സി​ൽ​വ​ർ ലൈ​നിനെ ചൊല്ലി സി.പി.ഐയിലും ആശങ്ക

തി​രു​വ​ന​ന്ത​പു​രം: സി​ൽ​വ​ർ ലൈ​ൻ പ​ദ്ധ​തി​യി​ൽ ക​ടു​ത്ത ആ​ശ​ങ്ക പ്ര​ക​ടി​പ്പി​ച്ച്​ സി.​പി.​ഐ സം​സ്ഥാ​ന നി​ർ​വാ​ഹ​ക സ​മി​തി​യി​ൽ കൃ​ഷി​മ​ന്ത്രി​യും മു​ൻ റ​വ​ന്യൂ, കൃ​ഷി മ​ന്ത്രി​മാ​രും ഉ​ൾ​പ്പെ​ടെ നേ​താ​ക്ക​ൾ. പ​ദ്ധ​തി​യെ തു​ട​ക്ക​ത്തി​ൽ ത​ന്നെ എ​തി​ർ​​ക്കേ​ണ്ടെന്ന സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര‍ന്‍റെ നി​ല​പാ​ടാ​ണ്​ ഒ​ടു​വി​ൽ വി​ഷ​യം ത​ണു​പ്പി​ച്ച​ത്. ബു​ധ​നാ​ഴ്ച ചേ​ർ​ന്ന നി​ർ​വാ​ഹ​ക സ​മി​തി​യി​ൽ മ​ന്ത്രി പി. ​പ്ര​സാ​ദും മു​ൻ​മ​ന്ത്രി​മാ​രാ​യ ഇ. ​ച​ന്ദ്ര​ശേ​ഖ​ര​നും മു​ല്ല​ക്ക​ര ര​ത്നാ​ക​ര​നും അ​ട​ക്കമാ​ണ്​ ര​ണ്ടാം പി​ണ​റാ​യി സ​ർ​ക്കാ​റി​ന്‍റെ അ​ഭി​മാ​ന പ​ദ്ധ​തി​യു​ടെ ആ​ഘാ​ത​ങ്ങ​ളെ​ക്കു​റി​ച്ച്​ ആ​ശ​ങ്ക പ​ങ്കു​വെ​ച്ച​ത്. പ​ദ്ധ​തി ക​ട​ന്നു​പോ​കു​ന്ന കൃ​ഷി ഭൂ​മി​യി​ൽ ആ​കാ​ശ​പാ​ത​ക്കാ​യി തൂ​ണു​ക​ൾ സ്ഥാ​പി​ക്കാ​നാ​യി മേ​ൽ മ​ണ്ണ്​ മാ​റ്റി​യ​ശേ​ഷം അ​വി​ടെ കൃ​ഷി പു​ന​രാ​രം​ഭി​ക്കാ​ൻ ക​ഴി​യു​മോ​യെ​ന്ന്​ ചോ​ദി​ച്ച പ്ര​സാ​ദ്, പ​ദ്ധ​തി ഉ​ണ്ടാ​ക്കു​​ന്ന പാ​രി​സ്ഥി​തി​കാ​ഘാ​തം ഗൗ​ര​വ​മു​ള്ള​താ​ണെ​ന്നും ചൂ​ണ്ടി​ക്കാ​ട്ടി. എ​ൽ.​ഡി.​എ​ഫ്​ സ​ർ​ക്കാ​ർ ന​ട​പ്പാ​ക്കേ​ണ്ട​തും ഏ​റ്റെ​ടു​​ക്കേ​ണ്ട​തു​മാ​യ അ​ത്യാ​വ​ശ്യ കാ​ര്യ​മാ​ണോ സി​ൽ​വ​ർ ലൈ​നെ​ന്നാ​ണ്​​ ഇ. ​ച​ന്ദ്ര​ശേ​ഖ​ര​ൻ ചോ​ദി​ച്ച​ത്.

