നിർമാണത്തിലിരിക്കുന്ന കെട്ടിടത്തിൽ നിന്ന് തെന്നി വീണ്​ തൊഴിലാളി മരിച്ചു

കൊടുങ്ങല്ലൂർ: മതിലകം പള്ളി വളവിൽ നിർമ്മാണത്തിലിരിക്കുന്ന കെട്ടിടത്തിൽ നിന്ന് തെന്നി വീണ നിർമ്മാണ തൊഴിലാളി മരിച്ചു. എറിയാട് പേബസാർ മഞ്ഞളി പള്ളിക്ക് സമീപം പണിക്കശ്ശേരി സുന്ദരേശൻെറ മകൻ പ്രസാദ്(50) ആണ് മരിച്ചത്. 

മതിലകം സ​െൻറ്​ ജോസഫ്​സ്​ ലാറ്റിൻ ചർച്ചിൻെറ കീഴിൽ നിർമിക്കുന്ന ഓഡിറ്റോറിയത്തിൻെറ മുകൾ നിലയിൽ നിന്നാണ്    പ്രസാദ്​ വീണത്. ഉടൻ കൊടുങ്ങല്ലുർ മോഡേൺ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മതിലകം പൊലീസ് തുടർനടപടികൾ സ്വീകരിച്ചു.