വി​ഴി​ഞ്ഞം തു​റ​മു​ഖ നി​ർ​മാ​ണ​ത്തി​ന് പൊലീസ് സംരക്ഷണം തേടി കമ്പനികൾ ഹൈകോടതിയിൽ

കൊ​ച്ചി: വി​ഴി​ഞ്ഞം തു​റ​മു​ഖ നി​ർ​മാ​ണ​ത്തി​ന് പൊ​ലീ​സ് സം​ര​ക്ഷ​ണം ആ​വ​ശ്യ​പ്പെ​ട്ട് ഹൈ​കോ​ട​തി​യി​ൽ ക​മ്പ​നി​ക​ളു​ടെ ഹ​ര​ജി. വി​ഴി​ഞ്ഞം തു​റ​മു​ഖ നി​ർ​മാ​ണ​ത്തി​നെ​തി​രെ മ​ത്സ്യ​ത്തൊ​ഴി​ലാ​ളി​ക​ൾ ന​ട​ത്തു​ന്ന സ​മ​ര​ത്തി​ൽ​നി​ന്ന് സം​ര​ക്ഷ​ണം തേ​ടി​യാ​ണ്​ അ​ദാ​നി വി​ഴി​ഞ്ഞം പോ​ർ​ട്ട് പ്രൈ​വ​റ്റ് ലി​മി​റ്റ​ഡും നി​ർ​മാ​ണ ക​രാ​ർ ക​മ്പ​നി​യാ​യ ഹോ​വെ എ​ൻ​ജി​നീ​യ​റി​ങ്​ പ്രോ​ജ​ക്ട്സും​ ഹൈ​കോ​ട​തി​യെ സ​മീ​പി​ച്ച​ത്. സ​മ​ര​ക്കാ​രി​ൽ​നി​ന്ന്​ ര​ണ്ട്​ ക​മ്പ​നി​ക്കും ജീ​വ​ന​ക്കാ​ർ​ക്കും സം​ര​ക്ഷ​ണം ന​ൽ​കാ​ൻ സം​സ്ഥാ​ന സ​ർ​ക്കാ​റി​നും പൊ​ലീ​സി​നും നി​ർ​ദേ​ശം ന​ൽ​ക​ണ​മെ​ന്നാ​ണ് ഹ​ര​ജി​യി​ലെ ആ​വ​ശ്യം.

മ​തി​യാ​യ സം​ര​ക്ഷ​ണം ന​ൽ​കാ​ൻ പൊ​ലീ​സി​ന് ക​ഴി​യി​ല്ലെ​ങ്കി​ൽ സി.​ആ​ർ.​പി.​എ​ഫി​ന്‍റെ സം​ര​ക്ഷ​ണം ഒ​രു​ക്കാ​ൻ കേ​ന്ദ്ര​സ​ർ​ക്കാ​റി​ന്​ നി​ർ​ദേ​ശം ന​ൽ​ക​ണ​മെ​ന്നും ആ​വ​ശ്യ​പ്പെ​ട്ടി​ട്ടു​ണ്ട്. പൊ​തു-​സ്വ​കാ​ര്യ പ​ങ്കാ​ളി​ത്ത​ത്തോ​ടെ ന​ട​പ്പാ​ക്കു​ന്ന വി​ഴി​ഞ്ഞം തു​റ​മു​ഖം നി​ർ​മി​ച്ച്​ പ്ര​വ​ർ​ത്തി​പ്പി​ച്ച്​ ​കൈ​മാ​റാ​നു​ള്ള ക​രാ​ർ അ​ദാ​നി ഗ്രൂ​പ്പാ​ണ് ഏ​റ്റെ​ടു​ത്തി​ട്ടു​ള്ള​ത്. നി​യ​മ​പ​ര​മാ​യ എ​ല്ലാ അ​നു​മ​തി​ക​ളും വാ​ങ്ങി നി​ർ​മാ​ണം തു​ട​ങ്ങി​യെ​ങ്കി​ലും മ​ത്സ്യ​ത്തൊ​ഴി​ലാ​ളി​ക​ളു​ടെ സ​മ​രം മൂ​ലം ഇ​പ്പോ​ൾ ഈ ​മേ​ഖ​ല​യി​ലെ ക്ര​മ​സ​മാ​ധാ​നം ത​ക​ർ​ന്നെ​ന്നാ​ണ്​ ഹ​ര​ജി​ക​ളി​ലെ ആ​രോ​പ​ണം.

