പുനഃസംഘടന: നിലപാടിലുറച്ച്​ സുധാകരൻ; പാർട്ടി അധ്യക്ഷയെ കാണും

തി​രു​വ​ന​ന്ത​പു​രം: എ​ല്ലാ​വ​രെ​യും ഉ​ൾ​ക്കൊ​ണ്ടു​ള്ള പാ​ർ​ട്ടി പു​നഃ​സം​ഘ​ട​ന​​യെ​ന്ന നി​ല​പാ​ടി​ൽ ഉ​റ​ച്ചു​നി​ൽ​ക്കാ​നും ആ​വ​ശ്യ​​മെ​ങ്കി​ൽ ഇ​ക്കാ​ര്യം പാ​ർ​ട്ടി അ​ധ്യ​ക്ഷ ഉ​ൾ​പ്പെ​ടെ​യു​ള്ള​വ​രെ നേ​രി​ൽ​ അ​റി​യി​ക്കാ​നു​മു​ള്ള ത​യാ​റെ​ടു​പ്പി​ൽ കെ.​പി.​സി.​സി​ പ്ര​സി​ഡ​ന്‍റ്​ കെ. ​സു​ധാ​ക​ര​ൻ. ഏ​താ​നും എം.​പി​മാ​രു​ടെ പ​രാ​തി​യു​ടെ മ​റ​വി​ൽ പു​തി​യ ഡി.​സി.​സി ഭാ​ര​വാ​ഹി​ക​ളു​ടെ​യും ബ്ലോ​ക്ക്​ പ്ര​സി​ഡ​ന്‍റു​മാ​രു​ടെ​യും പ്ര​ഖ്യാ​പ​നം ഹൈ​ക​മാ​ൻ​ഡ്​ അ​വ​സാ​ന​നി​മി​ഷം മ​ര​വി​പ്പി​ച്ച സാ​ഹ​ച​ര്യ​ത്തി​ലാ​ണ്​ ഈ ​നീ​ക്കം.

അ​തേ​സ​മ​യം, സു​ധാ​ക​ര​ൻ അ​നു​ന​യ​ത്തി​ന്​ വ​ഴ​ങ്ങു​ന്നി​ല്ലെ​ങ്കി​ൽ പു​നഃ​സം​ഘ​ട​ന ക​ഴി​യു​ന്ന​ത്ര വൈ​കി​പ്പി​ച്ച്​ സം​ഘ​ട​ന തെ​ര​ഞ്ഞെ​ടു​പ്പി​ലൂ​ടെ​യോ അ​തി​നു​മു​മ്പ്​ അ​ദ്ദേ​ഹം സ്ഥാ​ന​മൊ​ഴി​ഞ്ഞാ​ൽ പ​ക​ര​ക്കാ​ര​നെ നി​യ​മി​ച്ചോ തി​രി​ച്ച​ടി ന​ൽ​കാ​നു​ള്ള ഒ​രു​ക്ക​ത്തി​ലാ​ണ്​ വി.​ഡി. സ​തീ​ശ​ൻ-​കെ.​സി. വേ​ണു​ഗോ​പാ​ൽ അ​ച്ചു​ത​ണ്ട്. ഒ​രു​വ​ശ​ത്ത്​ പ്ര​ശ്ന​പ​രി​ഹാ​ര​ത്തി​ന്​ തി​ര​ക്കി​ട്ട ശ്ര​മ​ങ്ങ​ൾ ന​ട​ക്കു​മ്പോ​ൾ ത​ന്നെ​യാ​ണ്​ ഇ​രു​കൂ​ട്ട​രും മ​റു​വ​ഴി​ക​ൾ തേ​ടു​ന്ന​ത്.

