കാസർകോട് മോക്പോളിൽ ബി.ജെ.പിക്ക് അധികവോട്ട് ലഭിച്ചെന്ന പരാതി അടിസ്ഥാന രഹിതം -കേന്ദ്ര തെര​ഞ്ഞെടുപ്പ് കമീഷൻ

ന്യൂ​ഡ​ൽ​ഹി: കാ​സ​ർ​കോ​ട്​ ലോ​ക്സ​ഭ മ​ണ്ഡ​ല​ത്തി​ൽ ബു​ധ​നാ​ഴ്ച ന​ട​ന്ന മോ​ക്​ പോ​ളി​ൽ ബി.​ജെ.​പി​ക്ക്​ പോ​ൾ ചെ​യ്ത​തി​നേ​ക്കാ​ൾ ഒ​രു വോ​ട്ട്​ കൂ​ടു​ത​ൽ കി​ട്ടി​യ​താ​യി വോ​ട്ടു​യ​ന്ത്ര​ത്തി​ൽ കാ​ണി​ച്ച വി​ഷ​യം തെ​റ്റാ​യ പ്ര​ചാ​ര​ണ​മാ​ണെന്ന്​ തെരഞ്ഞെടുപ്പ് കമീഷൻ സുപ്രീംകോടതിയിൽ. പോ​ൾ ചെ​യ്യു​ന്ന വോ​ട്ടും വി​വി​പാ​റ്റ്​ ര​സീ​തും പൂ​ർ​ണ​മാ​യി ഒ​ത്തു​നോ​ക്കി വോ​ട്ടു​യ​ന്ത്ര സം​വി​ധാ​നം കു​റ്റ​മ​റ്റ​താ​ക്ക​ണ​മെ​ന്ന ഹ​ര​ജി​യി​ൽ വാ​ദം കേ​ൾ​ക്കു​ന്ന​തി​നി​ട​യി​ൽ മു​തി​ർ​ന്ന അ​ഭി​ഭാ​ഷ​ക​ൻ പ്ര​ശാ​ന്ത്​ ഭൂ​ഷ​ൺ മാ​ധ്യ​മ​വാ​ർ​ത്ത​ക​ൾ ചൂ​ണ്ടി​ക്കാ​ട്ടി​യാ​ണ്​ കാ​സ​ർ​കോ​ട്​ വി​ഷ​യം കോ​ട​തി​യി​ൽ ഉ​ന്ന​യി​ച്ച​ത്.

അ​ന്വേ​ഷി​ച്ച്​ മ​റു​പ​ടി ന​ൽ​കാ​ൻ ജ​സ്റ്റി​സു​മാ​രാ​യ സ​ഞ്ജീ​വ്​ ഖ​ന്ന, ദീ​പാ​ങ്ക​ർ ദ​ത്ത എ​ന്നി​വ​ർ ആ​വ​ശ്യ​പ്പെ​ട്ടു. ‘വാ​ർ​ത്ത​ക​ൾ തെ​റ്റാ​ണ്. ജി​ല്ല ക​ല​ക്ട​റോ​ട്​ ഇ​തേ​ക്കു​റി​ച്ച്​ ​ചോ​ദി​ച്ചി​രു​ന്നു. റി​പ്പോ​ർ​ട്ട്​ തെ​റ്റാ​ണെ​ന്ന വി​വ​ര​മാ​ണ്​ കി​ട്ടി​യ​ത്. വി​ശ​ദ റി​പ്പോ​ർ​ട്ട്​ കോ​ട​തി​യി​ൽ സ​മ​ർ​പ്പി​ക്കും’ -ഉ​ച്ച​ക്കു ശേ​ഷം സീ​നി​യ​ർ ​െഡ​പ്യൂ​ട്ടി​ ഇ​ല​ക്​​ഷ​ൻ ക​മീ​ഷ​ണ​ർ നി​തേ​ഷ്​ കു​മാ​ർ വ്യാ​സ്​ കോ​ട​തി​യെ അ​റി​യി​ച്ചു.

