അഭിഭാഷകന് ബി.എ ആളൂരിനെതിരെ കോടതിയലക്ഷ്യ ഹരജി
text_fieldsകൊച്ചി: അഭിഭാഷകന് ബി.എ ആളൂരിനെതിരെ കോടതിയലക്ഷ്യ ഹര്ജി. പെരുമ്പാവൂർ ജിഷ വധക്കേസിൽ വിധി പറഞ്ഞ എറണാകുളം പ്രിന്സിപ്പല് സെഷന്സ് ജഡ്ജിക്കെതിരെ ബി.എ ആളൂര് നടത്തിയ പരാമര്ശങ്ങള് കോടതിയലക്ഷ്യമാണെന്ന് ചൂണ്ടിക്കാട്ടിയാണ് ഹരജി. ജിഷ വധക്കേസ് പ്രതി അമീറുല് ഇസ്ലാമിെൻറ അഭിഭാഷകനാണ് ആളൂർ.
ആളൂരിെൻറ പരാമര്ശങ്ങള് ജുഡീഷ്യറിക്ക് മേല് പൊതുസമൂഹത്തിന് വിശ്വാസം നഷ്ടപ്പെടുത്താന് ഇടയാക്കിയെന്ന് ഹരജിയിൽ പറയുന്നു. ’നട്ടെല്ലുള്ള ജഡ്ജിമാര് രാജ്യത്തെവിടെയും ഇല്ല. നട്ടെല്ലില്ലാത്ത കോടതികളാണ് കീഴ്ക്കോടതികള്. അന്വേഷണ ഉദ്യോഗസ്ഥനെയും സര്ക്കാരിനെയും പേടിച്ചാണ് കോടതി വധശിക്ഷ വിധിച്ചത്’- എന്നായിരുന്നു വിധിക്ക് പിന്നാലെ ബി.എ ആളൂരിെൻറ പരാമര്ശം.
വിവാദ പരാമർശത്തിനെതിരെ അഭിഭാഷകനായ എന്.എ ഷെഫീഖ് ആണ് നടപടിയാവശ്യപ്പെട്ട് എറണാകുളം പ്രിന്സിപ്പല് സെഷന്സ് കോടതിയെ സമീപിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.