സുധാകര​െൻറ ഭീഷണിക്കുമുന്നിൽ കോൺഗ്രസ്​ മുട്ടുകുത്തി​ -വിജയരാഘവൻ

തിരുവനന്തപുരം: കെ. സുധാകര​െൻറ ഭീഷണിക്കുമുന്നിൽ കോൺഗ്രസ്​ മുട്ടുകുത്തിയെന്ന്​ സി.പി.എം സംസ്​ഥാന സെക്രട്ടറിയുടെ ചുമതല വഹിക്കുന്ന എ. വിജയരാഘവൻ. നാട്ടിലെ തൊഴിലാളികൾ ഇത്​ അംഗീകരിക്കില്ല. കോൺഗ്രസിൽനിന്ന്​ വ്യത്യസ്​തമായ മൂല്യബോധം ബി.ജെ.പിയിൽനിന്ന്​ പ്രതീക്ഷിക്കേണ്ട. സുധാകര​െൻറ ഭാഷക്ക്​ സ്വാഭാവിക പിന്തുണയാണ്​ കെ. സുരേന്ദ്രൻ നൽകിയതെന്നും അദ്ദേഹം മാധ്യമങ്ങളോട്​ പറഞ്ഞു. മുഖ്യമന്ത്രിക്കെതിരായ കെ. സുധാകര​െൻറ പരാമർശങ്ങളെ ന്യായീകരിച്ചതിനോട്​ പ്രതികരിക്കുകയായിരുന്നു അദ്ദേഹം.

മുഖ്യമന്ത്രി​യുടെ ജനപിന്തുണ യു.ഡി.എഫിനെ ഭയപ്പെടുത്തുന്നു. ഒറ്റതിരിഞ്ഞ്​ ആക്ഷേപിക്കുകയും വ്യക്തിഹത്യ നടത്തുകയും ചെയ്യുന്നത്​ സ്വന്തം രാഷ്​ട്രീയ നിലപാടിന്​​ സ്വീകാര്യത കിട്ടാത്തതുകൊണ്ടാണ്​. തൊഴിലിനോടും തൊഴിലെടുക്കുന്നവരോടുമുള്ള പുച്ഛവും ഇതിലുണ്ട്​.

കോൺഗ്രസ്​ മുൻനിലപാടിൽനിന്ന്​ മാറുക വഴി സുധാകര​െൻറ നിലപാടിന്​ ന്യായീകരണം നൽകുകയാണ്​. കോൺഗ്രസി​െൻറ സമ്പന്നാനുകൂല മനോഭാവത്തി​െൻറ പ്രകടനമാണ്​. തൊഴിലെടുത്ത്​ ജീവിക്കുന്നവനെ ബഹുമാനിക്കില്ലെന്ന സമ്പന്നപ്രമാണിയുടെ മൂല്യബോധമാണ്​ അവരെ നിയന്ത്രിക്കുന്നത്​. തൊഴിലെടുത്ത്​ ജീവിക്കുന്നത്​ അഭിമാനകരമാ​െണന്നും എല്ലാ തൊഴിലും മഹത്വമുള്ളതാണെന്നും പറഞ്ഞ അദ്ദേഹം തൊഴിലാളികളിൽ വന്ന ചെറുപുരോഗതി പോലും അംഗീകരിക്കാത്ത ഫ്യൂഡൽ-സമ്പന്ന മനോഭാവമാണ്​ കോൺഗ്രസിനെന്നും കുറ്റപ്പെടുത്തി.

പാളയിൽ കഞ്ഞികുടിപ്പിക്കും, ത​മ്പ്രാനെന്ന്​ വിളിപ്പിക്കുമെന്ന്​ പറഞ്ഞവർക്ക്​ വംശനാശം വന്നില്ല. അവരുടെ മൂല്യബോധപ്രകാരം രാഹുൽ, പ്രിയങ്ക, ജെ.പി. നദ്ദ, എ.കെ. ആൻറണി എന്നിവർക്ക്​ ചാർ​േട്ടഡ്​ ​ൈഫ്ലറ്റ്​ ആകാം. കേരള മുഖ്യമന്ത്രി ഇതുവരെ ചാർ​േട്ടഡ്​ ​ൈഫ്ലറ്റിൽ ഡൽഹിക്ക്​ പോയിട്ടില്ല.

സംസ്ഥാന സർക്കാർ വാടകക്കെടുത്ത സൗകര്യം ഉപയോഗപ്പെടുത്തൽ ഭരണഭാഗമാണ്​. രാഷ്​ട്രീയ ആവശ്യങ്ങൾക്ക്​ തന്നെ ഇവരുടെ നേതാക്കൾ വിമാനം ഉപയോഗിക്കുന്നത​ിനെ ന്യായീകരിക്കുന്നവരാണ്​ ഇത്​ പറയുന്നത്​. മുഖ്യമന്ത്രി മികച്ച ഭരണനിർവഹണം നടത്തിയ പൊതുപ്രവർത്തകനാണ്​. മുഖ്യമന്ത്രി ആകാതിരിക്കാൻ തെറ്റായി പ്രവർത്തിച്ച കോൺഗ്രസുകാർ കൂടുതൽ വർഗീയവത്​കരിക്കുന്ന ശക്തികളുമായി ഒത്തുചേരാനാകുമോയെന്ന്​ നോക്കുകയാണെന്നും അദ്ദേഹം പറഞ്ഞു.