യുവാവിനെയും കുടുംബത്തെയും വീടുകയറി ആക്രമിച്ചതായി പരാതി

കു​മ്പ​ള: യു​വാ​വി​നെ​യും കു​ടും​ബ​ത്തെ​യും വീ​ടു​ക​യ​റി ആക്ര​മി​ച്ച​താ​യി പ​രാ​തി. ഉ​ളു​വാ​ർ ബാ​യി​ക്ക​ട്ട​യി​ലെ പ​രേ​ത​നാ​യ അ​ന്തു​ഞ്ഞി​യു​ടെ മ​ക​ൻ മു​ഹ​മ്മ​ദ് കു​ഞ്ഞി (38), ഭാ​ര്യ കൈ​റു​ന്നി​സ (32) , മ​ക്ക​ളാ​യ മു​ബീ​ൻ (9), മു​ന​വ്വ​ർ (11), മാ​താ​വ് ആ​യി​ശാ​ബി (75) എ​ന്നി​വ​രെ​യാ​ണ് ആ​ക്ര​മി​ച്ച​ത്. ഇ​വ​രെ കു​മ്പ​ള ജി​ല്ല സ​ഹ​ക​ര​ണ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു. വാ​യി​ക്ക​ട്ടെ അ​ബ്ദു​ൽ​റ​ഹി​മാ​ന്റെ ​മ​ക​ൻ അ​ബ്ദു​ല്ല​യാ​ണ് ആ​ക്ര​മി​ച്ച​തെ​ന്ന് മു​ഹ​മ്മ​ദ് കു​ഞ്ഞി പ​റ​ഞ്ഞു. കോ​വി​ഡ് മ​ഹാ​മാ​രി​ക്ക് മു​മ്പ് മു​ഹ​മ്മ​ദ് കു​ഞ്ഞി ക​ച്ച​വ​ട​ത്തി​നാ​യി അ​ബ്ദു​ല്ല​യി​ൽ​നി​ന്ന് സ്വ​ർ​ണം വാ​ങ്ങി​യി​രു​ന്നു​വ​ത്രെ. ക​ച്ച​വ​ടം ന​ഷ്ട​ത്തി​ൽ ആ​യ​തി​നെ തു​ട​ർ​ന്ന് വാ​ങ്ങി​യ സ്വ​ർ​ണം അ​ബ്ദു​ല്ല​ക്ക് തി​രി​ച്ചു ന​ൽ​കാ​ൻ മു​ഹ​മ്മ​ദ് കു​ഞ്ഞി​ക്ക് സാ​ധി​ച്ചി​ല്ല. തു​ട​ർ​ന്ന് അ​ബ്ദു​ല്ല വീ​ട്ടു​കാ​രെ നി​ര​ന്ത​രം ഭീ​ഷ​ണി​പ്പെ​ടു​ത്തു​ക​യാ​യി​രു​ന്നു. ഇ​തേ​ത്തു​ട​ർ​ന്ന് ക​ഴി​ഞ്ഞ​ദി​വ​സം എ​റ​ണാ​കു​ള​ത്തു​നി​ന്ന് നാ​ട്ടി​ലെ​ത്തി​യ മു​ഹ​മ്മ​ദ് കു​ഞ്ഞി​യെതേ​ടി വീ​ട്ടി​ലെ​ത്തി​യ അ​ബ്ദു​ല്ല പ​രാ​ക്ര​മം കാ​ട്ടു​ക​യാ​യി​രു​ന്നു. ആക്ര​മ​ണത്തി​ൽ മു​ഹ​മ്മ​ദ് കു​ഞ്ഞി​ക്ക് മൂ​ക്കി​ന് സാ​ര​മാ​യി പ​രി​ക്കേ​റ്റി​ട്ടു​ണ്ട്. സം​ഭ​വ​ത്തി​ൽ പൊ​ലീ​സ് അ​ന്വേ​ഷ​ണം തു​ട​ങ്ങി.