ആശങ്ക വേണ്ടെന്ന്​ മുഖ്യ തെരഞ്ഞെടുപ്പ് ഓഫിസര്‍

തി​രു​വ​ന​ന്ത​പു​രം: കാ​സ​ര്‍കോ​ട് മ​ണ്ഡ​ല​ത്തി​ല്‍ ഇ​ല​ക്​​ട്രോ​ണി​ക് വോ​ട്ടെ​ടു​പ്പ് യ​ന്ത്ര​ത്തി​ന്റെ (ഇ.​വി.​എം) ക​മീ​ഷ​നി​ങ്ങി​ന്റെ ഭാ​ഗ​മാ​യി ന​ട​ത്തി​യ മോ​ക്‌​പോ​ളി​ല്‍ ഒ​രു സ്ഥാ​നാ​ര്‍ഥി​ക്ക് അ​ധി​ക വോ​ട്ട് ല​ഭി​ച്ചു എ​ന്ന ആ​രോ​പ​ണം അ​ടി​സ്ഥാ​ന​ര​ഹി​ത​മാ​ണെ​ന്ന് മു​ഖ്യ​തെ​ര​ഞ്ഞെ​ടു​പ്പ് ഒാ​ഫി​സ​ര്‍ സ​ഞ്ജ​യ് കൗ​ള്‍ അ​റി​യി​ച്ചു. പ​രാ​തി​യെ​ത്തു​ട​ര്‍ന്ന് ഇ​തു​സം​ബ​ന്ധി​ച്ച് കാ​സ​ര്‍കോ​ട് ജി​ല്ല ക​ല​ക്ട​റി​ല്‍നി​ന്ന് റി​പ്പോ​ര്‍ട്ട് തേ​ടി​യി​രു​ന്നു.

തെ​ര​ഞ്ഞെ​ടു​പ്പി​നാ​യി ഇ.​വി.​എം സ​ജ്ജ​മാ​ക്കു​ന്ന പ്ര​ക്രി​യ​യാ​ണ് ക​മീ​ഷ​നി​ങ്. അ​സി. റി​ട്ടേ​ണി​ങ് ഒാ​ഫി​സ​ര്‍മാ​രു​ടെ നേ​രി​ട്ടു​ള്ള മേ​ല്‍നോ​ട്ട​ത്തി​ല്‍ ഭാ​ര​ത് ഇ​ല​ക്​​​ട്രോ​ണി​ക്‌​സ് ലി​മി​റ്റ​ഡി​ല്‍ (ബെ​ല്‍) നി​ന്നു​ള്ള എ​ന്‍ജി​നീ​യ​ര്‍മാ​രാ​ണ് ഇ​ത് നി​ര്‍വ​ഹി​ക്കു​ന്ന​ത്. സ്ഥാ​നാ​ര്‍ഥി​ക​ളു​ടെ​യോ സ്ഥാ​നാ​ര്‍ഥി​ക​ള്‍ നി​യോ​ഗി​ക്കു​ന്ന ഏ​ജ​ന്റു​മാ​രു​ടെ​യോ സാ​ന്നി​ധ്യ​ത്തി​ലാ​ണ് ക​മീ​ഷ​നി​ങ് ന​ട​ക്കു​ന്ന​ത്. ഇ​ത് പൂ​ര്‍ണ​മാ​യും വെ​ബ്കാ​സ്റ്റ് ചെ​യ്യു​ന്നു​മു​ണ്ട്.

കാ​സ​ര്‍കോ​ട് മ​ണ്ഡ​ല​ത്തി​ല്‍ ന​ട​ന്ന ക​മീ​ഷ​നി​ങ്ങി​ന്റെ ഭാ​ഗ​മാ​യി ന​ട​ത്തി​യ മോ​ക്‌​പോ​ളി​നി​ടെ അ​ധി​ക​മാ​യി വി​വി​പാ​റ്റ് സ്ലി​പ് പു​റ​ത്തു​വ​ന്ന​താ​ണ് ആ​ശ​യ​ക്കു​ഴ​പ്പ​ത്തി​നി​ട​യാ​ക്കി​യ​ത്. യ​ന്ത്ര​ങ്ങ​ള്‍ സ​ജ്ജ​മാ​ക്കി​യ ശേ​ഷം ഉ​ദ്യോ​ഗ​സ്ഥ​ര്‍ ന​ട​ത്തി​യ പ്രാ​ഥ​മി​ക പ​രി​ശോ​ധ​ന​യി​ല്‍ പ്രി​ന്‍റെ​ടു​ക്കാ​തി​രു​ന്ന വി​വി​പാ​റ്റ് സ്ലി​പ്പാ​ണ് പി​ന്നീ​ട് ന​ട​ന്ന മോ​ക്ക് പോ​ളി​നി​ടെ പു​റ​ത്തു​വ​ന്ന​ത്. ഈ ​സ്ലി​പ്പി​ല്‍ നോ​ട് ടു ​ബി കൗ​ണ്ട​ഡ് (ക​ണ​ക്കു കൂ​ട്ടേ​ണ്ട​തി​ല്ലാ​ത്ത​ത്) എ​ന്ന് രേ​ഖ​പ്പെ​ടു​ത്തി​യി​രു​ന്നു.

