കോണ്‍ഗ്രസ് ജഡാവസ്ഥയിൽ; നേതൃത്വത്തിനെതിരെ പാർട്ടി മുഖപത്രം

തിരുവനന്തപുരം: ചെങ്ങന്നൂരിലെ പരാജയം കോൺഗ്രസിൽ ചർച്ചയായിരിക്കെ, പാർട്ടി മുഖപത്രവും നേതൃത്വത്തിനെതിരെ. മുഖ​പ്രസംഗത്തിലാണ്​ ‘വീക്ഷണം’ കടുത്ത പ്രയോഗം നടത്തുന്നത്​. ശക്തരായ പ്രതിയോഗികളോട് ഏറ്റുമുട്ടാൻ ആവണക്കെണ്ണ കുടിച്ച വയറുമായി രംഗത്തിറങ്ങിയിട്ട് കാര്യമില്ല. ആധുനിക അടിതട പ്രയോഗം പയറ്റിയേ മതിയാവൂ. ഗ്രൂപ്പി​​​​​െൻറ പേരിൽ അണ്ടനും മൊശകോടനും നേതൃസ്ഥാനത്ത് എത്തുന്നതുകൊണ്ടാണ്​ കോൺഗ്രസ് തോൽക്കുന്നതെന്ന്​  മുഖപ്രസംഗം തുറന്നടിച്ചു. 

2016ൽ തുടർഭരണസാധ്യത കളഞ്ഞു കുളിച്ച യു.ഡി.എഫ് പാഠം പഠിക്കുന്നില്ല. കെ.പി.സി.സി, ഡി.സി.സി പുനഃസംഘടനയിൽ മാത്രമാണ് നേതാക്കൾക്ക് താൽപര്യം. മണ്ഡലം, ബൂത്ത് കമ്മിറ്റികൾ ജഡാവസ്ഥയിലാണ്. ഗ്രൂപ്​ വേണ്ട എന്ന് പറയുന്നത് ​ൈകയടി നേടാനുള്ള വികല അഭിപ്രായമാണ്. നേതാക്കളെത്തുമ്പോൾ മുഖം കാണിച്ചും ചെവി തിന്നും പെട്ടി പേറിയും നടക്കുന്നവർ പാർട്ടിയിലെ പതിരും കളകളുമാണ്. ഈ കള പറിച്ചും പതിരു കളഞ്ഞും മാത്രമേ പ്രസ്ഥാനത്തെ രക്ഷിക്കാനാകൂ. ജൂബിലികൾ ആഘോഷിച്ച നേതാക്കൾ പുതുതലമുറയുടെ ഉപദേശികളും മാർഗദർശികളുമായി മാറണം.

വിശ്വാസികളുടെയും അവിശ്വാസികളുടെയും താൽപര്യം സംരക്ഷിക്കുന്ന കോൺഗ്രസ് മർക്കസുകളിലും മഠങ്ങളിലും അരമനകളിലും കയറിയിറങ്ങുന്നത് അവസാനിപ്പിക്കണം. ഈ സന്ദർശനം ദലിത്- ആദിവാസി ഊരുകളിലേക്കും കടലോരത്തെ കൂരകളിലേക്കും നടത്തിയാൽ പതിത വർഗത്തി​​​​​െൻറ പിന്തുണ കോൺഗ്രസിന് തിരിച്ചുപിടിക്കാം- മുഖപ്രസംഗം പറയുന്നു. എ വിഭാഗം വക്താവ്​ എന്നറിയപ്പെടുന്ന പി.ടി. തോമസ്​ എം.എൽ.എയാണ്​ ഇപ്പോൾ പത്രം എഡിറ്റർ.

മു​ഖ​പ്ര​സം​ഗം: ഉത്തരവാദികൾക്കെതിരെ നടപടി– ഹസൻ 
തി​രു​വ​ന​ന്ത​പു​രം: പാ​ർ​ട്ടി പ​ത്ര​ത്തി​ലെ മു​ഖ​പ്ര​സം​ഗം കോ​ൺ​ഗ്ര​സി​​​െൻറ അ​ഭി​പ്രാ​യ​മ​ല്ലെ​ന്ന് കെ.​പി.​സി.​സി പ്ര​സി​ഡ​ൻ​റ്​ എം.​എം. ഹ​സ​ന്‍. പാ​ര്‍ട്ടി നേ​തൃ​ത്വ​വു​മാ​യി ച​ര്‍ച്ച​ചെ​യ്താ​ണ് ന​യ​പ​ര​മാ​യ കാ​ര്യ​ങ്ങ​ളി​ല്‍ മു​ഖ​പ്ര​സം​ഗം എ​ഴു​താ​റ്. അ​തി​ന്​ വി​രു​ദ്ധ​മാ​യി പ്ര​സി​ദ്ധീ​ക​രി​ച്ച മു​ഖ​പ്ര​സം​ഗം എ​ഴു​തി​യ ആ​ളി​​​െൻറ വ്യ​ക്തി​പ​ര​മാ​യ അ​ഭി​പ്രാ​യം മാ​ത്ര​മാ​ണ്. ഇ​ത്ത​ര​മൊ​രു മു​ഖ​പ്ര​സം​ഗം വ​ന്ന​തി​നെ​ക്കു​റി​ച്ച് അ​ന്വേ​ഷി​ച്ച് ഉ​ത്ത​ര​വാ​ദി​ക​ളാ​യ​വ​ർ​ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്നും അ​ദ്ദേ​ഹം അ​റി​യി​ച്ചു.