മു​ഴു​സ​മ​യ​ത്തി​ലേ​ക്ക്​ ക​ലാ​ല​യ​ങ്ങ​ൾ; ഇ​നി​യും ട്രാ​ക്കി​ലാ​വാ​തെ ട്രെ​യി​നു​ക​ൾ

തൃ​ശൂ​ർ: കേ​ര​ള​ത്തി​ൽ സ്കൂ​ളു​ക​ളും കോ​ള​ജു​ക​ളും രാ​വി​ലെ മു​ത​ൽ വൈ​കീ​ട്ടു വ​രെ തു​റ​ന്നു​പ്ര​വ​ർ​ത്തി​ക്കാ​ൻ തീ​രു​മാ​നി​ച്ച സാ​ഹ​ച​ര്യ​ത്തി​ൽ സാ​ധാ​ര​ണ​ക്കാ​ർ​ക്ക് ആ​ശ്ര​യി​ക്കാ​വു​ന്ന ട്രെ​യി​നു​ക​ൾ ഇ​നി​യും ട്രാ​ക്കി​ലാ​യി​ല്ല. സാ​ധാ​ര​ണ​ക്കാ​ർ​ക്ക്​ കീ​ശ ചോ​രാ​തെ യാ​ത്ര ചെ​യ്യാ​നാ​വു​ന്ന പാ​സ​ഞ്ച​ർ ട്രെ​യി​നു​ക​ൾ​ക്കും മെ​മു​വി​നു​മാ​യി ഒ​രു വ​ർ​ഷ​ത്തി​ലേ​റെ​യാ​യി കാ​ത്തി​രി​പ്പ്​ തു​ട​രു​ക​യാ​ണ്. വി​ദ്യാ​ർ​ഥി​ക​ൾ​ക്ക്​ കൂ​ടി​യ നി​ര​ക്ക്​ ശി​പാ​ർ​ശ ചെ​യ്തി​ട്ടു​ള്ള ബ​സ്​ ചാ​ർ​ജ്​ വ​ർ​ധ​ന​ക്ക്​ സ​ർ​ക്കാ​ർ ത​ത്ത്വ​ത്തി​ൽ അം​ഗീ​കാ​രം ന​ൽ​ക​വേ ഏ​റെ അ​വ​ശ്യ​മാ​ണ്​ ഇ​ത്ത​രം ട്രെ​യി​നു​ക​ൾ. കേ​ര​ള​ത്തി​ന​ക​ത്ത്​ ഓ​ടു​ന്ന ഹ്ര​സ്വ​ദൂ​ര, ഇ​ന്റ​ർ​സി​റ്റി എ​ക്സ്​​പ്ര​സു​ക​ളി​ൽ കൂ​ടു​ത​ൽ ജ​ന​റ​ൽ കോ​ച്ചു​ക​ൾ അ​നു​വ​ദി​ക്ക​ണ​മെ​ന്നും ഹാ​ൾ​ട്ട്​ സ്റ്റേ​ഷ​നു​ക​ളി​ലെ സ്റ്റോ​പ്പു​ക​ൾ അ​ടി​യ​ന്ത​ര​മാ​യി പു​നഃ​സ്ഥാ​പി​ക്ക​ണ​മെ​ന്നു​മാ​ണ്​ ര​ക്ഷി​താ​ക്ക​ളു​ടെ​യും വി​ദ്യാ​ർ​ഥി​ക​ളു​ടെ​യും ആ​വ​ശ്യം.

