലാശാല ചട്ടവും ഇത്തരത്തിൽ പഠനവിഭാഗം മാറ്റുന്നതിന് എതിരാണ്. മാനേജ്മെന്റ് നൽകിയ അപേക്ഷയിൽ നേരിട്ട് യോഗം വിളിച്ച് മന്ത്രി ഇടപെട്ടതോടെ ഇക്കാര്യം ബുധനാഴ്ച ചേരുന്ന സിന്റിക്കേറ്റിന്‍റെ അജണ്ടയിൽ വരും.

ലാറ്റിൻ വിഭാഗത്തിൽ നിയമിക്കപ്പെട്ട ഇദ്ദേഹം പിന്നീട് കോളേജ് പ്രിൻസിപ്പലായതോടെ ലാറ്റിൻ ഭാഷ പഠിപ്പിക്കാൻ അധ്യാപകരില്ലെന്ന കാരണം ചൂണ്ടികാട്ടിയാണ് പഠന വകുപ്പ് മാറ്റാൻ ശ്രമിക്കുന്നത്. ലാറ്റിൻ വിഭാഗത്തിൽ സ്ഥിര അധ്യാപകനെ നിയമിക്കാനാണ് മറ്റൊരു വിഭാഗത്തിലേക്ക് മാറ്റിയുള്ള പരിഹാരം. മാനേജ്മെന്‍റുകൾക്ക് യഥേഷ്ടം അധ്യാപകരെ വിഷയം മാറ്റി നിയമിക്കുന്നതിന് സൗകര്യമൊരുക്കുന്ന തരത്തിൽ ഇത് കീഴ്വഴക്കമായി മാറുമെന്നും സെലക്ഷൻ കമ്മിറ്റികളുടെ പ്രസക്തി തന്നെ ഇല്ലാതാക്കുമെന്നും പരാതിയിൽ പറയുന്നു. ചട്ടവിരുദ്ധമായി ഇടപെട്ട ഉത്തരവ് പിൻവലിക്കണമെന്നാണ് ആവശ്യം.