പ്രസ്ക്ലബ് പ്രസിഡന്റിന് വധഭീഷണി: പി.വി. അൻവറിനെതിരെ ഡി.ജി.പിക്ക് പരാതി
text_fieldsതിരുവനന്തപുരം: പി.വി. അൻവർ എം.എൽ.എയുടെ അനുചരന്മാർ തിരുവനന്തപുരം പ്രസ്ക്ലബ് പ്രസിഡന്റ് എം. രാധാകൃഷ്ണനെതിരെ വധഭീഷണി മുഴക്കുകയാണെന്ന് കാട്ടി പ്രസ്ക്ലബ് ഡി.ജി.പിക്ക് പരാതി നൽകി. ഓൺലൈൻ മാധ്യമമായ ‘മറുനാടൻ മലയാളിക്ക് നേരെയുള്ള പൊലീസ് നടപടികൾക്കെതിരെ പ്രസ്ക്ലബ് പ്രതിഷേധക്കുറിപ്പ് ഇറക്കിയിരുന്നു.
ആ കുറിപ്പിലെ പരാമർശങ്ങൾ പി.വി. അൻവറിന് എതിരെയാണെന്ന മുൻവിധിയോടെയാണ് എം.എൽ.എയുടെ അനുയായികൾ എന്നവകാശപ്പെടുന്നവർ എം. രാധാകൃഷ്ണന്റെ നമ്പറിലേക്ക് നേരിട്ട് വിളിച്ചും സന്ദേശമയച്ചും സമൂഹമാധ്യമങ്ങളിലും നിരന്തരം ഭീഷണിപ്പെടുത്തുന്നതെന്ന് പ്രസ്ക്ലബ് സെക്രട്ടറി കെ.എൻ. സാനുവും ട്രഷറർ എച്ച്. ഹണിയും പരാതിയിൽ ചൂണ്ടിക്കാട്ടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.