കെ.വി തോമസിനെ അനുനയിപ്പിക്കാൻ​ വാഗ്​ദാനങ്ങളുമായി കോൺഗ്രസ്​

ന്യൂഡൽഹി: ലോക്​സഭാ തെരഞ്ഞെടുപ്പിൽ സീറ്റ്​ നിഷേധിക്കപ്പെട്ടതിനെ തുടർന്ന്​ കോൺഗ്രസുമായി ഇടഞ്ഞ കെ.വി തോമസി നെ അനുനയിപ്പിക്കാൻ ശ്രമം. ​രാവിലെ ന്യൂഡൽഹിയിലെ വസതിയിലെത്തി പ്രതിപക്ഷ നേതാവ്​ രമേശ്​​ ചെന്നിത്തല കെ.വി തോമസിനെ സന്ദർശിച്ചു.

എന്നാൽ പ്രതിപക്ഷ നേതാവിനോട്​ കെ.വി തോമസ്​ ക്ഷുഭിതനായെന്നും വാഗ്​ദാനങ്ങളൊന്നും മു​ന്നോട്ടുവെക്കേണ്ടെന്ന്​ അറിയിച്ചുവെന്നുമാണ്​ വിവരം. സീറ്റില്ലാത്ത വിവരം നേരത്തെ അറിയിക്കാത്തതു സംബന്ധിച്ചും അദ്ദേഹം ചോദിച്ചുവെന്നാണ്​ റിപ്പോർട്ട്​.

ലോക്​സഭാ തെരഞ്ഞെടുപ്പിൽ എറണാകുളത്ത്​ ​ഹൈബി ഈഡൻ ജയിച്ചാൽ ഒഴിവുവരുന്ന നിയമസഭാ സീറ്റ്​ തോമസിന്​ നൽകാമെന്ന വാഗ്​ദാനം കോൺഗ്രസ്​ മുന്നോട്ടുവെച്ചതായാണ്​ വിവരം. എന്നാൽ ദേശീയ രാഷ്​ട്രീയത്തിൽ നിന്ന്​ സംസ്​ഥാന രാഷ്​ട്രീയത്തിലേക്ക്​ പ്രവേശിക്കാൻ തോമസിന്​ താത്​പര്യക്കുറവുണ്ട്​. യു.ഡി.എഫ്​ കൺവീനർ അല്ലെങ്കിൽ എ.ഐ.സി.സി ജനറൽ സെക്രട്ടറി പദവി ​എന്നിവയും വാഗ്​ദാനം ചെയ്​തിട്ടുണ്ടെന്നാണ്​ വാർത്തകൾ​.