വാരിയന്‍കുന്നത്തിനെതിരെ പരാമര്‍ശം: അബ്​ദുല്ലക്കുട്ടിക്കെതിരെ പരാതി

മാനന്തവാടി: വാരിയൻകുന്നത്ത് കുഞ്ഞഹമ്മദ് ഹാജിയെ താലിബാന്‍ നേതാവായി ഉപമിച്ച ബി.ജെ.പി നേതാവ് എ.പി. അബ്​ദുല്ലക്കുട്ടിക്കെതിരെ പരാതി. ചക്കിപ്പറമ്പന്‍ ഫാമിലി അസോസിയേഷന്‍ വയനാട് ജില്ല പ്രസിഡൻറ്​ സി.പി. മുഹമ്മദാലിയാണ് മാനന്തവാടി പൊലീസ് സ്‌റ്റേഷനില്‍ പരാതി നല്‍കിയത്.

Also Read:വാരിയൻ കുന്നത്തിനെ തള്ളിപ്പറയുന്നത്​ സ്വാതന്ത്ര്യ സമരത്തെക്കുറിച്ച്​ ധാരണയില്ലാത്തവർ​ -മുഖ്യമന്ത്രി

മലബാര്‍-സ്വാതന്ത്യ സമര പോരാട്ടങ്ങളുടെ നായകന്‍ വാരിയന്‍കുന്നത്ത് കുഞ്ഞഹമ്മദ് ഹാജിയെ അപമാനിക്കുന്നതിലൂടെ മതസ്​പര്‍ധയുണ്ടാക്കിയതായും ചക്കിപ്പറമ്പന്‍ കുടുംബപരമ്പരയെ അപമാനിച്ചതായും മുഹമ്മദാലി ചൂണ്ടിക്കാട്ടി.

Also Read:മാപ്പുപറഞ്ഞ്​ മക്കയിൽ പോകുന്നതിന്​ പകരം ജന്മനാടിന്​ വേണ്ടി മരണം വരിച്ചയാളാണ്​ വാരിയൻകുന്നത്ത്​ -എം.ബി. രാജേഷ്​

അഭിഭാഷകരുമായി ആലോചിച്ച് കൂടുതല്‍ നിയമ നടപടികള്‍ സ്വീകരിക്കുമെന്നും അദ്ദേഹം പറഞ്ഞു.