പ​ണ​മു​ണ്ടെ​ങ്കി​ൽ പൊ​ളി​ച്ചേ​നെ..!

തി​രു​വ​ന​ന്ത​പു​രം: കേ​ന്ദ്ര​സ​ർ​ക്കാ​ർ പ്ര​ഖ്യാ​പി​ച്ച ഏ​കീ​കൃ​ത പെ​ൻ​ഷ​ൻ പ​ദ്ധ​തി (യു.​പി.​എ​സ്) നി​ല​വി​ലെ പ​ങ്കാ​ളി​ത്ത പെ​ൻ​ഷ​നെ അ​പേ​ക്ഷി​ച്ച്​ ജീ​വ​ന​ക്കാ​ർ​ക്ക്​ മെ​ച്ച​മാ​ണെ​ങ്കി​ലും സം​സ്ഥാ​ന സ​ർ​ക്കാ​റി​ന്​ മു​ന്നി​ൽ പ്ര​തി​ബ​ന്ധ​മാ​വു​ക അ​ധി​ക സാ​മ്പ​ത്തി​ക ബാ​ധ്യ​ത. ച​ർ​ച്ച​ക​ൾ സ​ജീ​വ​മാ​യ​തോ​ടെ പു​തി​യ പെ​ൻ​ഷ​ൻ പ​ദ്ധ​തി​യെ​ക്കു​റി​ച്ച്​ പ​ഠി​ക്കാ​ൻ​ത​ന്നെ​യാ​ണ്​ ധ​ന​വ​കു​പ്പ് തീ​രു​മാ​നം. ജീ​വ​ന​ക്കാ​ർ​ക്ക്​ അ​ടി​സ്ഥാ​ന ശ​മ്പ​ള​ത്തി​​ന്‍റെ പ​കു​തി​യും 10,000 രൂ​പ മി​നി​മം പെ​ൻ​ഷ​നും വി​ഭാ​വ​നം ചെ​യ്യു​ന്നു​​വെ​ന്ന​താ​ണ്​ യു.​പി.​എ​സി​ലെ പ്ര​ധാ​ന ആ​ക​ർ​ഷ​ണം.

പ​ങ്കാ​ളി​ത്ത സ്വ​ഭാ​വ​ത്തി​ലു​ള്ള പു​തി​യ പെ​ൻ​ഷ​ൻ പ​ദ്ധ​തി​യി​ൽ 18.5 ശ​ത​മാ​ന​മാ​ണ്​ സ​ർ​ക്കാ​ർ വി​ഹി​തം. കേ​ന്ദ്ര​സ​ർ​ക്കാ​റി​ന്‍റെ നി​ല​വി​ലെ പെ​ൻ​ഷ​ൻ പ​ദ്ധ​തി​യാ​യ എ​ൻ.​പി.​എ​സി​ൽ സ​ർ​ക്കാ​ർ വി​ഹി​തം 14 ശ​ത​മാ​ന​മാ​ണ്. ഇ​ത്​ 18.5 ശ​ത​മാ​ന​ത്തി​ലേ​ക്ക്​ ഉ​യ​ർ​ത്തി​യാ​ണ്​ ഇ​പ്പോ​ൾ യു.​പി.​എ​സ്​ പ്ര​ഖ്യാ​പി​ച്ച​ത്. അ​തേ​സ​മ​യം, സം​സ്ഥാ​ന സ​ർ​ക്കാ​റി​ന്‍റെ നി​ല​വി​ലെ പ​ങ്കാ​ളി​ത്ത പെ​ൻ​ഷ​ൻ പ​ദ്ധ​തി​യി​ൽ 10 ശ​ത​മാ​ന​മാ​ണ്​ സ​ർ​ക്കാ​ർ വി​ഹി​തം. 14 ശ​ത​മാ​ന​മാ​ക്കി കേ​ന്ദ്രം നി​ഷ്ക​ർ​ഷി​ച്ചി​ട്ട്​ പോ​ലും സാ​മ്പ​ത്തി​ക പ്ര​തി​സ​ന്ധി ഉ​ന്ന​യി​ച്ച്​ സ​ർ​ക്കാ​ർ അ​തി​ന്​ മു​തി​ർ​ന്നി​രു​ന്നി​ല്ല. ഈ ​സാ​ഹ​ച​ര്യ​ത്തി​ൽ 18.5 ശ​ത​മാ​നം സ​ർ​ക്കാ​ർ വി​ഹി​ത​മു​ള്ള കേ​ന്ദ്ര​ത്തി​ന്‍റെ പു​തി​യ ഏ​കീ​കൃ​ത പെ​ൻ​ഷ​ൻ പ​ദ്ധ​തി​ക്ക്​ സം​സ്ഥാ​നം ത​യാ​റാ​കു​മോ എ​ന്ന​താ​ണ്​ ക​ണ്ട​റി​യേ​ണ്ട​ത്. അ​തേ​സ​മ​യം, കേ​ന്ദ്ര​മാ​തൃ​ക​യി​ൽ ജീ​വ​ന​ക്കാ​ർ​ക്ക്​ നി​ശ്ചി​ത തു​ക പെ​ൻ​ഷ​ൻ ഉ​റ​പ്പാ​ക്കു​ന്ന പെ​ൻ​ഷ​ൻ സ്കീം ​മാ​തൃ​ക​യാ​ണ്​ സം​സ്ഥാ​ന സ​ർ​ക്കാ​റും ആ​ലോ​ചി​ക്കു​ന്ന​ത്.

