ഉമ്മൻ ചാണ്ടിയും ചെന്നിത്തലയും ഹൈദരലി തങ്ങളുമായി കൂടിക്കാഴ്ച നടത്തി
text_fieldsമലപ്പുറം: ഉമ്മൻചാണ്ടിയും പ്രതിപക്ഷ നേതാവ് രമേശ് ചെന്നിത്തലയും പാണക്കാട് ഹൈദരലി തങ്ങളുമായി കൂടിക്കാഴ്ച നടത്തി. പാണക്കാട് തങ്ങളുടെ വീട്ടിൽ ബുധനാഴ്ച രാവിലെ ഒമ്പതോടെയാണ് ഇരുവരുമെത്തിയത്.
വയനാട് മണ്ഡലത്തിൽ വിവിധ പരിപാടികൾക്കായി എത്തുന്ന രാഹുൽ ഗാന്ധിയെ കരിപ്പൂരിൽ സ്വീകരിക്കുന്നതിെൻറ ഭാഗമായി എത്തിയപ്പോഴാണ് നേതാക്കൾ ഹൈദരലി തങ്ങളെ സന്ദർശിച്ചത്. ഒരു മണിക്കൂറോളം പാണക്കാട് ചെലവഴിച്ചാണ് ഉമ്മൻചാണ്ടിയും ചെന്നിത്തലയും കരിപ്പൂരിലേക്ക് മടങ്ങിയത്. സൗഹൃദ സന്ദർശനത്തിെൻറ ഭാഗമായിരുന്നു വരവെന്നും മറ്റു ചർച്ചകളൊന്നും നടന്നിട്ടില്ലെന്നും തങ്ങൾ പറഞ്ഞു.
രാഷ്ട്രീയ വിഷയങ്ങളും മറ്റും സംസാരിച്ചുവെന്നും സീറ്റു വിഭജനം പോലുള്ള വിഷയങ്ങളൊന്നും ചർച്ചയിൽ വന്നിട്ടില്ലെന്നും പി.കെ കുഞ്ഞാലിക്കുട്ടി മാധ്യമ പ്രവർത്തകരെ അറിയിച്ചു. തിരുവനന്തപുരത്ത് നടക്കുന്ന യോഗത്തിലാണ് ഇക്കാര്യം ചർച്ച ചെയ്യുക. കോൺഗ്രസ് നേതാക്കളുടെ യാത്രക്കിടെ അത് നടക്കുമെന്നും അദ്ദേഹം കൂട്ടിച്ചേർത്തു.
അനൗദ്യോഗിക സ്വഭാവത്തിൽ സീറ്റ് വിഭജന ചർച്ചകൾ നടന്നു വരുന്നുണ്ടെന്നും കുഞ്ഞാലിക്കുട്ടി അറിയിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.