മുരുക​െൻറ മരണം: വിശദമായി അന്വേഷിക്കാന്‍ മൂന്നംഗ സമിതി

തിരുവനന്തപുരം: വാഹനാപകടത്തെ തുടർന്ന്​ ചികിത്സ കിട്ടാതെ തമിഴ്​നാട്​ സ്വദേശി മുരുകൻ മരിക്കാനിടയായ സാഹചര്യങ്ങളെക്കുറിച്ച്  വിശദമായി അന്വേഷിക്കാന്‍ ആരോഗ്യവകുപ്പ് മൂന്നംഗസമിതിയെ നിയോഗിച്ചു. ആരോഗ്യവകുപ്പ് ഡയറക്ടര്‍ ഡോ. ആര്‍.എല്‍. സരിതയുടെ  നേതൃത്വത്തിലുള്ള സമിതിയില്‍ മെഡിക്കല്‍ വിദ്യാഭ്യാസ ജോയൻറ്​  ഡയറക്ടര്‍ ഡോ. ശ്രീകുമാരി, തിരുവനന്തപുരം ജനറല്‍ ആശുപത്രിയിലെ സീനിയര്‍ കണ്‍സള്‍ട്ടൻറ്​ ഡോ. ഐ.ജി. വിപിന്‍ എന്നിവര്‍ അംഗങ്ങളാണ്. ആരോപണവിധേയമായ ആശുപത്രികളില്‍ മുരുകനെ പരിശോധിച്ചിട്ടുണ്ടോ, ആവശ്യമായ ശുശ്രൂഷ  നല്‍കിയോ, ഡോക്ടര്‍മാരുടെ ഭാഗത്ത് വീഴ്ചയുണ്ടായോ എന്നീ  കാര്യങ്ങളാണ് സമിതി അന്വേഷിക്കുക. 48 മണിക്കൂറിനകം റിപ്പോര്‍ട്ട്  നല്‍കാനാണ്​ ആരോഗ്യവകുപ്പ് അഡീഷനല്‍ ചീഫ് സെക്രട്ടറി രാജീവ് സദാനന്ദന്‍ സമിതിക്ക് നിര്‍ദേശം നല്‍കിയത്​. എന്നാൽ അവധിദിനങ്ങൾ കഴിഞ്ഞ്​  തിങ്കളാഴ്​ച മുതലാകും അന്വേഷണം ആരംഭിക്കുക. 

കുറ്റക്കാരെ സർക്കാർ സംരക്ഷിക്കില്ല -മന്ത്രി
തിരുവനന്തപുരം: മുരുക​​െൻറ മരണത്തില്‍ കുറ്റക്കാരായ ഒരാളെയും  സര്‍ക്കാര്‍ സംരക്ഷിക്കില്ലെന്ന് ആരോഗ്യമന്ത്രി കെ.കെ. ശൈലജ.  മുരുകനെ കൊണ്ടുവരുമ്പോള്‍ തിരുവനന്തപുരം മെഡിക്കല്‍കോളജില്‍ വ​െൻറിലേറ്റര്‍ ഒഴിവില്ലായിരുന്നു എന്നാണ്​ താൻ അ​േ​ന്വഷിച്ചപ്പോൾ സൂപ്രണ്ട്​ പറഞ്ഞത് എന്ന്​ മന്ത്രി പറഞ്ഞു. ആംബുലൻസിൽ പോർട്ടബിൾ വ​െൻറിലേറ്റർ സഹായത്തോടെയാണ്​ മുരുകനെ മെഡിക്കൽ കോളജിൽ എത്തിച്ചത്​. മറ്റ്​ പല ആശുപത്രികളും കടന്നുവന്നതിനാൽ അതിഗുരുതരാവസ്​ഥയിലായിരുന്നു രോഗിയുടെ അവസ്​ഥ. അതിനാൽ കൂടുതൽ കാര്യശേഷിയുള്ള വ​െൻറിലേറ്ററാണ്​ മുരുകന്​ വേണ്ടിയിരുന്നത്​. പക്ഷേ, ആ സമയം അത്​ ഒഴിവില്ലായിരുന്നു എന്നാണ്​ സൂപ്രണ്ട്​  അറിയിച്ചത്​. മെഡിക്കൽ കോളജി​​െൻറ ഭാഗത്തുനിന്ന്​ തെറ്റ്​  സംഭവിച്ചിട്ടുണ്ടെങ്കിൽ നടപടി എടുക്കുമെന്നും മാധ്യമപ്രവർത്തകരുടെ ചോദ്യങ്ങൾക്ക്​ മന്ത്രി മറുപടി നൽകി. 