എ​ല്ലാ സ്റ്റേ​ഷ​നു​ക​ളി​ലും നി​ർ​ത്തു​ന്ന​തി​നാ​ൽ ഗ്രാ​മ പ്ര​ദേ​ശ​ങ്ങ​ളി​ലെ യാ​ത്ര​ക്കാ​രെ പോ​ലും ആ​ക​ർ​ഷി​ക്കാ​നാ​വു​ന്നു എ​ന്ന​താ​ണ്​ പാ​സ​ഞ്ച​റു​ക​ളു​ടെ സ​വി​ശേ​ഷ​ത. കേ​ര​ള​ത്തി​​ന്‍റെ ര​ണ്ട്​ അ​റ്റ​ത്തു​നി​ന്നും മ​ധ്യ​കേ​ര​ള​മാ​യ തൃ​ശൂ​രി​ലേ​ക്ക്​ എ​ത്താ​ൻ​ സു​ഖ​യാ​ത്ര ട്രെ​യി​ൻ മാ​ർ​ഗ​മാ​ണ്. മാ​ത്ര​മ​ല്ല പാ​ല​ക്കാ​ട്, മ​ല​പ്പു​റം, എ​റ​ണാ​കു​ളം അ​ട​ക്കം സ​മീ​പ ജി​ല്ല​ക​ളി​ലേ​ക്കും ഇ​ത​ര സം​സ്ഥാ​ന​ങ്ങ​ളി​ലേ​ക്കും യാ​ത്ര ചെ​യ്യു​ന്ന​തി​ന്​ കു​റ​ഞ്ഞ ചെ​ല​വാ​ണ്. പു​ല​ർ​ച്ച 5.55ന്​ ​പു​റ​പ്പെ​ടു​ന്ന തൃ​ശൂ​ർ -ക​ണ്ണൂ​ർ പാ​സ​ഞ്ച​റും ട്രാ​ക്കി​ൽ ഓ​ടി​യി​ട്ട്​ മാ​സ​ങ്ങ​ളാ​യി.

എ​റ​ണാ​കു​ളം -ഗു​രു​വാ​യൂ​ർ പാ​സ​ഞ്ച​ർ, കോ​യ​മ്പ​ത്തൂ​ർ -തൃ​ശൂ​ർ പാ​സ​ഞ്ച​ർ, ഗു​രു​വാ​യൂ​ർ -തൃ​ശൂ​ർ പാ​സ​ഞ്ച​ർ ട്രെ​യി​നു​ക​ൾ അ​ട​ക്കം ട്രെ​യി​നു​ക​ളും സ​ർ​വി​സ്​ ന​ട​ത്തി​യി​ട്ട്​ മാ​സ​ങ്ങ​ൾ പി​ന്നി​ട്ടു. അ​തി​നി​ടെ ഷൊ​ർ​ണൂ​ർ -എ​റ​ണാ​കു​ളം മെ​മു ഒ​പ്പം പാ​ല​ക്കാ​ട്​ -എ​റ​ണാ​കു​ളം മെ​മു​വും സ​ർ​വി​സ്​ ന​ട​ത്തി. ഷൊ​ർ​ണൂ​ർ -എ​റ​ണാ​കു​ളം, എ​റ​ണാ​കു​ളം - ഷൊ​ർ​ണൂ​ർ പാ​സ​ഞ്ച​റും ഓ​ടി​ത്തു​ട​ങ്ങി.

