റിപ്പബ്ലിക്​ ദിനത്തില്‍ 137 രൂപ ചലഞ്ചുമായി കോൺഗ്രസ് നേതാക്കളിറങ്ങും

തിരുവനന്തപുരം: റിപ്പബ്ലിക്​ ദിനത്തില്‍ സംസ്ഥാന കോൺഗ്രസിലെ മുഴുവൻ നേതാക്കളും ജനപ്രതിനിധികളും 137 രൂപ ചലഞ്ചുമായി കടകമ്പോളങ്ങൾ കയറിയിറങ്ങും. മുതിര്‍ന്ന നേതാക്കള്‍, എം.പിമാര്‍, എം.എല്‍.എമാര്‍, ജനപ്രതിനിധികള്‍ തുടങ്ങിയവർ അന്ന്​ ഫണ്ട്​ ശേഖരണത്തിനിറങ്ങും.

കോണ്‍ഗ്രസ്​ ജന്മദിനത്തിന്‍റെ ഭാഗമായി കെ.പി.സി.സി ആരംഭിച്ച 137 രൂപ ചലഞ്ച് വിജയിപ്പിക്കാൻ കഴിഞ്ഞദിവസം ചേർന്ന പോഷകസംഘടന ഭാരവാഹികളുടെ യോഗവും തീരുമാനിച്ചിരുന്നു​. വിവിധ പോഷകസംഘടനകള്‍ വ്യത്യസ്ത ദിവസങ്ങളിൽ 137 രൂപ ചലഞ്ച് ഏറ്റെടുക്കും. റിപ്പബ്ലിക്​ ദിനത്തോടെ ജന്മദിന കാമ്പയിന്‍ സമാപിക്കും.