മുരുക​​െൻറ മരണം: ആശു​പത്രികളിൽ ആരോഗ്യവകുപ്പ്​ പരിശോധന 
കൊട്ടിയം: ആശുപത്രികൾ ചികിത്സ നിഷേധിച്ചതിനെത്തുടർന്ന്​ തമിഴ്​നാട്​ സ്വദേശി മുരുകൻ മരിക്കാനിടയായ സംഭവത്തിൽ ആരോഗ്യ വകുപ്പ്​ ഡയറക്​ടർ ഡോ.ആർ.എൽ. സരിതയുടെ നേതൃത്വത്തി​െല സംഘം ആശുപത്രികളിലെത്തി വിവരങ്ങൾ ശേഖരിച്ചു. സംഭവം സംബന്ധിച്ച്​ മുഖ്യമന്ത്രിക്ക്​ റിപ്പോർട്ട്​ നൽകുന്നതി​​െൻറ ഭാഗമായായിരുന്നു പരിശോധന. മരണത്തെതുടർന്ന്​ പൊലീസ് കേസെടുത്ത കൊട്ടിയം കിംസ്​, അസീസിയ, മെഡിസിറ്റി, മെഡിട്രിന എന്നീ ആശുപത്രികളിലായിരുന്നു പരിശോധന. 

ആശുപത്രി രേഖകൾ പരിശോധിച്ചതോടൊപ്പം ഡോക്ടർമാർ, ജീവനക്കാർ എന്നിവരിൽനിന്ന്​ വിവരങ്ങൾ ശേഖരിച്ചു. സംഭവം നടന്ന ആറിന്​ രാത്രിയിലും ഏഴിന്​ പുലർച്ചയും ആശുപത്രികളിൽ ഡ്യൂട്ടിയിലുണ്ടായിരുന്നവരിൽനിന്ന്​ വിവരങ്ങൾ ആരാഞ്ഞു. ആരോഗ്യ വകുപ്പ്​ ഡയറക്​ടർക്ക്​ പുറമേ, മെഡിക്കൽ വിദ്യാഭ്യാസവകുപ്പ് ജോയൻറ്​ ഡയറക്ടർ, തിരുവനന്തപുരം ജനറൽ ആശുപത്രിയിലെ സീനിയർ അനസ്തേഷ്യ ഡോക്ടർ എന്നിവര​​ും സംഘത്തിലുണ്ടായിരുന്നു. എത്രയും​ വേഗം റിപ്പോർട്ട്​ മുഖ്യമന്ത്രിക്ക് നൽകുമെന്ന് ആരോഗ്യവക​ുപ്പ്​ അധികൃതർ പറഞ്ഞു. മരണത്തിൽ തിരുവനന്തപുരം മെഡിക്കൽ കോളജ് അധികൃതർ വീഴ്ച വരുത്തിയിട്ടുണ്ടോ എന്നറിയാൻ മെഡിക്കൽ കോളജ് ഡെപ്യൂട്ടി സൂപ്രണ്ട് അധ്യക്ഷനായ മറ്റൊരു സംഘവും അന്വേഷണം തുടങ്ങി. 

മുരുകനെ എത്തിച്ചപ്പോൾ മെഡിക്കൽ കോളജിൽ ട്രാൻസ്പ്ലാൻറ്​ ഐ.സി.യുവിലും പൊള്ളൽ ചികിത്സ വിഭാഗത്തിലും പോർട്ടബിൾ വ​െൻറിലേറ്റർ ഒഴിവുണ്ടായിരുന്നോയെന്നും ഡ്യൂട്ടി ഡോക്ടർക്കും നഴ്സിങ്​സൂപ്രണ്ടിനും വീഴ്ച പറ്റിയിട്ടുണ്ടോ എന്നുമാണ്​ സംഘം അന്വേഷിക്കുക. സംഭവത്തിൽ പൊലീസ് അന്വേഷണം അവസാന ഘട്ടത്തിൽ എത്തുകയും അറസ്​റ്റ്​ ഉണ്ടാവുമെന്ന്​ ഉറപ്പാവുകയും ചെയ്​ത സാഹചര്യത്തിൽ ആരോഗ്യ വകുപ്പും അന്വേഷണവുമായി ഇറങ്ങിയത് പൊലീസിനെ കുഴക്കുന്നുണ്ട്. ആരോഗ്യ വകുപ്പി​​െൻറ അ​േന്വഷണ റിപ്പോർട്ടും പൊലീസി​​െൻറ കണ്ടെത്തലുകളും ഒന്നായില്ലെങ്കിൽ അത് കേസിനെ ബാധിക്കാൻ ഇടയാകുമെന്നാണ് പൊലീസ്​ കരുതുന്നത്. കൊട്ടിയം സി.ഐയുടെ നേതൃത്യത്തിൽ നിരവധി പേരിൽനിന്ന്​ മൊഴിയെടുക്കൽ നടന്നുവരുകയാണ്. മൊഴികളും സി.സി ടി.വി ദൃശ്യങ്ങളും പരിശോധിച്ച ശേഷം ഡോക്​ടർമാരുടെ അറസ്​റ്റ്​ അടുത്ത ദിവസങ്ങളിൽതന്നെ ഉണ്ടാവുമെന്നാണ്​ ​പൊലീസ്​ വൃത്തങ്ങൾ നൽകുന്ന സൂചന.