കണക്ഷൻ പുനഃസ്ഥാപിച്ചു; കെ.എസ്.ഇ.ബി ജീവനക്കാർക്കെതിരെ കേസ്

തി​രു​വ​മ്പാ​ടി (കോ​ഴി​ക്കോ​ട്): തി​രു​വ​മ്പാ​ടി സെ​ക്ഷ​ൻ ഓ​ഫി​സ് ആ​ക്ര​മി​ച്ചെ​ന്ന് ആ​രോ​പി​ച്ച് തി​രു​വ​മ്പാ​ടി ഉ​ള്ളാ​ട്ടി​ൽ യു.​സി. അ​ബ്ദു​റ​സാ​ഖി​ന്റെ വീ​ട്ടി​ലെ വൈ​ദ്യു​തി ബ​ന്ധം വി​ച്ഛേ​ദി​ച്ച ന​ട​പ​ടി തി​രു​ത്തി കെ.​എ​സ്.​ഇ.​ബി. 30 മ​ണി​ക്കൂ​റി​ന് ശേ​ഷം ഞാ​യ​റാ​ഴ്ച രാ​ത്രി വൈ​ദ്യു​തി ക​ണ​ക്ഷ​ൻ പു​നഃ​സ്ഥാ​പി​ച്ചു. കെ.​എ​സ്.​ഇ.​ബി ഉ​ദ്യോ​ഗ​സ്ഥ​രു​ടെ പ​രാ​തി​യി​ൽ അ​ബ്ദു​റ​സാ​ഖി​ന്റെ മ​ക്ക​ളാ​യ അ​ജ്മ​ലി​നെ​യും ഷ​ഹ​ദാ​ദി​നെ​യും അ​റ​സ്റ്റ് ചെ​യ്തി​രു​ന്നു. ബി​ൽ കു​ടി​ശ്ശി​ക ഇ​ല്ലാ​തി​രി​ക്കെ കെ.​എ​സ്.​ഇ.​ബി വൈ​ദ്യു​തി ബ​ന്ധം വി​ച്ഛേ​ദി​ച്ച​തി​നെ​തി​രെ വ്യാ​പ​ക പ്ര​തി​ഷേ​ധ​മാ​ണു​യ​ർ​ന്ന​ത്.