നി​ല​വി​ലെ സാ​മ്പ​ത്തി​ക പ്ര​തി​സ​ന്ധി​യു​ടെ പ​ശ്ചാ​ത്ത​ല​ത്തി​ൽ സം​സ്ഥാ​നം സ്വ​ന്തം നി​ല​​ക്ക്​ പ​ദ്ധ​തി ത​യാ​റാ​ക്കാ​നാ​ണ്​ സാ​ധ്യ​ത​യേ​റെ. നി​ല​വി​ല്‍ കേ​ന്ദ്ര സ​ര്‍ക്കാ​ര്‍ ജീ​വ​ന​ക്കാ​ര്‍ക്ക് മാ​ത്ര​മാ​ണ് യു.​പി.​എ​സ് ബാ​ധ​ക​മാ​കു​ക. 2025 ഏ​പ്രി​ല്‍ ഒ​ന്നു മു​ത​ലാ​ണ് പ്രാ​ബ​ല്യം. സം​സ്ഥാ​ന സ​ര്‍ക്കാ​റു​ക​ളും ഇ​തോ​ടൊ​പ്പം ചേ​രാ​​മെ​ന്നാ​ണ്​ കേ​ന്ദ്രം അ​റി​യി​ച്ചി​ട്ടു​ള്ള​ത്. മ​ഹാ​രാ​ഷ്ട്ര സ​ര്‍ക്കാ​ര്‍ പ​ദ്ധ​തി ന​ട​പ്പാ​ക്കു​മെ​ന്ന് അ​റി​യി​ച്ചി​ട്ടു​ണ്ട്. അ​ങ്ങ​നെ​യെ​ങ്കി​ല്‍ യു.​പി.​എ​സ് ന​ട​പ്പാ​ക്കു​ന്ന ആ​ദ്യ സം​സ്ഥാ​ന​മാ​കും മ​ഹാ​രാ​ഷ്ട്ര.

പെ​ൻ​ഷ​ൻ പ​ദ്ധ​തി​ക​ൾ ഇ​ങ്ങ​നെ

പ​ഴ​യ പെ​ൻ​ഷ​ൻ പ​ദ്ധ​തി

ജീ​വ​ന​ക്കാ​രു​ടെ വി​ഹി​ത​മി​ല്ല. അ​വ​സാ​നം വാ​ങ്ങി​യ ശ​മ്പ​ള​ത്തി​ന്‍റെ പ​കു​തി​യോ​ളം തു​ക പെ​ൻ​ഷ​നാ​യി ല​ഭി​ക്കും. ഏ​റ്റ​വും കു​റ​ഞ്ഞ​ത്​ 11,500 രൂ​പ പെ​ൻ​ഷ​നാ​യി കി​ട്ടും. ജീ​വ​ന​ക്കാ​ര​ന്‍റെ കാ​ല​ശേ​ഷം ആ​ശ്രി​ത​ർ​ക്ക്​ 50 ശ​ത​മാ​നം കു​ടും​ബ ​പെ​ൻ​ഷ​ൻ. ഗ്രാ​റ്റ്വി​റ്റി ല​ഭി​ക്കും. വ​ർ​ഷ​ത്തി​ൽ ര​ണ്ടു​ത​വ​ണ ക്ഷാ​മാ​ശ്വാ​സ​വു​മു​ണ്ട്. വി​ര​മി​ക്ക​ൽ പ്രാ​യം 56.

