കോൺഗ്രസിന്റെ തോൽവി: ഇൻഡ്യ മുന്നണിയിൽ മുറുമുറുപ്പ്

ന്യൂ​ഡ​ൽ​ഹി: മൂ​ന്ന് സം​സ്ഥാ​ന​ങ്ങ​ളി​ലെ കോ​ൺ​ഗ്ര​സി​ന്റെ മോ​ശം പ്ര​ക​ട​ന​ത്തെ​ച്ചൊ​ല്ലി ഇ​ൻ​ഡ്യ മു​ന്ന​ണി​യി​ൽ മു​റു​മു​റു​പ്പ്. മു​ന്ന​ണി​യി​ലെ മ​റ്റ് പാ​ർ​ട്ടി​ക​ളെ കോ​ൺ​ഗ്ര​സ് അ​വ​ഗ​ണി​ച്ച​താ​യും അ​തേ​സ​മ​യം സ്വ​ന്തം നി​ല​ക്ക് ജ​യി​ക്കാ​ൻ സാ​ധി​ച്ചി​ല്ലെ​ന്നും ജ​ന​താ​ദ​ൾ യു​നൈ​റ്റ​ഡ് നേ​താ​വ് കെ.​സി. ത്യാ​ഗി കു​റ്റ​പ്പെ​ടു​ത്തി.

എ​ന്നി​രു​ന്നാ​ലും ഇ​ൻ​ഡ്യ മു​ന്ന​ണി​യെ തെ​ര​ഞ്ഞെ​ടു​പ്പ് പ​രാ​ജ​യം ബാ​ധി​ക്കി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സാ​ഹ​ച​ര്യ​ങ്ങ​ൾ വി​ല​യി​രു​ത്താ​ൻ ഈ​മാ​സം ആ​റി​ന് ഇ​ൻ​ഡ്യ മു​ന്ന​ണി​യു​ടെ യോ​ഗം ചേ​ർ​ന്ന ശേ​ഷം കൂ​ടു​ത​ൽ പ്ര​തി​ക​രി​ക്കാ​മെ​ന്ന് എ​ൻ.​സി.​പി അ​ധ്യ​ക്ഷ​ൻ ശ​ര​ദ് പ​വാ​ർ പ​റ​ഞ്ഞു.

ഇ​ത് ബി.​ജെ.​പി​യു​​ടെ വി​ജ​യ​ത്തേ​ക്കാ​ൾ കോ​ൺ​ഗ്ര​സി​ന്റെ പ​രാ​ജ​യ​മാ​ണെ​ന്ന് തൃ​ണ​മൂ​ൽ കോ​ൺ​ഗ്ര​സ് വ​ക്താ​വ് കു​നാ​ൽ​ ഘോ​ഷ് പ​റ​ഞ്ഞു. ബി.​ജെ.​പി​യു​ടെ വി​ജ​യം ആ​സ​ന്ന​മാ​യ പൊ​തു​തെ​ര​ഞ്ഞെ​ടു​പ്പി​ൽ പ്ര​തി​ഫ​ലി​ക്കു​ക​യി​ല്ലെ​ന്ന് പ്ര​തീ​ക്ഷി​ക്കാ​മെ​ന്നും അ​ദ്ദേ​ഹം സ​മൂ​ഹ മാ​ധ്യ​മ​മാ​യ എ​ക്സി​ൽ കു​റി​ച്ചു. രാ​ജ്യ​ത്ത് ബി.​ജെ.​പി​യെ പ​രാ​ജ​യ​പ്പെ​ടു​ത്താ​നു​ള്ള പോ​രാ​ട്ട​ത്തി​ന് നേ​തൃ​ത്വം ന​ൽ​കാ​ൻ ക​ഴി​യു​ന്ന പാ​ർ​ട്ടി​യാ​ണ് തൃ​ണ​മൂ​ൽ കോ​ൺ​ഗ്ര​സെ​ന്നും കു​നാ​ൽ ഘോ​ഷ് കൂ​ട്ടി​ച്ചേ​ർ​ത്തു. ഇ​ൻ​ഡ്യ മു​ന്ന​ണി​യി​ൽ കൂ​ടു​ത​ൽ വി​ല​പേ​ശ​ൽ ന​ട​ത്താ​ൻ കോ​ൺ​ഗ്ര​സ് തെ​ര​ഞ്ഞെ​ടു​പ്പ് ഫ​ലം കാ​ത്തി​രി​ക്കു​ക​യാ​യി​രു​ന്നു​വെ​ന്നും എ​ന്നാ​ൽ അ​വ​ർ നി​രാ​ശ​രാ​യെ​ന്നും പേ​ര് വെ​ളി​പ്പെ​ടു​ത്ത​രു​തെ​ന്ന നി​ബ​ന്ധ​ന​യോ​ടെ പ്ര​ധാ​ന പ്ര​തി​പ​ക്ഷ പാ​ർ​ട്ടി​യു​ടെ മു​തി​ർ​ന്ന നേ​താ​വ് പ്ര​തി​ക​രി​ച്ചു.

ഇ​ൻ​ഡ്യ മു​ന്ന​ണി​യി​ലെ മ​റ്റ് പാ​ർ​ട്ടി​ക​ളു​മാ​യി മ​ധ്യ​പ്ര​ദേ​ശി​ൽ സീ​റ്റ് പ​ങ്കു​വെ​ക്കാ​ൻ കോ​ൺ​ഗ്ര​സ് ത​യാ​റാ​യി​രു​ന്നെ​ങ്കി​ൽ ഫ​ലം മ​റ്റൊ​ന്നാ​കു​മാ​യി​രു​ന്നു​വെ​ന്ന് ശി​വ​സേ​ന ഉ​ദ്ധ​വ് താ​ക്ക​റെ വി​ഭാ​ഗം നേ​താ​വ് സ​ഞ്ജ​യ് റാ​വു​ത്ത് പ​റ​ഞ്ഞു.

അ​ഖി​ലേ​ഷ് യാ​ദ​വി​നെ​ക്കു​റി​ച്ച് ക​മ​ൽ​നാ​ഥ് ന​ട​ത്തി​യ മോ​ശം പ​രാ​മ​ർ​ശ​ങ്ങ​ളാ​ണ് സ​മാ​ജ്‍വാ​ദി പാ​ർ​ട്ടി​യും കോ​ൺ​ഗ്ര​സും ത​മ്മി​ലു​ള്ള ബ​ന്ധം ഉ​ല​ച്ച​തെ​ന്നും ഇ​ത് പ​രാ​ജ​യ​ത്തി​ന് കാ​ര​ണ​മാ​യെ​ന്നും സ​മാ​ജ്‍വാ​ദി പാ​ർ​ട്ടി വ​ക്താ​വ് മ​നോ​ജ് യാ​ദ​വ് കാ​ക പ​റ​ഞ്ഞു.