ഗു​രു​വാ​യൂ​ർ -എ​റ​ണാ​കു​ള​വും ട്രാ​ക്കി​ലു​ണ്ട്. എ​ന്നാ​ൽ, ഇ​വ​യെ​ല്ലാം എ​ക്​​സ്​​പ്ര​സ്​ ട്രെ​യി​നു​ക​ളാ​യാ​ണ്​ ഓ​ടു​ന്ന​ത്. ഇ​തു​കൊ​ണ്ടു​ത​ന്നെ സാ​ധാ​ര​ണ​ക്കാ​ർ​ക്ക്​ ഒ​രു ഗു​ണ​വും ഇ​വ​കൊ​ണ്ട്​ ഇ​ല്ല. അ​തി​നി​ടെ നേ​ര​ത്തേ പാ​സ​ഞ്ച​റാ​യി സ​ർ​വി​സ്​ ന​ട​ത്തി​യ കോ​ട്ട​യം -നി​ല​മ്പൂ​ർ, ഗു​രു​വാ​യൂ​ർ -പു​ന​ലൂ​ർ ട്രെ​യി​നു​ക​ൾ സ്ഥി​ര​മാ​യി എ​ക്​​സ്​​പ്ര​സ്​ ആ​ക്കു​ക​യും ചെ​യ്​​തു. സാ​ധാ​ര​ണ​ക്കാ​രും സ്ഥി​രം യാ​ത്ര​ക്കാ​രും ഏ​റെ ആ​ശ്ര​യി​ക്കു​ന്ന ഇ​ത്ത​രം ട്രെ​യി​നു​ക​ളെ അ​വ​ഗ​ണി​ക്കു​ക​യാ​ണ്​ റെ​യി​ൽ​വേ മ​ന്ത്രാ​ല​യം. റെ​യി​ൽ​വേ പാ​സ​ഞ്ചേ​ഴ്​​സ്​ അ​സോ​സി​യേ​ഷ​ൻ ഇ​ക്കാ​ര്യം ആ​വ​ശ്യ​​പ്പെ​ട്ട്​ റെ​യി​ൽ​​വേ അ​ധി​കാ​രി​ക​ൾ​ക്ക്​ പ​രാ​തി സ​മ​ർ​പ്പി​ച്ച​പ്പോ​ൾ സം​സ്ഥാ​ന സ​ർ​ക്കാ​ർ ആ​വ​ശ്യ​പ്പെ​ട്ടാ​ലേ സാ​ധാ​ര​ണ ട്രെ​യി​നു​ക​ൾ സ​ർ​വി​സ്​ ന​ട​ത്തു​ക​യു​ള്ളൂ​വെ​ന്ന മ​റു​പ​ടി​യാ​ണ്​ ല​ഭി​ച്ച​ത്. ഇ​തി​നെ​തി​രെ ജ​നം മു​ട്ടാ​ത്ത വാ​തി​ലു​ക​ളി​ല്ല. എ​ന്നാ​ൽ, ഇ​ക്കാ​ര്യ​ത്തി​ൽ സം​സ്ഥാ​ന സ​ർ​ക്കാ​റും എം.​പി​മാ​രും വേ​ണ്ട രൂ​പ​ത്തി​ൽ ഇ​ട​പെ​ടു​ന്നി​ല്ല.

കു​റ​ക്ക​ണം യാ​ത്ര​ക്കൂ​ലി

കു​റ​ഞ്ഞ ചെ​ല​വി​ൽ പൊ​തു ഗ​താ​ഗ​തം സാ​ധ്യ​മാ​വു​ന്ന​വ​ർ​ക്ക്​ ഏ​റെ അ​നു​ഗ്ര​ഹ​മാ​യി​രു​ന്ന പാ​സ​ഞ്ച​ർ ട്രെ​യി​നു​ക​ൾ ഇ​ല്ലാ​താ​യ​തോ​ടെ യാ​ത്ര​ക്കൂ​ലി കൂ​ടി. പാ​സ​ഞ്ച​ർ ​ട്രെ​യി​നു​ക​ൾ​ക്ക്​ മി​നി​മം ചാ​ർ​ജ്​ 10 രൂ​പ​യാ​യി​രു​ന്നു. എ​ന്നാ​ൽ, എ​ക്​​സ്​​പ്ര​സ്​ ട്രെ​യി​നു​ക​ൾ​ക്ക്​ 30 രൂ​പ​യാ​ണ്​ മി​നി​മം ചാ​ർ​ജ്. 50 കി​ലോ​മീ​റ്റ​ർ വ​രെ​യാ​ണി​ത്. കു​റ​ഞ്ഞ കി​ലോ​മീ​റ്റ​റി​ൽ യാ​ത്ര ചെ​യ്യു​ന്ന​വ​ർ​ക്ക്​ ഇ​ത്​ ഏ​റെ ചെ​ല​വ്​ ഏ​റി​യ​താ​ണ്.