തു​ട​ർ​ന്ന് വൈ​ദ്യു​തി മ​​ന്ത്രി കൃ​ഷ്ണ​ൻ​കു​ട്ടി വി​ഷ​യ​ത്തി​ൽ ഇ​ട​പെ​ട്ടു. ജീ​വ​ന​ക്കാ​ർ​ക്ക്​ നേ​രെ ഇ​നി അ​ക്ര​മ​മു​ണ്ടാ​വി​ല്ലെ​ന്ന ഉ​റ​പ്പു​കി​ട്ടി​യാ​ൽ വൈ​ദ്യു​തി പു​നഃ​സ്​​ഥാ​പി​ക്കു​ന്ന​തി​ന്​ ന​ട​പ​ടി സ്വീ​ക​രി​ക്കാ​ൻ സി.​എം.​ഡി​ക്ക്​ നി​ർ​ദേ​ശം ന​ൽ​കി​യി​ട്ടു​ണ്ടെ​ന്ന്​ മ​ന്ത്രി പ​റ​ഞ്ഞു. വൈ​ദ്യു​തി വി​​ച്ഛേ​ദി​ക്കാ​ൻ നി​യ​മ​മി​ല്ല എ​ന്ന്​ പ​റ​യു​ന്ന​വ​ർ ഓ​ഫി​സ്​ ത​ല്ലി​​​​പ്പൊ​ളി​ച്ച​തി​ന്​ നി​യ​മ​മു​ണ്ടോ എ​ന്നു​കൂ​ടി വ്യ​ക്ത​മാ​ക്ക​ണം. പ​ണ​മ​ട​യ്​​ക്കാ​ത്ത​വ​രു​ടെ വൈ​ദ്യു​തി വി​​​ച്ഛേ​ദി​ക്കേ​ണ്ടി​വ​രും. അ​തി​ന്​ ക​ഴി​ഞ്ഞി​ല്ലെ​ങ്കി​ൽ കെ.​എ​സ്.​ഇ.​ബി​ക്ക്​ പ​ണ​മ​ട​ച്ചി​ല്ലെ​ങ്കി​ലും ഒ​രു കു​ഴ​പ്പ​വു​മി​ല്ല എ​ന്ന ട്രെ​ൻ​ഡ്​ വ​രും. പ​ണം കൊ​ടു​ത്താ​ലേ ന​മു​ക്ക്​ വൈ​ദ്യു​തി കി​ട്ടൂ. പീ​ക്ക്​ സ​മ​യ​ങ്ങ​ളി​ൽ വ​ലി​യ വി​ല കൊ​ടു​ത്താ​ണ്​ വൈ​ദ്യു​തി വാ​ങ്ങി വി​ത​ര​ണം ചെ​യ്യു​ന്ന​ത്​ -മ​ന്ത്രി പ​റ​ഞ്ഞു. നി​യ​മ ന​ട​പ​ടി​ക​ളു​മാ​യി മു​ന്നോ​ട്ടു​പോ​കു​മെ​ന്നും കെ.​എ​സ്.​ഇ.​ബി​ക്കു​ണ്ടാ​യ നാ​ശ​ന​ഷ്ടം മു​ഴു​വ​ൻ ഈ​ടാ​ക്കു​മെ​ന്നും സി.​എം.​ഡി ബി​ജു പ്ര​ഭാ​ക​ർ പ​റ​ഞ്ഞു. പി​ന്നാ​ലെ വൈ​ദ്യു​തി പു​നഃ​സ്ഥാ​പി​ക്കു​ന്ന​തി​ന് കെ.​എ​സ്.​ഇ.​ബി​യെ ചു​മ​ത​ല​പ്പെ​ടു​ത്താ​ൻ ജി​ല്ല ക​ല​ക്ട​ർ​ക്ക് നി​ർ​ദേ​ശം ന​ൽ​കി. തു​ട​ർ​ന്നാ​ണ് രാ​ത്രി ജീ​വ​ന​ക്കാ​രെ​ത്തി പു​നഃ​സ്ഥാ​പി​ച്ച​ത്.

അ​തേ​സ​മ​യം, ത​ന്നെ കെ.​എ​സ്.​ഇ.​ബി ജീ​വ​ന​ക്കാ​ർ കൈ​യേ​റ്റം ചെ​യ്തെ​ന്നു​കാ​ട്ടി അ​ബ്ദു​റ​സാ​ഖി​ന്റെ ഭാ​ര്യ യു.​സി. മ​റി​യം ന​ൽ​കി​യ പ​രാ​തി​യി​ൽ പൊ​ലീ​സ് കേ​സെ​ടു​ത്തു. സം​ഭ​വ​ത്തി​ൽ മ​നു​ഷ്യാ​വ​കാ​ശ ക​മീ​ഷ​നും കേ​സെ​ടു​ത്ത് അ​ന്വേ​ഷ​ണ​ത്തി​ന് ഉ​ത്ത​ര​വി​ട്ടു. കെ.​എ​സ്.​ഇ.​ബി എ​ക്സി. എ​ൻ​ജി​നീ​യ​ർ പ​രാ​തി പ​രി​ശോ​ധി​ച്ച് ഏ​ഴു​ ദി​വ​സ​ത്തി​ന​കം റി​പ്പോ​ർ​ട്ട് സ​മ​ർ​പ്പി​ക്ക​ണ​മെ​ന്ന് ക​മീ​ഷ​ൻ ആ​ക്ടി​ങ് ചെ​യ​ർ​പേ​ഴ്സ​ണും ജു​ഡീ​ഷ്യ​ൽ അം​ഗ​വു​മാ​യ കെ. ​ബൈ​ജൂ​നാ​ഥ് ആ​വ​ശ്യ​പ്പെ​ട്ടു. മാ​ധ്യ​മ​വാ​ർ​ത്ത​ക​ളു​ടെ അ​ടി​സ്ഥാ​ന​ത്തി​ൽ സ്വ​മേ​ധ​യ ര​ജി​സ്റ്റ​ർ ചെ​യ്ത കേ​സി​ലാ​ണ് ന​ട​പ​ടി.