കെ.എസ്.ആർ.ടി.സി ബയോമെട്രിക് പഞ്ചിങ് ഒഴിവാക്കി; ജീവനക്കാർക്ക് മാസ്ക്

തിരുവനന്തപുരം: കേരളത്തിലും കൊറോണ സ്ഥിരീകരിക്കുകയും നിരവധി പേർ നിരീക്ഷണത്തിലും ആയ സാഹചര്യത്തിൽ സുരക്ഷാ നടപടികളുമായി കെ.എസ്.ആർ.ടി.സിയും. ഇനിയൊരു അറിയിപ്പ് ഉണ്ടാകുന്നത് വരെ കെ.എസ്.ആർ.ടി.സി ജീവനക്കാരുടെ ബയോമെട്രിക് പഞ്ചിങ് ഒഴിവാക്കി.

കൂടാതെ, സർവീസ് നടത്തുന്ന ബസുകളിലെ ജീവനക്കാർക്ക് മാസ്ക് നൽകാനും തീരുമാനിച്ചിട്ടുണ്ട്. ഗതാഗത വകുപ്പ് മന്ത്രി എ.കെ ശശീന്ദ്രൻ നടപടികൾക്ക് കെ.എസ്.ആർ.ടി.സി ചെയർമാൻ ആൻഡ് മാനേജിങ് ഡയറക്ടർക്ക് നിർദേശം നൽകി.