വെള്ളത്തിലും കൈകടത്താൻ കേന്ദ്രം

തി​രു​വ​ന​ന്ത​പു​രം: സം​സ്ഥാ​ന​ങ്ങ​ളു​ടെ ജ​ല​വി​ഭ​വ വി​വ​ര​ശേ​ഖ​ര​ത്തി​ൽ ക​ട​ന്നു​ക​യ​റ്റ​ത്തി​ന്​ കേ​​ന്ദ്ര നീ​ക്കം. നാ​ഷ​ന​ൽ വാ​ട്ട​ർ ഇ​ൻ​ഫോ​ർ​മാ​റ്റി​ക്സ്​ സെ​ന്‍റ​ർ മാ​തൃ​ക​യി​ൽ ജ​ല​വി​വ​ര ​കേ​ന്ദ്ര​ങ്ങ​ൾ (എ​സ്.​ഡ​ബ്ല്യു.​​ഐ.​സി) സ്​​ഥാ​പി​ക്ക​ണ​മെ​ന്ന്​​​ എ​ല്ലാ സം​സ്​​ഥാ​ന​ങ്ങ​ൾ​ക്കും കേ​ന്ദ്രം നി​ർ​ദേ​ശം ന​ൽ​കി.

ജ​ല​സ്രോ​ത​സ്സു​ക​ളു​ടെ​യും ജ​ല​വി​ഭ​വ​ങ്ങ​ളു​ടെ​യും ആ​സൂ​ത്ര​ണ​ത്തി​നും വി​നി​യോ​ഗ​ത്തി​നും പ​രി​പാ​ല​ന​ത്തി​നും ഡി​ജി​റ്റ​ൽ- ഓ​ൺ​ലൈ​ൻ ജ​ല​വി​ഭ​വ വി​വ​ര സം​വി​ധാ​ന​ങ്ങ​ൾ ഏ​ർ​പ്പെ​ടു​ത്തി സം​സ്ഥാ​ന​ങ്ങ​ളെ ശ​ക്തി​പ്പെ​ടു​ത്ത​ലാ​ണ്​ ല​ക്ഷ്യ​മാ​യി പ​റ​യു​ന്ന​തെ​ങ്കി​ലും പു​ഴ​ക​ളു​ടെ​യും മ​റ്റ്​ ജ​ല​സ്രോ​ത​സ്സു​ക​ളു​ടെ​യും സു​പ്ര​ധാ​ന വി​വ​ര​ങ്ങ​ൾ പ​ങ്കു​വെ​ച്ച്​ കി​ട്ട​ലാ​ണ്​ യ​ഥാ​ർ​ഥ ഉ​ദ്ദേ​ശ്യം. സം​സ്​​ഥാ​നം ശേ​ഖ​രി​ച്ച്​ സൂ​ക്ഷി​ക്കു​ന്ന ഈ ​വി​വ​ര​ങ്ങ​ൾ​ ഭാ​വി​യി​ൽ കേ​ന്ദ്ര​വു​മാ​യി പ​ങ്കു​വെ​ക്കേ​ണ്ട നി​ർ​ബ​ന്ധി​ത സാ​ഹ​ച​ര്യ​മു​ണ്ടാ​കും. ജ​ല​കാ​ര്യം സം​സ്ഥാ​ന​ത്തി​ന്​ മാ​ത്രം അ​ധി​കാ​ര​മു​ള്ള വി​ഷ​യ​മാ​യി​രി​ക്കെ​യാ​ണ്​ ഈ ​നീ​ക്കം. കേ​ന്ദ്ര സ​ർ​ക്കാ​റി​ന്​ കീ​ഴി​ൽ 2016ൽ ​തു​ട​ങ്ങി എ​ട്ടു​വ​ർ​ഷം നീ​ളു​ന്ന നാ​ഷ​ന​ൽ ഹൈ​ഡ്രോ​ള​ജി ​​പ​ദ്ധ​തി(​എ​ൻ.​എ​ച്ച്.​പി)​യു​ടെ ഭാ​ഗ​മാ​യാ​ണ്​ പു​തി​യ കേ​ന്ദ്ര​ങ്ങ​ൾ​ക്ക്​ ക​ർ​ശ​ന നി​ർ​ദേ​ശം ന​ൽ​കി​യ​ത്.

