കെ- റെയിൽ' രേഖപ്പെടുത്തിയ ​കോൺക്രീറ്റ്​ സർവേക്കല്ലുകൾ സ്വകാര്യഭൂമിയിൽ സ്ഥാപിക്കരുത്​ -ഹൈകോടതി

കൊച്ചി: സർവേ നിയമവ്യവസ്ഥകൾ പാലിക്കാതെ സ്വകാര്യവ്യക്തികളുടെയും മറ്റും ഭൂമിയിൽ 'കെ. റെയിൽ' എന്ന്​ രേഖപ്പെടുത്തിയ കോൺക്രീറ്റ്​ സർവേക്കല്ലുകൾ സ്ഥാപിക്കരുതെന്ന്​ ഹൈകോടതി. സർക്കാർ വിജ്​ഞാപനത്തി​െൻറ അടിസ്ഥാനത്തിൽ സർവേ നടപടികൾ തുടരുന്നതിൽ തടസ്സമില്ലെന്നും ജസ്​റ്റിസ്​ ദേവൻ രാമചന്ദ്രൻ വ്യക്തമാക്കി. ഭൂമി ഏറ്റെടുക്കൽ നിയമപ്രകാരം വിജ്​ഞാപനം പുറപ്പെടുവിക്കുകയോ സ്ഥലമെടുപ്പിന്​ അനുമതി ലഭിക്കുകയോ ചെയ്​തിട്ടില്ലെന്നിരിക്കെ നിയമ വിരുദ്ധമായി സ്വകാര്യഭൂമികളിൽ കൈയേറി കെ- റെയിൽ എന്ന്​ രേഖപ്പെടുത്തിയ കോൺക്രീറ്റ്​ കല്ലുകൾ സ്ഥാപിക്കുന്നതായി ചൂണ്ടിക്കാട്ടി കോട്ടയം സ്വദേശികളായ മുരളി കൃഷ്​ണൻ, കുര്യൻ ടി. കുര്യൻ, പി.എ. ജോണിക്കുട്ടി എന്നിവർ നൽകിയ ഹരജിയിലാണ്​ ഇടക്കാല ഉത്തരവ്​. ഹരജി വീണ്ടും ജനുവരി 12ന്​ പരിഗണിക്കും.

സിൽ​വർ ലൈൻ പദ്ധതിയുടെ സ്ഥലമെടുപ്പിന്​ അംഗീകാരമാകും മു​േമ്പ 1964ലെ കേരള സർവേ ആൻഡ്​​ ബൗണ്ടറീസ്​ ആക്ട്​​ പ്രകാരം വിജ്​ഞാപനം പുറപ്പെടുവിച്ചാണ്​ സ്വകാര്യഭൂമിയിൽ കെ-റെയിലി​െൻറ കോൺക്രീറ്റ്​ കല്ലുകൾ സ്ഥാപിക്കുന്നതെന്ന്​ ഹരജിയിൽ പറയുന്നു. ഭൂമി ഏറ്റെടുക്കലിന്​​ അനുമതിയായെന്ന്​ തെറ്റിദ്ധരിപ്പിക്കും വിധമാണ്​ കല്ലിടൽ ജോലികൾ​. പൊലീസിനെ നിയോഗിച്ചും ഉടമസ്ഥരെ ഭീഷണി​െപ്പടുത്തിയും അന്തർ സംസ്ഥാന-സ്വകാര്യ തൊഴിലാളികളെ ഉപയോഗിച്ച് ഭൂമിയും വീടും കൈയേറി ഭീകരാന്തരീക്ഷം​ സൃഷ്​ടിക്കുകയാണ്​.

അനധികൃതമായി സ്ഥലത്തി​െൻറ ഉടമസ്ഥാവകാശം സർക്കാറും ​കെ-റെയിൽ അധികൃതരും ഏറ്റെടുക്കുന്നു​. 1964ലെ സർവേ ആൻഡ്​​ ബൗണ്ടറി ആക്​ടിലെ വ്യവസ്ഥകൾ പ്രകാരം സർവേ നടത്താമെങ്കിലും നിശ്ചിത വലുപ്പത്തിലുള്ള ഗ്രാ​ൈനറ്റ്​ പോലുള്ള സർവേക്കല്ലുകളാണ്​ വേണ്ടത്​. കോൺക്രീറ്റ്​ കല്ലുകൾ അനുവദനീയമല്ല. രേഖപ്പെടുത്തലുകളും പാടില്ല. ഈ വ്യവസ്ഥകളെല്ലാം ലംഘിച്ചുള്ള കല്ലിടലാണ്​ ഇപ്പോൾ നടക്കുന്നത്​. ഈ സാഹചര്യത്തിൽ കെ-റെയിൽ എന്ന്​ രേഖപ്പെടുത്തിയ കോൺക്രീറ്റ്​ കല്ലുകൾ സ്ഥാപിക്കുന്നതും നിയമപിന്തുണയില്ലാതെ സ്ഥലം ഏറ്റെടുക്കുന്നതും തടയണമെന്നും ഇതുവരെ സ്ഥാപിച്ച ഇത്തരം കല്ലുകൾ നീക്കണമെന്നുമാണ്​ ഹരജിയിലെ ആവശ്യം. സർവേ ആൻഡ്​​ ബൗണ്ടറി ആക്​ടിലെ വ്യവസ്ഥകൾ പാലിക്കാതെയും നിയമവിരുദ്ധമായും സർവേക്കല്ലിടുന്ന പ്രക്രിയ തുടരുന്നത്​ തടയാൻ ഉത്തരവിടണമെന്ന ഹരജിയിലെ ഇടക്കാല ആവശ്യമാണ്​ കോടതി അനുവദിച്ചത്​.