ബിനീഷ്​ കോടിയേരിയുടെ പണമിടപാട്​​ സ്​ഥാപനത്തെചൊല്ലിയും വിവാദം

കോഴിക്കോട്​: ബംഗളൂരു മയക്കുമരുന്ന്​ കേസിലെ പ്രതിയുമായുള്ള ബന്ധത്തെചൊല്ലി​ ആരോപണ വിധേയാനായ ബിനീഷ്​ കോടിയേരിയുടെ പണമിടപാട്​ സ്​ഥാപനവും വിവാദത്തിൽ. 2015ൽ ബംഗളൂരുവിൽ ആരംഭിച്ച ബി കാപിറ്റൽ ​ഫോറെക്​സ്​ ട്രേഡിങ്​ മണി എക്​​സ്​ചേഞ്ച്​ സ്​ഥാപനവുമായി ബന്ധപ്പെട്ടാണ്​ പുതിയ ആരോപണം. ബംഗളൂരുവിൽ പിടിയിലായ മയക്കുമരുന്ന്​ സംഘത്തിൻെറ സാമ്പത്തിക ഇടപാടുകൾ ഗോവ കേന്ദ്രീകരിച്ചായിരുന്നുവെന്നും വിദേശികൾ അവരുടെ കറൻസിയിൽ നൽകുന്ന പണം മാറ്റിയെടുക്കാനാണ്​ ബിനീഷ്​ സ്​ഥാപനം തുടങ്ങിയതെന്നുമാണ്​ ആക്ഷേപം.

കമ്പനിയുടെ വാർഷിക റിപ്പോർട്ട്​ ഒരുതവണപോലും നൽകിയിട്ടില്ലെന്നതും ദുരൂഹമാണ്​. മണി എക്​സ്​ചേഞ്ച്​ ലൈസൻസുള്ളയാൾക്ക്​ എത്ര വിദേശ കറൻസി വേണമെങ്കിലും കൈവശം വെക്കാമെന്നത്​ മുൻനിർത്തിയാണ്​​ യൂത്ത്​ ലീഗ്​​ ആരോപണം ഉയർത്തിയത്​. ബി.ജെ.പി ഭരണകാലത്ത്​ സി.പി.എം നേതാവിൻെറ മകന്​ മണിഎക്​സ്​​േചഞ്ച്​ ലൈസൻസ്​ ലഭിച്ചതും സ്​ഥാപനം വഴി ഹവാല ഇടപാട്​ നടന്നോ വിദേശ കറൻസി ​െവളുപ്പിച്ചോ എന്നതടക്കം ചർച്ചയായ​തിനുപിന്നാലെ സംഭവത്തിൽ എൻഫോഴ്​സ്​​െൻറ്​ ഡയറക്​ടറേറ്റ്​ (ഇ.ഡി) അന്വേഷണം ആവശ്യപ്പെട്ട്​ അഡ്വ. കോഷി ജോസഫ്​ സുപ്രീം കോടതിയെ സമീപിച്ചിട്ടുമുണ്ട്​.

അതിനിടെ നയതന്ത്ര ബാഗേജ്​ വഴിയുള്ള സ്വർണക്കടത്തിലും ബിനീഷിനെ പ്രതിരോധത്തിലാക്കി വേറെയും ആരോപണമുയർന്നു. യു.എ.ഇ കോൺസുലേറ്റ്​ വഴി ലഭിച്ച കമീഷൻ തുക നൽകിയത്​ തിരുവനന്തപുരത്തെ യു.എ.എഫ്​.എക്​സ്​ സൊലൂഷൻസ്​ പ്രൈവറ്റ്​ ലിമിറ്റഡാണ്​ എന്നാണ്​ കേസിലെ പ്രതി സ്വപ്​ന സുരേഷി​െൻറ മൊഴി. ഇത്​ ബിനീഷ്​ കോടിയേരിയുടെ ബിനാമി സ്​ഥാപനമാണെന്നാണ്​ പരാതി. 2018 ഏപ്രിൽ 17ന്​ തിരുവനന്തപുരത്ത്​ ആരംഭിച്ച സ്​ഥാപനത്തിൻെറ രേഖകളിലെ ഡയറക്​ടർമാർ അരുൺ വർഗീസ്​, സുജാതൻ സരസ്വതി ​െചല്ലാൻ, തെക്കുവിലയിൽ അമീൺകണ്ണ്​ റാവുത്തർ അബ്​ദുൽ ലത്തീഫ്​ എന്നിവരാണെങ്കിലും ഇത്​ ബിനീഷി​െൻറ ബിനാമി സ്​ഥാപനമാണെന്നാണ്​​ ആരോപണം​