പു​നഃ​സം​ഘ​ട​ന​യു​മാ​യി ബ​ന്ധ​പ്പെ​ട്ട്​ സം​സ്ഥാ​ന കോ​ൺ​ഗ്ര​സി​ൽ ഉ​ട​ലെ​ടു​ത്ത പ്ര​തി​സ​ന്ധി എ​ത്ര​യും​വേ​ഗം പ​രി​ഹ​രി​ക്ക​ണ​മെ​ന്നാ​ണ് മു​തി​ർ​ന്ന നേ​താ​ക്ക​ൾ ഉ​ൾ​പ്പെ​ടെ ആ​വ​ശ്യ​പ്പെ​ടു​ന്ന​ത്. അ​തി​ന്‍റെ ഭാ​ഗ​മാ​യി സ​തീ​ശ​നും സു​ധാ​ക​ര​നും ഉ​ട​ൻ കൂ​ടി​ക്കാ​ഴ്ച ന​ട​ത്തു​മെ​ന്നും അ​റി​യു​ന്നു. ത​ർ​ക്കം പ​രി​ഹ​രി​ക്കാ​നു​ള്ള​ സ​ന്ന​ദ്ധ​ത സു​ധാ​ക​ര​ൻ പ്ര​ക​ടി​പ്പി​ക്കു​മ്പോ​ഴും പു​നഃ​സം​ഘ​ട​ന ഒ​ഴി​വാ​ക്കാ​നാ​കി​ല്ലെ​ന്ന ശ​ക്ത​മാ​യ നി​ല​പാ​ടി​ലാ​ണ് അ​ദ്ദേ​ഹം. ഡി.​സി.​സി ഭാ​ര​വാ​ഹി​ക​ളു​ടെ എ​ണ്ണ​ത്തി​ൽ നേ​രി​യ വ​ർ​ധ​ന​ അം​ഗീ​ക​രി​ക്കാ​നും​ കെ.​പി.​സി.​സി ത​യാ​റാ​ക്കി​യ അ​ന്തി​മ ക​ര​ട്​​പ​ട്ടി​ക​യി​ൽ ചി​ല വി​ട്ടു​വീ​ഴ്ച​ക​ൾ​ക്കും സു​ധാ​ക​ര​ൻ ഒ​രു​ക്ക​മാ​ണ്.

എ​ന്നാ​ൽ, പു​നഃ​സം​ഘ​ട​ന​യി​ൽ ആ​രു​ടെ​യും അ​മി​ത താ​ൽ​പ​ര്യ​ങ്ങ​ൾ​ക്ക്​ വ​ഴ​ങ്ങാ​നാ​കി​ല്ലെ​ന്ന നി​ല​പാ​ടി​ൽ അ​ദ്ദേ​ഹം ഉ​റ​ച്ചു​നി​ൽ​ക്കു​ക​യാ​ണ്. പാ​ർ​ട്ടി​യെ കൈ​പ്പി​ടി​യി​ല്‍ ഒ​തു​ക്കു​ക​യെ​ന്ന ല​ക്ഷ്യ​ത്തോ​ടെ​യു​ള്ള കെ.​സി. വേ​ണു​ഗോ​പാ​ലി​ന്‍റെ നീ​ക്ക​ങ്ങ​ൾ​ക്ക്​ വ​ഴ​ങ്ങാ​നി​ല്ലെ​ന്ന സൂ​ച​ന​ക​ളാ​ണ്​ ഇ​തി​ലൂ​ടെ അ​ദ്ദേ​ഹം ന​ൽ​കു​ന്ന​ത്. പ​ട്ടി​ക പ്ര​ഖ്യാ​പ​നം മ​ര​വി​പ്പി​ക്കാ​ൻ തി​ങ്ക​ളാ​ഴ്ച രാ​ത്രി വൈ​കി നി​ർ​​ദേ​ശം വ​ന്ന​തോ​ടെ ക​ടു​ത്ത അ​മ​ർ​ഷ​​ത്തി​ലാ​യ സു​ധാ​ക​ര​ൻ ഈ ​നി​ല​യി​ൽ കെ.​പി.​സി.​സി അ​ധ്യ​ക്ഷ​നാ​യി തു​ട​രു​ന്ന​തി​ൽ അ​ർ​ഥ​മി​ല്ലെ​ന്ന നി​ല​പാ​ട്​ ഹൈ​ക​മാ​ൻ​ഡി​നെ അ​റി​യി​ച്ചു. അ​ടു​ത്ത​ദി​വ​സം കെ.​പി.​സി.​സി ആ​സ്ഥാ​ന​ത്തേ​ക്ക്​ വ​രാ​നും കൂ​ട്ടാ​ക്കി​യി​ല്ല. ബു​ധ​നാ​ഴ്ച പാ​ർ​ട്ടി ആ​സ്ഥാ​ന​ത്തെ​ത്തി​യ അ​ദ്ദേ​ഹം സ​ഹ​ഭാ​ര​വാ​ഹി​ക​ൾ ഉ​ൾ​പ്പെ​ടെ​യു​ള്ള​വ​രു​മാ​യി ച​ർ​ച്ച ന​ട​ത്തി.

