ക്ഷേ​ത്രോ​ത്സ​വ​ത്തി​നി​ടെ വ​യോ​ധി​ക​ന്റെ മ​രണം ആ​ന​യു​ടെ ആ​ക്ര​മ​ണ​ത്തി​ലെ​ന്ന് പ​രാ​തി; പു​ന​ര​ന്വേ​ഷ​ണം വേ​ണ​മെ​ന്ന് കോ​ട​തി

ചാ​വ​ക്കാ​ട്: പെ​രു​വ​ല്ലൂ​ർ ഭ​ഗ​വ​തി ക്ഷേ​ത്രോ​ത്സ​വ​ത്തി​നി​ടെ വ​യോ​ധി​ക​ൻ മ​രി​ച്ച​ത് ആ​ന​യു​ടെ ആ​ക്ര​മ​ണ​ത്തി​ലെ​ന്ന പ​രാ​തി പു​ന​ര​ന്വ​ഷി​ക്ക​ണ​മെ​ന്ന് ചാ​വ​ക്കാ​ട് ജു​ഡീ​ഷ്യ​ൽ ഫ​സ്റ്റ് ക്ലാ​സ് മ​ജി​സ്ട്രേ​റ്റ്. അ​ന്ന​ക​ര പു​ളി​ക്ക​വീ​ട്ടി​ൽ അ​ശോ​ക​നാ​ണ് (67) ക്ഷേ​ത്രോ​ത്സ​വ​ത്തി​നി​ടെ മ​രി​ച്ച​ത്.

ഇ​ക്ക​ഴി​ഞ്ഞ ഫെ​ബ്രു​വ​രി 15ന് ​ന​ട​ന്ന പെ​രു​വ​ല്ലൂ​ർ കോ​ട്ട​കു​റു​മ്പ ഭ​ഗ​വ​തി ക്ഷേ​ത്ര​ത്തി​ലെ ഉ​ത്സ​വ​ദി​വ​സം രാ​വി​ലെ​യാ​യി​രു​ന്നു സം​ഭ​വം. ക്ഷേ​ത്രോ​ത്സ​വ​ത്തി​ൽ അ​നു​മ​തി​യി​ല്ലാ​തെ എ​ഴു​ന്ന​ള്ളി​ച്ച പു​തു​പ​ള്ളി കേ​ശ​വ​ൻ എ​ന്ന ആ​ന​യു​ടെ ആ​ക്ര​മ​ണ​ത്തി​ലാ​ണ് അ​ശോ​ക​ൻ മ​രി​ച്ച​തെ​ന്നാ​ണ് മ​ക​ൻ അ​നി​ലി​ന്റെ പ​രാ​തി.

എ​ന്നാ​ൽ ഈ ​പ​രാ​തി അ​പ​ക​ട​മ​ര​ണ​മെ​ന്ന് പ​റ​ഞ്ഞ് പാ​വ​റ​ട്ടി പൊ​ലീ​സ് എ​ഴു​തി​ത്ത​ള്ളു​ക​യാ​യി​രു​ന്നു. പി​താ​വി​ന്റെ മ​ര​ണം സം​ബ​സി​ച്ച് അ​നി​ൽ ന​ൽ​കി​യ സ്വ​കാ​ര്യ അ​ന്യാ​യം ഫ​യ​ലി​ൽ സ്വീ​ക​രി​ച്ച് മ​ജി​സ്ട്രേ​റ്റ് ശാ​രി​ക സ​ത്യ​നാ​ണ് പു​നഃ​ര​ന്വേ​ഷ​ണം ന​ട​ത്ത​ണ​മെ​ന്ന് ഉ​ത്ത​ര​വി​ട്ട​ത്. പ​രാ​തി​ക്കാ​ര​ന് വേ​ണ്ടി ചാ​വ​ക്കാ​ട് കോ​ട​തി​യി​ലെ അ​ഡ്വ. കെ.​എ​ച്ച്. അ​ബ്‌​ദു​ൽ സ​മ​ദ്, അ​ഡ്വ. പി.​എ​സ്. അ​ഖി​ൽ വാ​സ് എ​ന്നി​വ​ർ ഹാ​ജ​രാ​യി.