വി.എം. സുധീരൻ എ.ഐ.സി.സി അംഗത്വവും രാജിവെച്ചു

തിരുവനന്തപുരം: മുതിർന്ന നേതാവ്​ വി.എം. സുധീരൻ എ.ഐ.സി.സി അംഗത്വവും രാജിവെച്ചു. കോൺഗ്രസ്​ അധ്യക്ഷ സോണിയ ഗാന്ധിക്ക്​ കത്തയച്ചു.

​കെ.പി.സി.സി നേതൃത്വത്തോടുള്ള അതൃപ്​തിയാണ്​ രാജി​ക്ക്​ കാരണമെന്നാണ്​ വിവരം. കെ.പി.സി.സി​യിലെ തർക്കങ്ങളിൽ ഹൈക്കമാൻഡ്​ ഇടപെട്ടില്ലെന്നും ആക്ഷേപം ഉയർത്തി. സംസ്​ഥാന നേതൃത്വം കൂടിയാലോചനകൾ നടത്തുന്നില്ലെന്നും ഏകപക്ഷീയമാണ്​ തീരുമാനമെന്നും സുധീരൻ ആരോപണം ഉന്നയിച്ചിരുന്നു.

നേരത്തേ കെ.പി.സി.സി രാഷ്​ട്രീയ കാര്യ സമിതിയിൽനിന്ന്​ സുധീരൻ രാജിവെച്ചിരുന്നു. പുനസംഘടനയും മുതിർന്ന നേതാക്കളെ അവഗണിക്കുന്നതിലും പ്രതിഷേധിച്ചായിരുന്നു രാജി. രാജിക്ക്​ പിന്നാലെ സുധീരനെ അനുനയിപ്പിക്കാൻ നേതൃത്വം ശ്രമം തുടങ്ങിയിരുന്നു. എന്നാൽ ഇതിൽ വഴങ്ങാതെയാണ്​ സുധീരന്‍റെ എ.ഐ.സി.സി അംഗത്വത്തിൽനിന്നുള്ള രാജിയും. വി.എം.സുധീരൻ രാജി പിൻവലിക്കണമെന്ന ആവശ്യവുമായി കെ.പി.സി.സി നേതൃത്വവും രംഗ​െത്തത്തിയിരുന്നു.