ചാ​ല​ക്കു​ടി​യി​ൽ വ​ന്ന് ചാ​യ കു​ടി​ക്കാം

ചാ​ല​ക്കു​ടി: ചാ​ല​ക്കു​ടി​യി​ൽ സാ​ധാ​ര​ണ ഹോ​ട്ട​ലു​ക​ളി​ൽ ചാ​യ​ക്ക് 10 രൂ​പ മു​ത​ൽ 15 രൂ​പ വ​രെ​യാ​യ​തി​നാ​ൽ ധൈ​ര്യ​മാ​യി ചാ​യ കു​ടി​ക്കാം. പ​ക്ഷേ ഹോ​ട്ട​ലി​​ന്റെ ക്ലാ​സ​ല്ല, പേ​ര് നോ​ക്ക​ണം. വി​വി​ധ ഹോ​ട്ട​ലു​ക​ളി​ൽ ചാ​യ​യു​ടെ വി​ല​യി​ൽ മാ​റ്റം ഉ​ണ്ട്. ചാ​യ​യും കാ​പ്പി​യും ചെ​റു​ക​ടി​ക​ളും 10 രൂ​പ​ക്ക് ത​ന്നെ ന​ൽ​കു​ന്ന ജ​ന​കീ​യ ഹോ​ട്ട​ലു​ക​ൾ ഇ​പ്പോ​ഴും പ്ര​വ​ർ​ത്തി​ക്കു​ന്നു​ണ്ട്.

എ​ന്നാ​ൽ പ്ര​ധാ​ന ഹോ​ട്ട​ലു​ക​ളി​ൽ ചാ​യ​ക്ക് 12 രൂ​പ​യും കാ​പ്പി​ക്ക് 15 രൂ​പ​യു​മാ​ണ്. ഏ​താ​നും ചി​ല ക​ട​ക​ളി​ൽ ചാ​യ​ക്ക് 15 രൂ​പ​യും കാ​പ്പി​ക്ക് 20 രൂ​പ​യും ആ​ക്കി​യി​ട്ടു​ണ്ട്.

വി​ല​ക്ക​യ​റ്റ​ത്തി​ൽ പി​ടി​ച്ചു നി​ൽ​ക്കാ​ൻ

പാ​ലി​ന്റെ വി​ല വ​ർ​ധ​ന​വി​നെ തു​ട​ർ​ന്ന് ചാ​ല​ക്കു​ടി​യി​ലെ ബി ​ക്ലാ​സ് ഹോ​ട്ട​ലു​ക​ളി​ൽ പ​ല​തും ഓ​ണ​ത്തി​ന് ശേ​ഷം കാ​പ്പി​ക്കും ചാ​യ​ക്കും വി​ല കൂ​ട്ടി​യി​രു​ന്നു. പ​ച്ച​ക്ക​റി​ക​ളു​ടെ വി​ല​യി​ലു​ള്ള ഏ​റ്റ​ക്കു​റ​ച്ചി​ലു​ക​ളാ​ണ് ഹോ​ട്ട​ലി​ലെ മ​റ്റ് വി​ഭ​വ​ങ്ങ​ളു​ടെ വി​ല ഉ​യ​ർ​ത്താ​നാ​വാ​ത്ത സ്ഥി​തി സൃ​ഷ്ടി​ക്കു​ന്ന​ത്. ജീ​വ​ന​ക്കാ​രു​ടെ കൂ​ലി​യി​ലെ വ​ർ​ധ​ന​യും ഹോ​ട്ട​ൽ ന​ട​ത്തി​പ്പു​കാ​ർ​ക്ക് ത​ല​വേ​ദ​ന സൃ​ഷ്ടി​ക്കു​ന്നു.

