സ്​ഥാനാർഥിയാകില്ലെന്ന്​ ഉറപ്പായി; വിജയൻ തോമസ്​ കെ.പി.സി.സി ജനറൽ സെ​ക്രട്ടറി സ്​ഥാനം രാജിവെച്ചു

തിരുവനന്തപുരം: സ്​ഥാനാർഥിയാകില്ലെന്ന്​ ഉറപ്പായതതോടെ കെ.പി.സി.സി ജനറൽ സെ​ക്രട്ടറി സ്​ഥാനം വിജയൻ തോമസ്​ രാജി​െവച്ചു. അദ്ദേഹം നേമത്ത്​ മത്സരിക്കാൻ താൽപ്പര്യപ്പെട്ടിരുന്നു. വിജയൻ തോമസ്​ പാർട്ടി വി​േട്ടക്കുമെന്നും സൂചനയുണ്ട്​. തിങ്കളാഴ്​ച അദ്ദേഹം മാധ്യമങ്ങളെ കണ്ടേക്കും.

വിജയൻ തോമസിന്​ പകരം മറ്റ്​ പേരുകൾ പരിഗണിച്ചതോടെയാണ്​ ​േനതൃത്വവുമായി ഇടഞ്ഞത്​. നേരത്തെയും അദ്ദേഹം സംസ്​ഥാന നേതൃത്വവുമായി അസ്വാരസ്യത്തെ തുടർന്ന്​ പാർട്ടി വിടാൻ തീരുമാനിച്ചിരുന്നു.

നേതാക്കൾ ഇടപെട്ട്​ അനുനയിപ്പിച്ച്​ മടക്കികൊണ്ട്​ വരികയായിരുന്നു. കഴിഞ്ഞ യു.ഡി.എഫ് ഭരണകാലത്ത്​ കെ.ടി.ഡി.സിയുടെ ചെയർമാനായിരുന്നു വിജയൻ തോമസ്​.