കോൺഗ്രസിലെ തർക്കം; വണ്ടൂർ മണ്ഡലം കേന്ദ്രീകരിക്കാൻ എ ഗ്രൂപ് നീക്കം

മ​ല​പ്പു​റം: കോ​ൺ​ഗ്ര​സ് മ​ണ്ഡ​ലം പ്ര​സി​ഡ​ന്റ് പ​ട്ടി​ക പു​റ​ത്തു​വ​ന്ന​തോ​ടെ ജി​ല്ല​യി​ൽ രൂ​ക്ഷ​മാ​യ ഗ്രൂ​പ് ത​ർ​ക്കം പു​തി​യ ത​ല​ത്തി​ലേ​ക്ക്. യു.​ഡി.​എ​ഫി​ന്റെ സു​ര​ക്ഷി​ത മ​ണ്ഡ​ല​മാ​യ വ​ണ്ടൂ​ർ കേ​ന്ദ്രീ​ക​രി​ച്ച് ​​ഗ്രൂ​പ് പ്ര​വ​ർ​ത്ത​നം ശ​ക്തി​പ്പെ​ടു​ത്താ​നും പാ​ർ​ട്ടി​യെ പ്ര​തി​രോ​ധ​ത്തി​ലാ​ക്കാ​നു​മാ​ണ് എ ​​ഗ്രൂ​പ്പി​ന്റെ പു​തി​യ നീ​ക്കം. വ​ണ്ടൂ​രി​ൽ നി​യോ​ജ​ക​മ​ണ്ഡ​ലം​ത​ല​ത്തി​ൽ ​എ ​വി​ഭാ​ഗ​ത്തി​​ന്റെ നേ​തൃ​യോ​ഗം ചൊ​വ്വാ​ഴ്ച ന​ട​ന്നു. പ​ഞ്ചാ​യ​ത്ത്, വാ​ർ​ഡ് ത​ല​ങ്ങ​ളി​ൽ യോ​ഗം ചേ​ർ​ന്ന് സ​മ്മ​ർ​ദം ശ​ക്തി​പ്പെ​ടു​ത്താ​നൊ​രു​ങ്ങു​ക​യാ​ണ് എ ​​ഗ്രൂ​പ്. എ.​പി. അ​നി​ൽ​കു​മാ​റി​നെ ല​ക്ഷ്യം​വെ​ച്ചാ​ണ് നീ​ക്കം. തു​ട​ർ​ച്ച​യാ​യി വ​ണ്ടൂ​രി​ൽ​നി​ന്ന് മ​ത്സ​രി​ച്ച് ജ​യി​ക്കു​ന്ന അ​നി​ൽ​കു​മാ​റി​ന് പ​ക​രം സ്ഥാ​നാ​ർ​ഥി​ക​ൾ വേ​ണ​മെ​ന്ന ച​ർ​ച്ച ഉ​യ​ർ​ത്തി​​ക്കൊ​ണ്ടു​വ​ര​ലാ​ണ് ത​ന്ത്ര​ങ്ങ​ളി​ലൊ​ന്ന്. 25 വ​ർ​ഷ​ത്തോ​ള​മാ​യി അ​നി​ൽ​കു​മാ​റാ​ണ് വ​ണ്ടൂ​രി​ൽ മ​ത്സ​രി​ക്കു​ന്ന​ത്. സീ​റ്റ് അ​ടു​ത്ത ത​ല​മു​റ​ക്ക് കൈ​മാ​റ​ണം എ​ന്ന ച​ർ​ച്ച​യാ​ണ് ഉ​യ​രു​ക. ക​ഴി​ഞ്ഞ ത​വ​ണ അ​നി​ൽ​കു​മാ​റി​ന്റെ ഭൂ​രി​പ​ക്ഷം കു​റ​ഞ്ഞ​തും എ ​​ഗ്രൂ​പ് ഉ​യ​ർ​ത്തി​ക്കാ​ട്ടും. ആ​രു മ​ത്സ​രി​ച്ചാ​ലും വ​ണ്ടൂ​രി​ൽ യു.​ഡി.​എ​ഫി​ന് ജ​യി​ക്കാ​നാ​വു​മെ​ന്നാ​ണ് എ ​ഗ്രൂ​പ്പി​ന്റെ വാ​ദം. 1980ലെ ​നി​യ​മ​സ​ഭ തെ​ര​​ഞ്ഞെ​ടു​പ്പി​ൽ അ​ഖി​ലേ​ന്ത്യ ലീ​ഗും ആ​ൻ​റ​ണി കോ​ൺ​ഗ്ര​സും ഒ​രു​മി​ച്ച് ഇ​ട​തു​പ​ക്ഷ​ത്തോ​ടൊ​പ്പം മ​ത്സ​രി​ച്ച കാ​ല​ത്തും കോ​ൺ​ഗ്ര​സി​ലെ എം.​എ. കു​ട്ട​പ്പ​ൻ ജ​യി​ച്ച മ​ണ്ഡ​ല​മാ​ണി​ത്. അ​തേ​സ​മ​യം, 1996ൽ ​കോ​ൺ​ഗ്ര​സ് സ്ഥാ​നാ​ർ​ഥി പ​ന്ത​ളം സു​ധാ​ക​ര​ൻ ഇ​വി​ടെ തോ​റ്റി​ട്ടു​മു​ണ്ട്. 96 ആ​വ​ർ​ത്തി​ക്കു​മെ​ന്ന ഭീ​ഷ​ണി​യാ​ണ് എ ​ഗ്രൂ​പ് മു​ന്നോ​ട്ട് വെ​ക്കു​ന്ന​ത്.