എ​ടു​ത്തു പ​റ​യേ​ണ്ട​ത് തേ​ങ്ങ​യു​ടെ വി​ല​യാ​ണ്. തേ​ങ്ങ​യു​ടെ വി​ല കി​ലോ​ക്ക് 30 ൽ ​നി​ന്ന് 60 ലേ​ക്ക് ഉ​യ​ർ​ന്ന​ത് തേ​ങ്ങ ഉ​പ​യോ​ഗി​ച്ചു​ള്ള വി​ഭ​വ​ങ്ങ​ളെ ബാ​ധി​ച്ചി​ട്ടു​ണ്ട്. പ​ച്ച​ക്ക​റി​ക​ളി​ൽ സ​വാ​ള​ക്കും ഉ​രു​ള​ക്കി​ഴ​ങ്ങി​നും ഉ​ണ്ടാ​യ വി​ല​ക്ക​യ​റ്റം ഹോ​ട്ട​ലു​ട​മ​ക​ളെ ബാ​ധി​ച്ചി​ട്ടു​ണ്ട്. അ​തി​നാ​ൽ മ​സാ​ല ദോ​ശ​ക്ക് വി​ല കൂ​ട്ടി. മ​സാ​ല ദോ​ശ​ക്കും നെ​യ്റോ​സ്റ്റി​നും 10 രൂ​പ കൂ​ട്ടി​യി​ട്ടു​ണ്ട്. യ​ഥാ​ക്ര​മം 80, 70 രൂ​പ​യാ​ണ​വ​ക്ക്.

12 രൂ​പ​യു​ണ്ടാ​യി​രു​ന്ന സ​മൂ​സ​ക്കും ഉ​ഴു​ന്നു​വ​ട​ക്കും ഇ​ഡ​ലി, അ​പ്പം എ​ന്നി​വ​ക്കും 15 രൂ​പ​യാ​ണ്. പ​ഴം​പൊ​രി, പ​രി​പ്പു​വ​ട, ബോ​ണ്ട, ബ​ജി, സു​ഖി​യ​ൻ തു​ട​ങ്ങി​യ​വ 12 രൂ​പ​യി​ൽ ത​ന്നെ നി​ൽ​ക്കു​ന്നു.

അ​രി​ക്ക് വി​ല അ​ടി​ക്ക​ടി ഉ​യ​രാ​തെ സ്ഥി​ര​മാ​യി നി​ൽ​ക്കു​ന്ന​തി​നാ​ൽ പ​ല​രും ഊ​ണി​ന് വി​ല കൂ​ട്ടി​യി​ട്ടി​ല്ല. 80 രൂ​പ​യി​ൽ നി​ൽ​ക്കു​ന്നു. അ​തേ​സ​മ​യം, 70 രൂ​പ​ക്ക് ഊ​ണ് ന​ൽ​കു​ന്ന സ്ഥാ​പ​ന​ങ്ങ​ളു​മു​ണ്ട്. ഒ​രു ഹോ​ട്ട​ൽ മാ​ത്രം ന​ട​ത്തു​ന്ന​വ​രെ​യാ​ണ് സാ​ധ​ന​ങ്ങ​ളു​ടെ വി​ല​ക്ക​യ​റ്റം ബാ​ധി​ച്ചി​രി​ക്കു​ന്ന​ത്.

അ​തേ​സ​മ​യം, ഹോ​ട്ട​ൽ വ്യ​വ​സാ​യ ശൃം​ഖ​ല​യു​ടെ ഭാ​ഗ​മാ​യ​വ​ർ​ക്ക് പ​ച്ച​ക്ക​റി​യും പാ​ലു​മെ​ല്ലാം പ​ഴ​യ മൊ​ത്ത​വി​ല​യി​ൽ ല​ഭി​ക്കു​ന്ന​തി​നാ​ൽ പ്ര​തി​സ​ന്ധി​യി​ല്ല. അ​ത്ത​രം സ്ഥാ​പ​ന​ങ്ങ​ൾ വി​ല കൂ​ട്ടാ​തെ ത​ന്നെ നി​ൽ​ക്കു​ന്നു.