പ​ങ്കാ​ളി​ത്ത പെ​ൻ​ഷ​ൻ പ​ദ്ധ​തി

ജീ​വ​ന​ക്കാ​രു​ടെ 10 ശ​ത​മാ​ന​വും സ​ർ​ക്കാ​ർ വ​ക 10 ശ​ത​മാ​ന​വും പെ​ൻ​ഷ​ൻ ഫ​ണ്ടി​ൽ നി​ക്ഷേ​പി​ക്കു​ന്നു. ഉ​റ​പ്പാ​യ പെ​ൻ​​ഷ​നോ ഏ​റ്റ​വും കു​റ​ഞ്ഞ പെ​ൻ​ഷ​നോ നി​ശ്ച​യി​ച്ചി​ട്ടി​ല്ല. വി​ര​മി​ക്ക​ൽ ​പ്രാ​യം 60. വി​ര​മി​ക്കു​മ്പോ​ൾ 60 ശ​ത​മാ​നം തു​ക വ​രെ പി​ൻ​വ​ലി​ക്കാം. ബാ​ക്കി​യു​ള്ള 40 ശ​ത​മാ​നം തു​ക​യി​ൽ​നി​ന്ന്​ ഏ​തു​ത​രം പെ​ൻ​ഷ​ൻ സ്​​കീം വേ​ണ​മെ​ന്ന്​ തെ​ര​ഞ്ഞെ​ടു​ക്കാം. ക്ഷാ​മാ​ശ്വാ​സ​മി​ല്ല. കു​ടും​ബ പെ​ൻ​ഷ​നു​മി​ല്ല.

ഏ​കീ​കൃ​ത പെ​ൻ​ഷ​ൻ പ​ദ്ധ​തി

ജീ​വ​ന​ക്കാ​രു​ടെ വി​ഹി​തം 10 ശ​ത​മാ​നം, സ​ർ​ക്കാ​ർ വി​ഹി​തം 18.5 ശ​ത​മാ​നം. ഏ​റ്റ​വും കു​റ​ഞ്ഞ​ത്​ 10,000 രൂ​പ പെ​ൻ​ഷ​ൻ. ക​മ്യൂ​ട്ടേ​ഷ​ൻ ഇ​ല്ല. എ​ന്നാ​ൽ, ഗ്രാ​റ്റ്വി​റ്റി​ക്ക്​ അ​ർ​ഹ​ത. കു​ടും​ബ പെ​ൻ​ഷ​ൻ 60 ശ​ത​മാ​നം ല​ഭി​ക്കും. വി​ര​മി​ക്ക​ൽ പ്രാ​യം 60. വ​ർ​ഷ​ത്തി​ൽ ര​ണ്ടു​ത​വ​ണ ക്ഷാ​മാ​ശ്വാ​സം. 2004 മു​ത​ൽ പ്രാ​ബ​ല്യം.

