കേന്ദ്ര അന്വേഷണ ഏജൻസികൾക്കെതിരായ അന്വേഷണം: ഹൈകോടതി തടഞ്ഞ കമീഷന്​ ആറു​മാസം കാലാവധി നീട്ടി മന്ത്രിസഭ

തി​രു​വ​ന​ന്ത​പു​രം: ഹൈ​കോ​ട​തി ത​ട​ഞ്ഞ അ​ന്വേ​ഷ​ണ ക​മീ​ഷ​ന്​ ആ​റു​മാ​സം കൂ​ടി കാ​ലാ​വ​ധി നീ​ട്ടാ​ൻ മ​ന്ത്രി​സ​ഭ യോ​ഗം തീ​രു​മാ​നി​ച്ചു. മു​ഖ്യ​മ​ന്ത്രി​യു​ടെ ഓ​ഫി​സ്​ ആ​രോ​പ​ണ വി​ധേ​യ​മാ​യ ന​യ​ത​ന്ത്ര സ്വ​ർ​ണ​ക്ക​ട​ത്ത്​ കേ​സു​ൾ​പ്പെ​ടെ കേ​ന്ദ്ര ഏ​ജ​ൻ​സി​ക​ളു​ടെ അ​ന്വേ​ഷ​ണ​ത്തി​നെ​തി​രെ സം​സ്ഥാ​ന സ​ർ​ക്കാ​ർ പ്ര​ഖ്യാ​പി​ച്ച ജ​സ്റ്റി​സ്​ വി.​കെ. മോ​ഹ​ന​ൻ ക​മീ​ഷ​ന്‍റെ കാ​ലാ​വ​ധി​യാ​ണ്​ നീ​ട്ടാ​ൻ തീ​രു​മാ​നി​ച്ച​ത്. ക​മീ​ഷ​​നെ നി​യ​മി​ച്ച​ത്​ ഹൈ​കോ​ട​തി ത​ട​ഞ്ഞ കാ​ര്യം​ മ​ന്ത്രി​സ​ഭ യോ​ഗ​ത്തി​ൽ ചൂ​ണ്ടി​ക്കാ​ട്ടി​യ​പ്പോ​ൾ അ​തി​നെ​തി​രെ അ​പ്പീ​ലു​ണ്ടെ​ന്നാ​യി​രു​ന്നു മു​ഖ്യ​മ​ന്ത്രി​യു​ടെ മ​റു​പ​ടി. മു​ഖ്യ​മ​ന്ത്രി​യ​ട​ക്ക​മു​ള്ള​വ​രു​ടെ പേ​ര്​ പ​റ​യാ​ൻ എ​ൻ​ഫോ​ഴ്‌​സ്‌​മെ​ന്റ് ഡ​യ​റ​ക്ട​റേ​റ്റ് (ഇ.​ഡി) നി​ർ​ബ​ന്ധി​ക്കു​ന്നെ​ന്ന്​ സ്വ​ർ​ണ​ക്ക​ട​ത്ത്​ കേ​സ്​ പ്ര​തി​ക​ളാ​യ സ്വ​പ്ന​യും സ​ന്ദീ​പ്​ നാ​യ​രും വെ​ളി​പ്പെ​ടു​ത്തി​യ​തി​നെ തു​ട​ർ​ന്നാ​യി​രു​ന്നു സ​ർ​ക്കാ​റി​ന്‍റെ നീ​ക്കം. ഹൈ​കോ​ട​തി വി​ല​ക്ക്​ വ​ന്ന​തോ​ടെ ന​ട​പ​ടി​ക​ളി​ലേ​ക്കൊ​ന്നും ക​ട​ക്കാ​ൻ​ ക​മീ​ഷ​ന്​ ക​ഴി​ഞ്ഞി​ല്ല.

