കോൺഗ്രസിന്​ ആശങ്ക ഭൂരിപക്ഷത്തിൽ; പലതും പിഴച്ച്​ സി.പി.എം

തിരുവനന്തപുരം: പുതുപ്പള്ളി പോളിങ്​​ പൂർത്തിയാകു​മ്പോൾ ഫലം എന്തെന്നതിൽ ആർക്കുമില്ല സംശയം. ചാണ്ടി ഉമ്മന്​ വ്യക്തമായ മേൽക്കൈയുണ്ട്​. പക്ഷേ, കോൺഗ്രസിന്‍റെ ആശങ്ക അകറ്റുന്നില്ല. കാരണം, അവർക്ക്​ കേവലമൊരു വിജയം പോരാ. ഉമ്മൻ ചാണ്ടിയെപ്പോലൊരു നേതാവിന്‍റെ തട്ടകത്തിൽ വിയോഗത്തിന്‍റെ കണ്ണീരുണങ്ങും മുമ്പുണ്ടായ ഉപതെരഞ്ഞെടുപ്പ്​ മകൻ ചാണ്ടി ഉമ്മന്​ നല്ല ഭൂരിപക്ഷമില്ലെങ്കിൽ അത്​ യഥാർഥ വിജയമാകുന്നില്ല. കഴിഞ്ഞ തവണ ഒമ്പതിനായിരത്തിൽപരം വോട്ടിന്​ ഉമ്മൻ ചാണ്ടി ജയിച്ചിടത്ത്​ പുതിയ സാഹചര്യത്തിൽ ചാണ്ടി ഉമ്മന്‍റെ ഭൂരിപക്ഷം 20,000 കടന്നില്ലെങ്കിൽ കോൺഗ്രസിന്​ ആഘോഷിക്കാനാകില്ല.

മറുഭാഗത്ത്​ മാന്യമായ തോൽവി പോലും സി.പി.എമ്മിന്​ വിജയമാണ്​. ഈസി വാക്കോവറല്ലെന്ന്​ യു.ഡി.എഫിനെ ബോധ്യപ്പെടുത്തിയെന്നുപറഞ്ഞ സംസ്ഥാന സെ​ക്രട്ടറി എം.വി. ഗോവിന്ദൻ വലിയ അവകാശവാദങ്ങൾക്കില്ലെന്ന്​ കൂട്ടിച്ചേർക്കുമ്പോൾ കാര്യം വ്യക്തമാണ്​. ചുരുക്കത്തിൽ സി.പി.എമ്മിന്‍റെ അട്ടിമറി വിജയ സാധ്യത വിരളം. കോൺ​ഗ്രസിന്​ മിന്നും വിജയം സാധ്യമാകുമോയെന്നത്​ മാത്രമാണ്​ ​ശേഷിക്കുന്ന ചോദ്യം. ​അരനൂറ്റാണ്ടായി കോൺഗ്രസിന്‍റെ കൈവശമുള്ള പുതുപ്പള്ളി ​നിലനിർത്തുന്നത്​ വലിയ കാര്യമല്ല. എന്നാൽ, പുതുപ്പള്ളിയിൽ കാണിച്ച പോരാട്ടവീര്യം പരിശോധിക്കുമ്പോൾ പതിവില്ലാത്തവിധം ഒരു പടി മുന്നിൽ കോൺഗ്രസാണ്​. തെരഞ്ഞെടുപ്പ്​ പ്രഖ്യാപനം വന്നാൽ മണിക്കൂറുകൾക്കകം സ്ഥാനാർഥി എന്ന ഉറപ്പ്​ കോൺഗ്രസ്​ പാലിച്ചു.

ചാണ്ടി ഉമ്മനുള്ളപ്പോൾ പുതുപ്പള്ളിയിൽ മറ്റ്​ നേതാക്കളാരും കണ്ണുവെച്ചില്ലെന്നത്​ കെ.പി.സി.സി നേതൃത്വത്തിന്​ സൗകര്യമായി. മറുഭാഗത്ത്​ സി.പി.എം സ്ഥാനാർഥി നിർണയത്തിൽ പതറി. പൊതുസമ്മതനായി ​കോൺഗ്രസിൽ നിന്നൊരാളെ ചാടിക്കാനുള്ള ശ്രമം പാളി. ജെയ്ക്ക്​​​​ സി. തോമസിന്‍റെ പേരുറപ്പിക്കുമ്പോഴേക്ക്​ ചാണ്ടി ഉമ്മൻ മുന്നേറിക്കഴിഞ്ഞിരുന്നു.

ഉമ്മൻ ചാണ്ടിയുടെ ചികിത്സവിവാദം ചർച്ചയാക്കാനൊരുങ്ങിയ സി.പി.എം നീക്കം ​പാളി. അപകടം തിരിച്ചറിഞ്ഞ്​ പ്രചാരണത്തിൽ വ്യക്ത്യധിക്ഷേപം വേണ്ടെന്ന്​ സംസ്ഥാന സെക്രട്ടേറിയറ്റ്​ തീരുമാനിക്കുന്നതിനു​മുമ്പുതന്നെ ചികിത്സ വിവാദം ജെയ്ക്കിന്​ കാര്യമായ പരിക്കേൽപിച്ചു.