എ​ൽ.​ഡി.​എ​ഫി​ന്‍റെ പ്ര​ക​ട​ന​പ​ത്രി​ക​യി​ൽ പ​റ​ഞ്ഞ​തു​കൊ​ണ്ടാ​ണ​ല്ലോ പാ​ർ​ട്ടി ഇ​ത്​ ഏ​റ്റെ​ടു​ക്കു​ന്ന​ത്. എ​ന്നാ​ൽ വീ​ട്ട​മ്മ​മാ​ർ​ക്ക്​ പെ​ൻ​ഷ​ൻ കൊ​ടു​ക്കാ​മെ​ന്ന്​ പ്ര​ഖ്യാ​പി​ച്ച പ​ദ്ധ​തി​ക്ക​ല്ലേ പ്ര​ധാ​ന്യം ന​ൽ​കേ​ണ്ട​തെ​ന്നും അ​ദ്ദേ​ഹം ചോ​ദി​ച്ചു. സി​ൽ​വ​ർ ലൈ​ൻ പ​ദ്ധ​തി​യെ​ക്കു​റി​ച്ച്​ ആ​ർ​ക്കും വ്യ​ക്ത​ത​യി​ല്ലെ​ന്ന്​ മു​ല്ല​ക്ക​ര ര​ത്നാ​ക​ര​ൻ പ​റ​ഞ്ഞു. സി.​പി.​എ​മ്മി​നും വ്യ​ക്ത​ത​യി​ല്ല. വി​ഷ​യം​ പ​ഠി​ച്ച്​ സി.​പി.​ഐ റി​പ്പോ​ർ​ട്ട്​ ത​യാ​റാ​ക്ക​ണ​മെ​ന്ന്​ പി.​പി. സു​നീ​ർ ആ​വ​ശ്യ​പ്പെ​ട്ടു. പ്ര​ക​ട​ന പ​ത്രി​ക​യി​ൽ പ​റ​യു​ന്ന നൂ​റ്​ കാ​ര്യ​ങ്ങ​ളും ന​ട​പ്പാ​ക്കാ​ൻ ക​ഴി​യു​മോ. പാ​ർ​ട്ടി മൂ​ന്നം​ഗ ക​മ്മി​റ്റി​യെ പ​ഠ​ന​ത്തി​നാ​യി നി​യോ​ഗി​ക്ക​ണം. ആ ​റി​പ്പോ​ർ​ട്ട്​ ച​ർ​ച്ച ചെ​യ്ത്​ വേ​ണം സി.​പി.​ഐ നി​ല​പാ​ട്​ സ്വീ​ക​രി​ക്കാ​ൻ- അ​ദ്ദേ​ഹം വ്യ​ക്ത​മാ​ക്കി. പ​ല അം​ഗ​ങ്ങ​ളും ത​ങ്ങ​ൾ​ക്ക്​ വി​ഷ​യ​ത്തി​ൽ വ്യ​ക്​​ത​മാ​യ അ​ഭി​പ്രാ​യ​മു​ണ്ടെ​ന്നും എ​ന്നാ​ൽ യോ​ഗ​ത്തി​ൽ അ​ജ​ണ്ട അ​ല്ലാ​ത്ത​തി​നാ​ൽ പ്ര​ക​ടി​പ്പി​ക്കു​ന്നി​ല്ലെ​ന്നും പ​റ​ഞ്ഞു.

തു​ട​ർ​ന്ന്​ സം​സാ​രി​ച്ച കാ​നം രാ​ജേ​ന്ദ്ര​ൻ, പ​ദ്ധ​തി​യെ കു​റി​ച്ച്​ പാ​രി​സ്ഥി​തി​കാ​ഘാ​ത, സാ​മൂ​ഹി​കാ​ഘാ​ത പ​ഠ​ന​ങ്ങ​ൾ ന​ട​ത്ത​ണ​മെ​ങ്കി​ൽ ആ​ദ്യം അ​ലൈ​ൻ​മെ​ന്‍റി​നെ കു​റി​ച്ച്​ കൃ​ത്യ​മാ​യ ധാ​ര​ണ ഉ​ണ്ടാ​വേ​ണ്ട​തു​ണ്ടെ​ന്ന്​ പ​റ​ഞ്ഞു. അ​തി​ന്​ അ​തി​ർ​ത്തി​ക​ൾ അ​ട​യാ​ള​പ്പെ​ടു​ത്തു​ന്ന ന​ട​പ​ടി​യാ​ണ്​ ഇ​പ്പോ​ൾ ന​ട​ക്കു​ന്ന​ത്. തു​ട​ർ​ന്ന്​ സ​ർ​വേ ന​ട​ത്തി​യ​ശേ​ഷം പാ​രി​സ്ഥി​തി​ക, സാ​മൂ​ഹി​കാ​ഘാ​ത പ​ഠ​നം ന​ട​ത്തും. പി​ന്നീ​ട്​ ബ​ന്ധ​പ്പെ​ട്ട​വ​രു​ടെ​യും പൊ​തു​ജ​ന​ങ്ങ​ളു​ടെ​യും അ​ഭി​പ്രാ​യം കേ​ൾ​ക്കും. ശേ​ഷം സ​ർ​ക്കാ​റി​ന്‍റെ വി​ദ​ഗ്​​ധ സ​മി​തി അ​ത്​ പ​രി​ശോ​ധി​ക്കും. തു​ട​ർ​ന്നാ​ണ്​ ന​ഷ്ട​പ​രി​ഹാ​രം നി​ശ്ച​യി​ക്ക​ൽ തു​ട​ങ്ങി​യ​വ ന​ട​ത്തു​ന്ന​ത്. ഈ ​ന​ട​പ​ടി ക്ര​മ​ങ്ങ​ൾ പൂ​ർ​ത്തീ​ക​രി​ക്കാ​ൻ ര​ണ്ട്​ വ​ർ​ഷ​മെ​ടു​ക്കും. അ​തി​ന്​ മു​മ്പ്​ പ​ദ്ധ​തി​യെ എ​തി​ർ​ക്കു​ന്ന​ത്​ എ​ന്തി​നാ​ണെ​ന്നും ആ​ഘാ​ത പ​ഠ​ന​ങ്ങ​ൾ ന​ട​ക്ക​ട്ടെ​യെ​ന്നും അ​ദ്ദേ​ഹം പ​റ​ഞ്ഞു. ഇ​തി​നോ​ട്​ അം​ഗ​ങ്ങ​ൾ യോ​ജി​ച്ചു.