ജെബി മേത്തർ രാജിവെച്ച ആലുവ നഗരസഭ സീറ്റ് കോൺഗ്രസ് നിലനിർത്തി

ആലുവ: അഡ്വ. ജെബി മേത്തർ രാജ്യസഭാംഗമായതിനെ തുടർന്ന് ഉപതെരഞ്ഞെടുപ്പ് നടന്ന ആലുവ നഗരസഭയിലെ 22-ാം വാർഡ് കോൺഗ്രസ് നിലനിർത്തി. കോൺഗ്രസിലെ വിദ്യ ബിജു 43 വോട്ടുകൾക്കാണ് വിജയിച്ചത്.

കോൺഗ്രസിലെ വിദ്യ-168, സി.പി.എമ്മിലെ കവിത -125, ബി.ജെ.പിയിലെ ഉമാദേവി -110 എന്നിങ്ങനെയാണ് വോട്ടിങ് നില. കഴിഞ്ഞ തവണ ജെബിക്ക് 119 വോട്ടിന്റെ ഭൂരിപക്ഷമുണ്ടായിരുന്നു.