ജെയ്ക്കിന്‍റെ ഭാര്യയുടെ പരാതി സൈബർ ആക്രമണത്തിന്‍റെ തൂക്കമൊപ്പിക്കാനുള്ള നീക്കമായിരുന്നു. സി.പി.എമ്മിന്​ തന്ത്രങ്ങൾ പലതും പിഴച്ചപ്പോൾ പതിവില്ലാത്തവിധം പുതുപ്പള്ളിയിൽ സി.പി.എമ്മിനെ കിടപിടിക്കുംവിധം ചിട്ടയായ പ്രവർത്തനം കോൺഗ്രസ്​ കാഴ്ചവെച്ചു. അതിന്‍റെ ഫലം എത്രത്തോളമെന്നതാണ്​ വെള്ളിയാഴ്ച അറിയാനുള്ളത്​.

ഉമ്മൻ ചാണ്ടിയുടെ ചികിത്സ: വോട്ടുദിനത്തിലും വാക്​പോര്​

കോ​ട്ട​യം: തെ​ര​ഞ്ഞെ​ടു​പ്പ്​ ദി​ന​ത്തി​ലും ഉ​മ്മ​ൻ ചാ​ണ്ടി​യു​ടെ ചി​കി​ത്സാ വി​വാ​ദ​ത്തെ​ച്ചൊ​ല്ലി വാ​ക്​​പോ​ര്. ചി​കി​ത്സ​യു​മാ​യി ബ​ന്ധ​​പ്പെ​ട്ട്​ കോ​ൺ​ഗ്ര​സ് നേ​താ​ക്ക​ളു​ടെ പേ​രി​ൽ സ​മൂ​ഹ​മാ​ധ്യ​മ​ങ്ങ​ളി​ൽ പ്ര​ച​രി​ക്കു​ന്ന ശ​ബ്ദ​സ​ന്ദേ​ശം മു​ൻ​നി​ർ​ത്തി​യാ​0ണ്​ ഇ​ട​ത് സ്ഥാ​നാ​ർ​ഥി ജെ​യ്ക്​ സി. ​തോ​മ​സ് തെ​ര​ഞ്ഞെ​ടു​പ്പ്​ ദി​ന​ത്തി​ൽ ആ​രോ​പ​ണം ക​ടു​പ്പി​ച്ച​ത്.

എ​ന്നാ​ൽ, ഇ​ട​തു മു​ന്ന​ണി​ക്ക് വി​ഷ​യ​ദാ​രി​ദ്ര്യ​മാ​ണെ​ന്നും വോ​ട്ട​ർ​മാ​ർ അ​വ​ഗ​ണി​ക്കു​മെ​ന്ന പ്ര​തി​ക​ര​ണ​മാ​ണ്​ ചാ​ണ്ടി ഉ​മ്മ​നും കു​ടും​ബാം​ഗ​ങ്ങ​ളും ന​ട​ത്തി​യ​ത്. ഓ​ഡി​യോ ക്ലി​പ്പ് പു​റ​ത്തു​വി​ട്ട​ത് കോ​ൺ​ഗ്ര​സു​കാ​ർ ത​ന്നെ​യാ​ണെ​ന്നും ജെ​യ്ക്​ ആ​രോ​പി​ച്ചു.

ജെ​യ്ക്​ സി. ​തോ​മ​സ് കു​ടും​ബ​ത്തെ വേ​ട്ട​യാ​ടു​ന്നെ​ന്നാ​ണ്​ ചാ​ണ്ടി ഉ​മ്മ​ന്‍ തി​രി​ച്ച​ടി​ച്ച​ത്. ആ​രോ​ഗ്യ​സ്ഥി​തി​യും ചി​കി​ത്സ​യും സം​ബ​ന്ധി​ച്ച എ​ല്ലാം ഉ​മ്മ​ൻ ചാ​ണ്ടി​യു​ടെ ഡ​യ​റി​യി​ലു​ണ്ടെ​ന്നും താ​ൻ മു​ൻ​കൈ​യെ​ടു​ത്ത് അ​മേ​രി​ക്ക​യി​ൽ കൊ​ണ്ടു​പോ​യി ചി​കി​ത്സി​ച്ച​ത​ട​ക്ക​മു​ള്ള കാ​ര്യ​ങ്ങ​ൾ എ​ഴു​തി​യി​ട്ടു​ണ്ടെ​ന്നും സ​മ​യ​മാ​കു​​മ്പോ​ൾ ഡ​യ​റി​ക്കു​റി​പ്പെ​ല്ലാം പു​റ​ത്തു​വി​ടാ​മെ​ന്നും ചാ​ണ്ടി ഉ​മ്മ​ൻ പ്ര​തി​ക​രി​ച്ചു.