2015 ഡി​സം​ബ​ർ അ​ഞ്ചി​നാ​ണ്​ തു​റ​മു​ഖ നി​ർ​മാ​ണം തു​ട​ങ്ങി​യ​ത്. ​ഇ​ത്​ പൂ​ർ​ത്തി​യാ​കാ​റാ​യ ഘ​ട്ട​ത്തി​ലാ​ണ് സ​മ​ര​ക്കാ​രു​ടെ വ​ര​വ്. സ​മ​യ​ബ​ന്ധി​ത​മാ​യി പൂ​ർ​ത്തി​യാ​ക്കേ​ണ്ട നി​ർ​മാ​ണം ക​രി​ങ്ക​ൽ ക്ഷാ​മ​വും പ്ര​കൃ​തി​ക്ഷോ​ഭ​വും കോ​വി​ഡ് വ്യാ​പ​ന​വു​മ​ട​ക്കം പ​ല കാ​ര​ണ​ങ്ങ​ളാ​ൽ വൈ​കി. ഇ​തി​നു പി​ന്നാ​ലെ​യാ​ണ് സ​മ​ര​ക്കാ​ർ നി​ർ​മാ​ണം ത​ട​സ്സ​പ്പെ​ടു​ത്തു​ന്ന​ത്. ഇ​ത്​ ക​മ്പ​നി​ക​ളെ മാ​ത്ര​മ​ല്ല, സം​സ്ഥാ​ന സ​ർ​ക്കാ​റി​നെ​യും പൊ​തു​സ​മൂ​ഹ​ത്തെ​യും പ്ര​തി​കൂ​ല​മാ​യി ബാ​ധി​ക്കും. ല​ത്തീ​ൻ അ​തി​രൂ​പ​ത​യു​ടെ നേ​തൃ​ത്വ​ത്തി​ൽ ആ​ഗ​സ്റ്റ് 16 മു​ത​ൽ ന​ട​ത്തു​ന്ന രാ​പ്പ​ക​ൽ സ​മ​രം നി​മി​ത്തം നി​ർ​മാ​ണ പ്ര​വ​ർ​ത്ത​ന​ങ്ങ​ൾ നി​ർ​ത്തി​വെ​ക്കേ​ണ്ടി വ​ന്നു.

സ​മ​ര​ക്കാ​ർ അ​ക്ര​മ​ങ്ങ​ൾ ന​ട​ത്തു​മ്പോ​ൾ പൊ​ലീ​സ് കാ​ഴ്ച​ക്കാ​രാ​യി നി​ൽ​ക്കു​ക​യാ​ണ്. നി​യ​മ​വി​രു​ദ്ധ പ്ര​വ​ർ​ത്ത​ന​ങ്ങ​ൾ ത​ട​യാ​നോ സ​മ​ര​ക്കാ​രെ നേ​രി​ടാ​നോ ത​യാ​റാ​യി​ല്ല. ഈ ​സാ​ഹ​ച​ര്യ​ത്തി​ൽ ക​മ്പ​നി​ക​ളി​ലെ ജീ​വ​ന​ക്കാ​രു​ടെ​യും തൊ​ഴി​ലാ​ളി​ക​ളു​ടെ​യും ജീ​വ​ന്​ ഭീ​ഷ​ണി​യു​ണ്ട്​. വി​ഴി​ഞ്ഞം തു​റ​മു​ഖ പ​ദ്ധ​തി​ക്കു​വേ​ണ്ടി കേ​ന്ദ്ര സ​ർ​ക്കാ​റി​ന്‍റെ ഫ​ണ്ടും ചെ​ല​വ​ഴി​ച്ചി​ട്ടു​ള്ള​തി​നാ​ലാ​ണ് സം​സ്ഥാ​ന സ​ർ​ക്കാ​റി​ന്​ സം​ര​ക്ഷ​ണം ന​ൽ​കാ​നാ​യി​ല്ലെ​ങ്കി​ൽ കേ​​ന്ദ്രം ന​ൽ​ക​ണ​മെ​ന്ന്​ ആ​വ​ശ്യ​പ്പെ​ടു​ന്ന​തെ​ന്നും ഹ​ര​ജി​യി​ൽ പ​റ​യു​ന്നു. ഹ​ര​ജി​ക​ൾ വെ​ള്ളി​യാ​ഴ്ച കോ​ട​തി പ​രി​ഗ​ണി​ച്ചേ​ക്കും.