ടൂറിസം കേന്ദ്രങ്ങളിൽ സമ്പൂർണ വാക്​സിനേഷൻ; ആദ്യഘട്ടം വയനാട്ടിലെ വൈത്തിരിയിലും മേപ്പാടിയിലും

തി​രു​വ​ന​ന്ത​പു​രം: സം​സ്ഥാ​ന​ത്തെ ടൂ​റി​സം കേ​​ന്ദ്ര​ങ്ങ​ളി​ൽ സ​മ്പൂ​ർ​ണ വാ​ക്​​സി​നേ​ഷ​ൻ ന​ട​ത്തി ഘ​ട്ടം​ഘ​ട്ട​മാ​യി സ​ഞ്ചാ​രി​ക​ൾ​ക്കാ​യി തു​റ​ക്കാ​ൻ തീ​രു​മാ​നം.

വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളു​മാ​യി ബ​ന്ധ​പ്പെ​ട്ട്​ പ്ര​വ​ർ​ത്തി​ക്കു​ന്ന​വ​ർ​ക്കും പ്ര​ത്യ​ക്ഷ​മാ​യോ പ​രോ​ക്ഷ​മാ​യോ അ​ന​ു​ബ​ന്ധ മേ​ഖ​ല​ക​ളി​ൽ പ്ര​വ​ർ​ത്തി​ക്കു​ന്ന​വ​ർ​ക്കു​മെ​ല്ലാം വാ​ക്​​സി​ൻ ന​ൽ​കി ഇ​ത്ത​രം മേ​ഖ​ല​ക​ളെ സു​ര​ക്ഷി​ത കേ​ന്ദ്ര​ങ്ങ​ളാ​ക്കു​ക​യാ​ണ്​ ല​ക്ഷ്യം.

ആ​ദ്യ​ഘ​ട്ട​മെ​ന്ന നി​ല​യി​ൽ വ​യ​നാ​ട്​ ജി​ല്ല​യി​​ലെ വൈ​ത്തി​രി, മേ​പ്പാ​ടി മേ​ഖ​ല​ക​ളി​ലാ​ണ്​ ​കു​ത്തി​വെ​പ്പ്​ ന​ൽ​കു​ക​യെ​ന്ന്​ ​​മ​ന്ത്രി​മാ​രാ​യ പി.​എ. മു​ഹ​മ്മ​ദ്​ റി​യാ​സ്​, വീ​ണ ജോ​ർ​ജ്​ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ വ്യ​ക്ത​മാ​ക്കി.

ഏ​ഴ്​ ദി​വ​സം കൊ​ണ്ട്​ ഇൗ ​ര​ണ്ടി​ട​ങ്ങ​ളും വാ​ക്​​സി​ൻ വി​ത​ര​ണം പൂ​ർ​ത്തി​യാ​ക്കി സ​ഞ്ചാ​രി​ക​ൾ​ക്കാ​യി തു​റ​ക്കും. ഒ​ന്നാം ഡോ​സ്​ ല​ഭ്യ​മാ​ക്കി​യ​വ​ർ​ക്ക്​ ര​ണ്ടാം ഡോ​സും അ​ല്ലാ​ത്ത​വ​ർ​ക്ക്​ ആ​ദ്യ ഡോ​സു​മാ​ണ്​​ ന​ൽ​കു​ക.

ടൂ​റി​സം വ​കു​പ്പ്​ ത​യാ​റാ​കു​ന്ന പ​ട്ടി​ക​യ​നു​സ​രി​ച്ച്​ മു​ൻ​ഗ​ണ​നാ​ടി​സ്ഥാ​ന​ത്തി​ലാ​ണ്​ വി​നോ​ദ​മേ​ഖ​ല​ക്കു​ള്ള വാ​ക്​​സി​ൻ വി​ത​ര​ണം. ഇ​ത്ത​ര​ത്തി​ൽ എ​ല്ലാ ജി​ല്ല​യി​ലും ര​ണ്ട്​ വി​നോ​ദ​കേ​​ന്ദ്ര​ങ്ങ​ൾ വീ​തം വാ​ക്​​സി​ൻ സ​മ്പൂ​ർ​ണ​മാ​ക്കി തു​റ​ക്കാ​നാ​ണ്​ സ​ർ​ക്കാ​ർ തീ​രു​മാ​നം. അ​ടു​ത്ത​ഘ​ട്ട​മെ​ന്ന നി​ല​യി​ൽ മൂ​ന്നാ​ർ, തേ​ക്ക​ടി, ഫോ​ർ​ട്ട്​ കൊ​ച്ചി, കു​മ​ര​കം, കോ​വ​ളം, വ​ർ​ക്ക​ല എ​ന്നി​വി​ട​ങ്ങ​ളി​ൽ​ വാ​ക്​​സി​ൻ ന​ൽ​കും. രാ​ജ്യ​ത്ത്​ ആ​ദ്യ​മാ​യാ​ണ് ടൂ​റി​സം മേ​ഖ​ല​ക്ക്​ വാ​ക്​​സി​ൻ ന​ൽ​കി സു​ര​ക്ഷി​ത​മാ​ക്കാ​നു​ള്ള ഇ​ത്ത​ര​മൊ​രു നീ​ക്കം. ഇ​തു​വ​ഴ​ി ആ​ഭ്യ​ന്ത​ര, വി​ദേ​ശ​സ​ഞ്ചാ​രി​ക​ളെ കേ​ര​ള​ത്തി​ലേ​ക്ക്​ ആ​ക​ർ​ഷി​ക്കു​ക​യാ​ണ്​ ല​ക്ഷ്യം.

സം​സ്ഥാ​ന​ത്ത്​ 15 ല​ക്ഷ​ത്തോ​ളം പേ​രാ​ണ് ടൂ​റി​സം മേ​ഖ​ല​യു​മാ​യി ബ​ന്ധ​പ്പെ​ട്ട്​ പ്ര​വ​ർ​ത്തി​ക്കു​ന്ന​ത്. കോ​വി​ഡ്​ ഒ​ന്നും ര​ണ്ട​ും ത​രം​ഗ​ങ്ങ​ൾ ഇൗ ​മേ​ഖ​ല​യി​ൽ ക​ന​ത്ത പ്ര​ഹ​ര​മാ​ണ്​ സൃ​ഷ്​​ടി​ച്ച​ത്.

34,000 കോ​ടി​യാ​ണ്​ ക​ഴി​ഞ്ഞ​വ​ർ​ഷ​ത്തെ ന​ഷ്​​ടം. 2019 ൽ 45,000 ​കോ​ടി വ​രു​മാ​നം ല​ഭി​ച്ച സാ​ഹ​ച​ര്യ​ത്തി​ലാ​ണി​ത്. എ​ല്ലാ പ​ഞ്ചാ​യ​ത്തി​ലും ഒ​രു വി​നോ​ദ​സ​ഞ്ചാ​ര കേ​ന്ദ്രം എ​ന്ന നി​ല​യി​ൽ ടൂ​റി​സം വ​കു​പ്പി​നെ കൂ​ടു​ത​ൽ ജ​ന​കീ​യ​മാ​ക്കാ​നാ​ണ്​ തീ​രു​മാ​നം.