സ്വ​ർ​ണ​ക്ക​ട​ത്ത്​ കേ​സി​ൽ എ​ൻ​ഫോ​ഴ്‌​സ്‌​മെ​ന്റ് ഡ​യ​റ​ക്ട​റേ​റ്റ്, ക​സ്റ്റം​സ് എ​ന്നി​വ​യു​ടെ അ​ന്വേ​ഷ​ണ​ത്തി​ൽ മു​ഖ്യ​മ​ന്ത്രി​യെ പ്ര​തി​ചേ​ർ​ക്കാ​ൻ ശ്ര​മ​മു​ണ്ടാ​യെ​ന്ന പ്ര​തി സ്വ​പ്‌​ന സു​രേ​ഷി​ന്റെ ശ​ബ്ദ​രേ​ഖ പു​റ​ത്തു​വ​ന്നി​രു​ന്നു. സം​സ്ഥാ​ന മ​ന്ത്രി​മാ​ർ, സ്പീ​ക്ക​ർ എ​ന്നി​വ​രെ പ്ര​തി​ചേ​ർ​ക്കാ​ൻ ശ്ര​മ​മു​ണ്ടാ​യെ​ന്ന മ​റ്റൊ​രു​പ്ര​തി സ​ന്ദീ​പ് നാ​യ​രു​ടെ വെ​ളി​പ്പെ​ടു​ത്ത​ലു​മു​ണ്ടാ​യി. ഇ​തി​ന്റെ അ​ടി​സ്ഥാ​ന​ത്തി​ൽ ക്രൈം​ബ്രാ​ഞ്ച് ര​ണ്ട്​ കേ​സ്​ ര​ജി​സ്റ്റ​ർ ചെ​യ്തു.

ഇ​തി​നെ​തി​രെ ഇ.​ഡി ഹൈ​കോ​ട​തി​യി​ലെ​ത്തി​യ​തോ​ടെ 2021 ഏ​പ്രി​ലി​ൽ ര​ണ്ട് എ​ഫ്.​ഐ.​ആ​ർ ഹൈ​കോ​ട​തി റ​ദ്ദാ​ക്കി. തു​ട​ർ​ന്നാ​ണ് സ​ർ​ക്കാ​ർ 2021 മേ​യ് ഏ​ഴി​ന് റി​ട്ട. ഹൈ​കോ​ട​തി ജ​ഡ്ജി ജ​സ്റ്റി​സ് വി.​കെ. മോ​ഹ​ന​നെ അ​ന്വേ​ഷ​ണ ക​മീ​ഷ​നാ​യി നി​യോ​ഗി​ച്ച​ത്. ജു​ഡീ​ഷ്യ​ൽ അ​ന്വേ​ഷ​ണ​ത്തി​നെ​തി​രെ ഇ.​ഡി ഹൈ​കോ​ട​തി​യെ സ​മീ​പി​ച്ചു. ക​മീ​ഷ​നെ പ്ര​ഖ്യാ​പി​ച്ച സ​ർ​ക്കാ​ർ ന​ട​പ​ടി 2021 ആ​ഗ​സ്റ്റി​ൽ ഹൈ​കോ​ട​തി സിം​ഗ്​​ൾ ബെ​ഞ്ച് സ്​​റ്റേ ചെ​യ്തു. വി​ധി​ക്കെ​തി​രെ സ​ർ​ക്കാ​ർ ഹൈ​കോ​ട​തി ഡി​വി​ഷ​ൻ ബെ​ഞ്ചി​ൽ അ​പ്പീ​ൽ ന​ൽ​കി. 2023 ഫെ​ബ്രു​വ​രി​യി​ൽ മു​ഖ്യ​മ​ന്ത്രി നി​യ​മ​സ​ഭ​യി​ൽ ന​ൽ​കി​യ മ​റു​പ​ടി​യി​ൽ ക​മീ​ഷ​നു​വേ​ണ്ടി അ​ന്നു​വ​രെ 83.76 ല​ക്ഷം രൂ​പ ചെ​ല​വാ​യ​താ​യി വ്യ​ക്ത​മാ​ക്കി​യി​രു​ന്നു. സ്വ​ർ​ണ​ക്ക​ട​ത്ത്​ കേ​സ് അ​ന്വേ​ഷി​ച്ച ഇ.​ഡി-​ക​സ്റ്റം​സ് ഉ​ദ്യോ​ഗ​സ്ഥ​ർ സ്ഥ​ലം​മാ​റ്റം ല​ഭി​ച്ച് സം​സ്ഥാ​നം വി​ട്ടു.