ഇ​ത​ല്ലാ​തെ മ​ണ്ഡ​ലം പ്ര​സി​ഡ​ന്റ് പ​ട്ടി​ക​യി​ൽ ത​ങ്ങ​ൾ​ക്ക് നേ​രി​ട്ട അ​നീ​തി പ​രി​ഹ​രി​ക്കാ​ൻ മ​റ്റു​മാ​ർ​ഗ​ങ്ങ​ളി​ല്ലെ​ന്നാ​ണ് എ ​​ഗ്രൂ​പ് വി​ല​യി​രു​ത്തു​ന്ന​ത്.

ക​ഴി​ഞ്ഞ ദി​വ​സം എ ​​ഗ്രൂ​പി​ലെ ഡി.​സി.​സി ഭാ​ര​വാ​ഹി​ക​ൾ ഉ​ൾ​പ്പെ​ടെ 45 നേ​താ​ക്ക​ളാ​ണ് ക​ണ്ണൂ​രി​ൽ പോ​യി കെ.​പി.​സി.​സി പ്ര​സി​ഡ​ന്റ് കെ. ​സു​ധാ​ക​ര​നെ ക​ണ്ട് പ​രാ​തി പ​റ​ഞ്ഞ​ത്. മ​ല​പ്പു​റ​ത്തെ പ്ര​ശ്നം പ​ഠി​ച്ച് ഒ​രാ​ഴ്ച​ക്ക​കം റി​പ്പോ​ർ​ട്ട് സ​മ​ർ​പ്പി​ക്കാ​ൻ കെ.​പി.​സി.​സി സം​ഘ​ട​ന ചു​മ​ത​ല​യു​ള്ള അ​ഡ്വ. കെ. ​ജ​യ​ന്ത്, മ​ല​പ്പു​റ​ത്തി​ന്റെ ചു​മ​ത​ല​യു​ള്ള ജ​ന​റ​ൽ സെ​ക്ര​ട്ട​റി പി.​എ. സ​ലീം എ​ന്നി​വ​രെ ചു​മ​ത​ല​പ്പെ​ടു​ത്തി​യി​രി​ക്കു​ക​യാ​ണ് സു​ധാ​ക​ര​ൻ. പ​ക്ഷെ ഇ​വ​രു​ടെ റി​പ്പോ​ർ​ട്ടി​ൽ വ​ലി​യ പ്ര​തീ​ക്ഷ വെ​ക്കേ​ണ്ട​തി​ല്ലെ​ന്നാ​ണ് എ ​​ഗ്രൂ​പ് വി​ല​യി​രു​ത്തു​ന്ന​ത്. കേ​ര​ള​ത്തി​ൽ രൂ​പ​പ്പെ​ട്ട കെ.​സി. വേ​ണു​ഗോ​പാ​ൽ പ​ക്ഷ​ത്തി​ന്റെ ആ​ളാ​വാ​ൻ നേ​താ​ക്ക​ൾ മ​ത്സ​രി​ക്കു​ക​യാ​ണ്. ഈ ​സാ​ഹ​ച​ര്യ​ത്തി​ൽ വ​ലി​യ പ്ര​തീ​ക്ഷ വേ​ണ്ടെ​ന്നാ​ണ് എ ​ഗ്രൂ​പ്പി​ന്റെ അ​ഭി​പ്രാ​യം.