കൊറോണ: തൃശൂർ ജില്ലയിലെ സ്​കൂളുകളിൽ പഠനയാത്രക്ക്​ വിലക്കേർപ്പെട​ുത്തി

തിരുവനന്തപുരം: കൊറോണ വൈറസ്​ ബാധയുമായി ബന്ധ​പ്പെട്ട്​ സംസ്ഥാനത്ത്​ ജാഗ്രത തുടരുന്നു. പ്രതിരോധ പ്രവർത്തനങ ്ങളുടെ ഭാഗമായി പഠനയാത്രകൾ ഒഴിവാക്കണമെന്ന്​ ആവശ്യപ്പെട്ട്​ കലക്​ടർ തൃശൂർ ജില്ലയിലെ വിദ്യാഭ്യാസ സ്ഥാപനങ്ങൾക് ക്​ കത്തയച്ചിട്ടുണ്ട്​. കൊറോണ വൈറസ്​ ബാധയുടെ പശ്ചാത്തലത്തിൽ കേരളത്തിലേക്കുള്ള യാത്രകൾ ഒഴിവാക്കണമെന്ന്​ തമിഴ്​നാട്​ ആരോഗ്യമന്ത്രി സംസ്ഥാനത്തിന്​ നിർദേശം നൽകി.

2321 പേർ വീടുകളിലും നൂറ്​ പേർ ആശുപത്രികളിലുമായി സംസ്ഥാനത്ത്​ 2421 പേരാണ്​ നിരീക്ഷണത്തിലുള്ളത്​. 190 സാമ്പിളുകൾ പരിശോധിച്ചതിൽ നൂറ്​ സാമ്പിളുകളും നെഗറ്റീവായിരുന്നു. ചൈനയിൽ നിന്ന്​ തിരിച്ചു വന്നവരുടെ ആരോഗ്യം സംരക്ഷിക്കുക, മരണം ഒഴിവാക്ക​ുക, രോഗം മറ്റുള്ളവരിലേക്ക്​ പടരാതിരിക്കുക എന്നീ മൂന്ന്​ ലക്ഷ്യങ്ങളാണുള്ളതെന്ന്​ ആരോഗ്യ മന്ത്രി കെ.കെ. ശൈലജ പറഞ്ഞു. നിരീക്ഷണത്തിലുള്ളവർ ആരോഗ്യ വകുപ്പിനെ അറിയിക്കാതെ പുറത്തു പോകരുതെന്നും​ ആരോഗ്യ മന്ത്രി അഭ്യർഥിച്ചു.

കൊറോണ സ്ഥിരീകരിച്ച തൃശൂർ, കാസർകോട്​, ആലപ്പുഴ ജില്ലകളിലുള്ളവരുടെ ആരോഗ്യനില തൃപ്​തികരമാണ്​. കൊറോണ വൈറസ്​ ബാധയുമായി ബന്ധപ്പെട്ട്​ വ്യാജ വാർത്തകൾ പ്രചരിപ്പിച്ച ഏഴ്​ പേർക്കെതിരെ കേസ്​ രജിസ്​റ്റർ ചെയ്​തിട്ടുണ്ട്​.