പു​നഃ​സം​ഘ​ട​ന നി​ർ​ത്തി​വെ​ക്ക​ണ​മെ​ന്ന​ല്ല, എം.​പി​മാ​ർ ഉ​ൾ​പ്പെ​ടെ ചി​ല​ർ ഉ​ന്ന​യി​ച്ച പ​രാ​തി​ക​ൾ കേ​ൾ​ക്ക​ണ​മെ​ന്നാ​ണ്​ ഹൈ​ക​മാ​ൻ​ഡ്​ നി​ർ​ദേ​ശി​ച്ച​തെ​ന്നും ഡി.​സി.​സി ഭാ​ര​വാ​ഹി​ക​ളു​ടെ​യും ബ്ലോ​ക്ക്​ പ്ര​സി​ഡ​ന്‍റു​മാ​രു​ടെ​യും നി​യ​മ​ന​ങ്ങ​ൾ കെ.​പി.​സി.​സി ​പ്ര​സി​ഡ​ന്‍റി​ന്‍റെ വി​വേ​ച​നാ​ധി​കാ​ര​മാ​ണെ​ന്നും സു​ധാ​ക​ര​ൻ ചൂ​ണ്ടി​ക്കാ​ട്ടി​യ​താ​യി അ​റി​യു​ന്നു.

പ​രാ​തി​പ്പെ​ട്ട​ത്​ നാ​ല്​​ എം.​പി​മാ​ർ

തി​രു​വ​ന​ന്ത​പു​രം: പു​നഃ​സം​ഘ​ട​ന​ സം​ബ​ന്ധി​ച്ച്​ എം.​കെ. രാ​ഘ​വ​ൻ, ടി.​എ​ൻ. പ്ര​താ​പ​ൻ, ബെ​ന്നി ബെ​ഹ​നാ​ൻ, ഹൈ​ബി ഈ​ഡ​ൻ എ​ന്നീ എം.​പി​മാ​രാ​ണ്​ ഹൈ​ക​മാ​ൻ​ഡി​നെ സ​മീ​പി​ച്ച​​തെ​ന്ന്​ വി​വ​ര​മു​ണ്ട്. ഇ​വ​രി​ൽ ബെ​ന്നി ബെ​ഹ​നാ​ൻ ഒ​ഴി​കെ​യു​ള്ള​വ​ർ കെ.​സി. വേ​ണു​ഗോ​പാ​ലു​മാ​യി ബ​ന്ധ​പ്പെ​ട്ട് നി​ല്‍ക്കു​ന്ന​വ​രാ​ണ്. അ​തി​നാ​ൽ അ​വ​രു​ടെ നീ​ക്കം ദു​രു​ദ്ദേ​ശ്യ​ത്തോ​ടെ​യാ​ണെ​ന്ന്​​ സു​ധാ​ക​ര​പ​ക്ഷം സം​ശ​യി​ക്കു​ന്നു. മ​റി​ച്ചാ​യി​രു​ന്നെ​ങ്കി​ൽ അ​വ​ർ ആ​ദ്യം കെ.​പി.​സി.​സി​യെ​യാ​ണ്​ പ​രാ​തി അ​റി​യി​ക്കേ​ണ്ടി​യി​രു​ന്ന​തെ​ന്നും സു​ധാ​ക​ര​ൻ അ​നു​കൂ​ലി​ക​ൾ ചൂ​ണ്ടി​ക്കാ​ട്ടു​ന്നു.

പ​രാ​തി ഇ​തു​വ​രെ കെ.​പി.​സി.​സി​ക്ക്​ കൈ​മാ​റി​യി​ട്ടി​ല്ലാ​ത്ത​തി​നാ​ൽ അ​തി​ന്‍റെ സ്വ​ഭാ​വം എ​ന്താ​ണെ​ന്ന്​ മ​ന​സ്സി​ലാ​ക്കാ​ൻ ​ സാ​ധി​ച്ചി​ട്ടി​ല്ലെ​ന്ന നി​ല​പാ​ടി​ലാ​ണ്​ സം​സ്ഥാ​ന നേ​തൃ​ത്വം. കൂ​ടു​ത​ൽ ത​ര്‍ക്ക​ങ്ങ​ളി​ലേ​ക്ക് പോ​കാ​തെ പു​നഃ​സം​ഘ​ട​ന എ​ത്ര​യും വേ​ഗം തീ​ര്‍ക്ക​ണ​മെ​ന്ന അ​ഭി​പ്രാ​യ​മാ​ണ് പാ​ര്‍ട്ടി​യി​ലെ നി​ഷ്​​പ​ക്ഷ നേ​താ​ക്ക​ൾ​ക്കും പ്ര​വ​ര്‍ത്ത​ക​ർ​ക്കു​മു​ള്ള​ത്.