ഇ​തി​ന്​ പ​ക​രം ദൂ​രം കു​റ​ച്ച്​ ചാ​ർ​ജ്​ കു​റ​ക്കു​ന്ന സം​വി​ധാ​നം ഏ​ർ​പ്പെ​ടു​ത്തി​യാ​ൽ കു​റ​ഞ്ഞ ദൂ​രം യാ​ത്ര​ചെ​യ്യു​ന്ന​വ​ർ​ക്ക്​ അ​നു​ഗു​ണ​മാ​യി​രി​ക്കും കാ​ര്യ​ങ്ങ​ൾ. ഇ​തി​ന്​ റെ​യി​ൽ​വേ മ​ന്ത്രാ​ല​യം തു​നി​ഞ്ഞാ​ൽ വ​ലി​യ വ​രു​മാ​ന​മാ​റ്റം വു​കു​പ്പി​നു​ണ്ടാ​വും. ജ​ന​ത്തി​ന്​ ഇ​ത്​ അ​നു​കൂ​ല​വു​മാ​വും. അ​തേ​സ​മ​യം, പാ​സ​ഞ്ച​റു​ക​ളെ എ​ക്​​സ്​​പ്ര​സ്​ ആ​ക്കി​യ ന​ട​പ​ടി പി​ൻ​വ​ലി​ക്കാ​തെ പോ​വു​ക​യാ​ണെ​ങ്കി​ൽ കാ​ര്യ​ങ്ങ​ൾ കു​ഴ​യു​ക​യും ചെ​യ്യും. ഒ​പ്പം മു​ഴു​വ​ൻ ട്രെ​യി​നു​ക​ൾ​ക്കും ടി​ക്ക​റ്റ്​ മു​ൻ​കൂ​ട്ടി ര​ജി​സ്റ്റ​ർ ചെ​യ്​​തു​ത​ന്നെ വാ​ങ്ങ​ണ​മെ​ന്ന ന​ട​പ​ടി​യും പി​ൻ​വ​ലി​ച്ചേ മ​തി​യാ​വൂ. എ​ല്ലാ ട്രെ​യി​നു​ക​ൾ​ക്കും സാ​ധാ​ര​ണ ടി​ക്ക​റ്റ്​ ല​ഭി​ക്കു​ന്ന​തി​ന്​ സൗ​ക​ര്യം ഒ​രു​ക്കാ​തെ ര​ക്ഷ​യി​ല്ല.

ഇ​നി​യും പു​നഃ​സ്ഥാ​പി​ക്കാ​തെ സ്​​റ്റോ​പ്പു​ക​ൾ

​നി​ല​വി​ൽ ട്രെ​യി​നു​ക​ൾ നി​ർ​ത്താ​ത്ത മു​ള്ളൂ​ർ​ക്ക​ര, നെ​ല്ലാ​യി, ഡി​വൈ​ൻ ന​ഗ​ർ, കൊ​ര​ട്ടി അ​ങ്ങാ​ടി സ്റ്റേ​ഷ​നു​ക​ളി​ൽ സ്റ്റോ​പ്പു​ക​ൾ പു​നഃ​സ്ഥാ​പി​ച്ചി​ല്ല. പാ​സ​ഞ്ച​റു​ക​ൾ എ​ക്​​സ്​​പ്ര​സ്​ ട്രെ​യി​നു​ക​ൾ ആ​ക്കി​യെ​ങ്കി​ലും നേ​ര​ത്തേ സ്റ്റോ​പ്​ അ​നു​വ​ദി​ച്ചി​രു​ന്ന സ്റ്റേ​ഷ​നു​ക​ളി​ൽ ഇ​വ നി​ർ​ത്തി​യി​രു​ന്നു. എ​ന്നാ​ൽ, ​സ്വ​കാ​ര്യ ക​മ്പ​നി​ക​ൾ​ക്ക്​ ന​ട​ത്തി​പ്പി​ന്​ ക​രാ​ർ ന​ൽ​കി​യി​രു​ന്ന ഈ ​സ്റ്റേ​ഷ​നു​ക​ളി​ലെ ന​ട​ത്തി​പ്പ്​ ക​രാ​ർ അ​വ​സാ​നി​ച്ച​താ​ണ്​ സ്റ്റോ​പ്​ ഇ​ല്ലാ​താ​വാ​ൻ കാ​ര​ണം. പു​തി​യ ക​രാ​ർ ന​ട​പ​ടി​ക​ൾ പു​രോ​ഗ​മി​ക്കു​ക​യാ​ണ്. ന​ട​പ​ടി​ക്ര​മ​ങ്ങ​ൾ​ക്ക്​ ശേ​ഷം വീ​ണ്ടും ഈ ​സ്റ്റേ​ഷ​നു​ക​ളി​ൽ ട്രെ​യി​നു​ക​ൾ​ക്ക്​ സ്റ്റോ​പ്പു​ണ്ടാ​വും.