പാതിരാ പ്രാര്ത്ഥനക്ക് ഇളവു നൽകണം -കെ. സുധാകരന്
text_fieldsകേരളത്തിലെ ക്രൈസ്തവര് നൂറ്റാണ്ടുകളായി നടത്തിവരുന്ന പുതുവര്ഷാരംഭ പാതിരാ പ്രാര്ത്ഥന പിണറായി സര്ക്കാരിന്റെ പിടിവാശിമൂലം ഉപേക്ഷിക്കേണ്ടി വരുന്നത് അങ്ങേയറ്റം പ്രതിഷേധാര്ഹമാണെന്ന് കെ.പി.സി.സി പ്രസിഡന്റ് കെ. സുധാകരന് എം.പി. ഒരു വിഭാഗത്തോടു കാട്ടുന്ന ഈ വിവേചനം വിവേകരഹിതമാണ്.
രാത്രി കാലത്തു നടത്തുന്ന ചില തീര്ത്ഥാടനങ്ങള്ക്ക് സര്ക്കാര് ഇളവു നൽകിയിട്ടുണ്ട്. അതേ ആനുകൂല്യമാണ് ക്രൈസ്തവര്ക്കും നൽകേണ്ടത് എന്നാണ് അവര് ആവശ്യപ്പെടുന്നത്. ഒരു പന്തിയില് രണ്ടു വിളമ്പിനു പകരം സര്ക്കാര് എല്ലാവരെയും സമഭാവനയോടെയാണു കാണേണ്ടതെന്നു സുധാകരന് ചൂണ്ടിക്കാട്ടി.
രാത്രി പത്തുമണിക്കുശേഷമുള്ള യാത്രക്ക് സര്ക്കാര് ഏര്പ്പെടുത്തിയ നിയന്ത്രണം മൂലമാണ് ക്രൈസ്തവര്ക്ക് ഈ ദുരവസ്ഥ ഉണ്ടായത്. രാത്രി പത്തുമണിക്കു ശേഷമാണ് മിക്ക ദേവാലയങ്ങളിലും പുതുവര്ഷാരംഭ പ്രാര്ത്ഥന നടത്തുന്നത്. ചിലയിടങ്ങളില് പാതിരാത്രിയിലാണ് പ്രാര്ത്ഥന നടത്തുന്നത്. ക്രൈസ്തവര് കുടുംബാംഗങ്ങളോടൊപ്പം പങ്കെടുക്കുന്ന പ്രധാനപ്പെട്ട ചടങ്ങാണിത്. പിണറായി സര്ക്കാരിന്റെ കടുംപിടിത്തം മൂലം അത് ഇല്ലാതാകുന്ന സാഹചര്യം ഉണ്ടാകരുതെന്ന് സുധാകരന് ചൂണ്ടിക്കാട്ടി.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.