പ​ഴ​യ​ത​ല്ല, പ​ങ്കാ​ളി​ത്ത പ​ദ്ധ​തി​യു​ടെ പ​രി​ഷ്ക​രി​ച്ച രൂ​പം

പ​ങ്കാ​ളി​ത്ത പെ​ൻ​ഷ​ൻ പ​ദ്ധ​തി​യു​ടെ പ​രി​ഷ്ക​രി​ച്ച രൂ​പ​മാ​ണ്​ പു​തി​യ ഏ​കീ​കൃ​ത പെ​ൻ​ഷ​ൻ പ​ദ്ധ​തി. പ​ഴ​യ പെ​ൻ​ഷ​ൻ പ​ദ്ധ​തി​യി​ലേ​തു പോ​ലെ ആ​നു​കൂ​ല്യ​ങ്ങ​ൾ പു​തി​യ പ​ദ്ധ​തി​യി​ലി​ല്ല. പ​ങ്കാ​ളി​ത്ത പ​ദ്ധ​തി​യി​ലേ​ത്​ പോ​ലെ ഏ​കീ​കൃ​ത പ​ദ്ധ​തി​യി​ലും പെ​ന്‍ഷ​ന്‍ ഫ​ണ്ടി​ലേ​ക്ക് ജീ​വ​ന​ക്കാ​ര​ന്‍ മാ​സം തോ​റും വി​ഹി​തം ന​ൽ​ക​ണം. ഉ​റ​പ്പു​ള്ള മി​നി​മം പെ​ന്‍ഷ​ന്‍ വാ​ഗ്ദാ​നം ചെ​യ്യു​​​മ്പോ​ഴും അ​ത് 10,000 രൂ​പ​യി​ൽ ചു​രു​ങ്ങി. നി​ല​വി​ല്‍ ന​ല്‍കു​ന്ന മി​നി​മം പെ​ൻ​ഷ​ൻ 9000 രൂ​പ​യാ​ണ്. ജീ​വ​ന​ക്കാ​ര​ന്​ അ​വ​സാ​നം 10 മാ​സം ല​ഭി​ച്ച അ​ടി​സ്ഥാ​ന ശ​മ്പ​ള​ത്തി​ന്റെ ശ​രാ​ശ​രി​യു​ടെ പ​കു​തി​യാ​ണ്​ പ​ഴ​യ പെ​ന്‍ഷ​ന്‍ പ​ദ്ധ​തി പ്ര​കാ​രം ല​ഭി​ക്കു​ന്ന​ത്. എ​ന്നാ​ൽ, അ​വ​സാ​ന 12 മാ​സ​ത്തെ അ​ടി​സ്ഥാ​ന ശ​മ്പ​ള​ത്തി​ന്‍റെ ശ​രാ​ശ​രി​യു​ടെ പ​കു​തി​യാ​ണ്​ ഏ​കീ​കൃ​ത പെ​ൻ​ഷ​നി​ൽ.

ഫ​ല​ത്തി​ൽ വി​ര​മി​ക്കു​ന്ന​തി​ന്റെ അ​വ​സാ​ന മാ​സ​ങ്ങ​ളി​ല്‍ ഉ​യ​ര്‍ന്ന ശ​മ്പ​ള സ്‌​കെ​യി​ലി​ലേ​ക്ക് പ്ര​മോ​ഷ​ൻ ല​ഭി​ച്ച​വ​ർ​ക്ക്​ അ​വ​സാ​നം കി​ട്ടി​യ ശ​മ്പ​ള​ത്തി​ന്റെ 50 ശ​ത​മാ​നം പെ​ൻ​ഷ​നാ​യി കി​ട്ടി​ല്ല. പെ​ന്‍ഷ​ന്‍ തു​ക ക​ണ​ക്കാ​ക്കാ​ന്‍ 12 മാ​സ​ത്തെ ശ​രാ​ശ​രി​യി​ൽ ക​ണ​ക്കാ​ക്കു​ന്ന​തി​നാ​ലാ​ണ്​ ഇ​ത്. കു​റ​ഞ്ഞ​ത്​ 25 വ​ര്‍ഷ​മെ​ങ്കി​ലും സ​ര്‍വി​സ് ഉ​ള്ള​വ​ര്‍ക്കാ​ണ് 50 ശ​ത​മാ​നം പെ​ന്‍ഷ​ന് അ​ര്‍ഹ​ത​യു​ണ്ടാ​വു​ക. ഏ​കീ​കൃ​ത പെ​ന്‍ഷ​ന് പ​ദ്ധ​തി​യി​ലും പ​ണ​പ്പെ​രു​പ്പ സൂ​ചി​ക ബാ​ധ​ക​മാ​കും. അ​ഖി​ലേ​ന്ത്യ ഉ​പ​ഭോ​ക്തൃ വി​ല സൂ​ചി​ക അ​ടി​സ്ഥാ​ന​മാ​ക്കി​യു​ള്ള ക്ഷാ​മാ​ശ്വാ​സം യു.​പി.​എ​സി​ൽ കി​ട്ടും.