സ്റ്റാ​ന്‍ഡേ​ര്‍ഡൈ​സേ​ഷ​ന്‍ ഡ​ണ്‍, വി​വി​പാ​റ്റ് സീ​രി​യ​ല്‍ ന​മ്പ​ര്‍ എ​ന്നും രേ​ഖ​പ്പെ​ടു​ത്തി​യി​രു​ന്നു. മ​റ്റ് വി​വി​പാ​റ്റ് സ്ലി​പ്പി​നേ​ക്കാ​ളും നീ​ള​ക്കൂ​ടു​ത​ലു​ള്ള സ്ലി​പ്പു​മാ​ണി​ത്. സം​സ്ഥാ​ന​ത്ത് ലോ​ക്‌​സ​ഭ തെ​ര​ഞ്ഞെ​ടു​പ്പി​ല്‍ ഉ​പ​യോ​ഗി​ക്കു​ന്ന മു​ഴു​വ​ന്‍ വോ​ട്ടെ​ടു​പ്പ് യ​ന്ത്ര​ങ്ങ​ളും പൂ​ര്‍ണ​മാ​യും സു​ര​ക്ഷി​ത​വും കു​റ്റ​മ​റ്റ​തു​മാ​ണെ​ന്നും ഒ​രു ആ​ശ​ങ്ക​യും ഉ​ണ്ടാ​കേ​ണ്ട​തി​ല്ലെ​ന്നും മു​ഖ്യ​തെ​ര​ഞ്ഞെ​ടു​പ്പ് ഓ​ഫി​സ​ര്‍ അ​റി​യി​ച്ചു.

പ്രശ്‌നം തീർത്തെന്ന്‌ വരണാധികാരി

കാ​സ​ർ​കോ​ട്: വോ​ട്ടി​ങ് മെ​ഷീ​നി​ൽ താ​മ​ര​ക്ക് വോ​ട്ട് ചെ​യ്തി​ല്ലെ​ങ്കി​ലും ആ ​ചി​ഹ്ന​ത്തി​ന് വോ​ട്ട് വീ​ഴു​ന്ന സാ​ങ്കേ​തി​ക​പ്ര​ശ്‌​നം പ​രി​ഹ​രി​ച്ചു​വെ​ന്ന് പാ​ർ​ല​മെ​ന്റ് മ​ണ്ഡ​ലം വ​ര​ണാ​ധി​കാ​രി കൂ​ടി​യാ​യ ക​ല​ക്ട​ർ കെ. ​ഇ​മ്പ​ശേ​ഖ​ർ വാ​ർ​ത്ത​സ​മ്മേ​ള​ന​ത്തി​ൽ അ​റി​യി​ച്ചു. പ​രാ​തി​ക്കി​ട​യാ​ക്കി​യ വോ​ട്ടി​ങ്‌ യ​ന്ത്ര​ങ്ങ​ളി​ൽ 1000 വോ​ട്ട്‌ വീ​തം മോ​ക്ക്‌ പോ​ളാ​യി ചെ​യ്‌​തു. തെ​റ്റാ​യി ഒ​ന്നും ഉ​ണ്ടാ​യി​രു​ന്നി​ല്ല. ഇ​ത്‌ ബോ​ധ്യ​പ്പെ​ട്ട്‌ എ​ല്ലാ രാ​ഷ്‌​ട്രീ​യ പാ​ർ​ട്ടി പ്ര​തി​നി​ധി​ക​ളും സ​ർ​ട്ടി​ഫി​ക്ക​റ്റി​ൽ ഒ​പ്പി​ട്ട്‌ ന​ൽ​കി​യി​ട്ടു​ണ്ട്‌. മൂ​ന്ന്‌ ഘ​ട്ട​മാ​യി മോ​ക്ക്‌​പോ​ൾ ന​ട​ത്തു​ന്നു​ണ്ട്‌. ആ​ദ്യ​ഘ​ട്ട പ​രി​ശോ​ധ​ന നേ​ര​ത്തേ ക​ഴി​ഞ്ഞു. ര​ണ്ടാം​ഘ​ട്ട​മാ​ണ്‌ ഇ​പ്പോ​ൾ ന​ട​ന്ന​ത്‌. മൂ​ന്നാം​ഘ​ട്ടം വോ​ട്ടെ​ടു​പ്പ്‌ ദി​ന​ത്തി​ൽ പോ​ളി​ങ്‌ കേ​ന്ദ്ര​ത്തി​ൽ ന​ട​ക്കും. അ​ന്നേ​രം 50 വോ​ട്ട്‌ വീ​തം ചെ​യ്‌​ത്‌ അ​തി​ന്റെ വി​വി പാ​റ്റ്‌ സ്ലി​പ്പു​ക​ൾ സൂ​ക്ഷി​ച്ച​ു​വെ​ക്കുമെന്നും അദ്ദേഹം പറഞ്ഞു.