എ​സ്.​ഡ​ബ്ലു.​ഐ.​സി​യു​മാ​യി ബ​ന്ധ​പ്പെ​ട്ട കേ​ന്ദ്ര രേ​ഖ​ക​ളി​ൽ ത​ന്നെ 'ജ​ല​കാ​ര്യ​ത്തി​ൽ സം​സ്​​ഥാ​ന​ങ്ങ​ൾ​ക്കൊ​പ്പം ഭാ​വി​യി​ൽ കേ​ന്ദ്ര​ത്തി​നും തീ​രു​മാ​ന​​ങ്ങ​ളെ​ടു​ക്കാ​ൻ അ​ധി​കാ​രം ന​ൽ​കു​ന്നെ​ന്ന' ഭാ​ഗ​ങ്ങ​ളു​ണ്ടെ​ന്ന​താ​ണ്​ സം​ശ​യാ​സ്പ​ദം. പ​ദ്ധ​തി കേ​ന്ദ്ര​ത്തി​ന്‍റേ​താ​ണെ​ന്ന​തി​നാ​ൽ ഫ​ണ്ടും കേ​ന്ദ്രം ന​ൽ​കും. കേ​ന്ദ്രം വി​ളി​ച്ച ഉ​ന്ന​ത​ത​ല യോ​ഗ​ങ്ങ​ളി​ൽ ബം​ഗാ​ൾ അ​ട​ക്കം പ​ല സം​സ്ഥാ​ന​ങ്ങ​ളും ഈ ​സം​ശ​യം ഉ​ന്ന​യി​​ച്ചെ​ങ്കി​ലും കൃ​ത്യ​മാ​യ മ​റു​പ​ടി ഉ​ണ്ടാ​യി​ല്ല. മോ​ഹ​ന​നി​ർ​ദേ​ശ​ങ്ങ​ൾ​ക്ക്​ പി​ന്നി​ൽ ച​ര​ടു​ക​ളു​​​​ണ്ടെ​ന്ന്​ കാ​ണാ​​തെ കേ​ര​ള​ത്തി​ലും ജ​ല​വി​വ​ര കേ​​ന്ദ്രം സ്ഥാ​പി​ക്കാ​ൻ ക​ഴി​ഞ്ഞ 17ന്​ ​സം​സ്ഥാ​ന സ​ർ​ക്കാ​ർ ഉ​ത്ത​ര​വ്​ ഇ​റ​ക്കി​ക്ക​ഴി​ഞ്ഞു. പു​ഴ​ക​ളു​ടെ ജ​ല​നി​ര​പ്പ് , ഒ​ഴു​കി​പ്പോ​കു​ന്ന ​വെ​ള്ളം, മ​ഴ​വെ​ള്ളം, ഊ​ഷ്മാ​വ്, ത​ണ്ണീ​ർ​ത്ത​ട​ങ്ങ​ൾ ​ എ​ന്നി​ങ്ങ​നെ ജ​ല​സ്രോ​ത​സ്സു​ക​ളു​ടെ വി​വ​രം ക്രോ​ഡീ​ക​രി​ച്ച്​ ഡി​ജി​റ്റ​ലാ​യി ഏ​കോ​പി​ക്കും. കേ​ന്ദ്ര നി​ർ​ദേ​ശ​മാ​യ​തി​നാ​ൽ അ​ധി​ക​നാ​ൾ അ​വ​ഗ​ണി​ച്ച്​ മു​ന്നോ​ട്ടു​പോ​കാ​നാ​വി​ല്ലെ​ങ്കി​ലും സം​സ്ഥാ​ന​ത്തി​ന്​ ന​യ​രൂ​പ​വ​ത്​​ക​ര​ണ​ത്തി​ലൂ​ടെ മ​റി​ക​ട​ക്കാ​നാ​കു​മെ​ന്ന്​ അ​ഭി​പ്രാ​യ​മു​ണ്ട്.

കാ​ലാ​വ​സ്ഥ വ്യ​തി​യാ​നം​മൂ​ലം ജ​ല​സ്രോ​ത​സ്സു​ക​ളി​ലു​ണ്ടാ​കു​ന്ന പ്ര​ത്യാ​ഘാ​ത​ങ്ങ​ൾ പ​ഠി​ക്കു​ന്ന​തി​ന്​ ഈ​യ​ടു​ത്ത്​ കേ​ന്ദ്ര​വു​മാ​യി ധാരണ പ​ത്രം ​ഒപ്പു​വെ​ക്കു​ന്ന ഘ​ട്ട​ത്തി​ൽ ഒ​രു കാ​ര​ണ​വ​ശാ​ലും അ​ന്ത​ർ​സം​സ്​​ഥാ​ന ന​ദീ​ജ​ലം സം​ബ​ന്ധി​ച്ച വി​വ​ര​ങ്ങ​ൾ പ​ങ്കു​വെ​ക്കേ​ണ്ടെ​ന്ന്​ എ.​ജി നി​യ​മോ​പ​ദേ​ശം ന​ൽ​കി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ന​യ​രൂ​പ​വ​ത്​​ക​ര​ണ​വും ന​ട​ത്തി. ഇ​തേ മാ​തൃ​ക​യാ​ണ്​​ ജ​ല​വി​വ​ര കേ​ന്ദ്ര​ങ്ങ​ളു​ടെ കാ​ര്യ​ത്തി​ലും സ്വീ​ക​രി​ക്കാ​നു​ള്ള​ത്.