പ്രളയ ദുരന്തം പണംകൊയ്യാനുള്ള വഴിയാക്കി ഉദ്യോഗസ്ഥർ; ധ​ന​സ​ഹാ​യത്തിൽ ക്രമക്കേടി​െൻറ പ്രളയം

സം​സ്ഥാ​നം ഒ​രി​ക്ക​ലും അ​നു​ഭ​വി​ക്കാ​ത്ത പ്ര​ള​യ​മാ​ണ് 2018ലു​ണ്ടാ​യ​ത്. പ്ര​ള​യ ദു​ര​ന്ത​ത്തി​ൽ ഉ​യ​ർ​ന്ന് കേ​ട്ട​ നി​ല​വി​ളി സ​ർ​വ​വും ന​ഷ്​​ട​പ്പെ​ട്ട ജ​ന​ങ്ങ​ളു​ടെ​താ​യി​രു​ന്നു. ജീ​വി​ത​ത്തി​ലെ വെ​ച്ചു​സൂ​ക്ഷി​പ്പു​ക​ളെ​ല്ലാം ഒ​ന്നാ​കെ ​െവ​ള്ള​ത്തി​ലാ​യ​വ​ർ. സ​ർ​ക്കാ​ർ ന​ൽ​കു​ന്ന ന​ഷ്​​ട​പ​രി​ഹാ​ര​ത്തി​ൽ ഒ​തു​ങ്ങു​ന്ന​താ​യി​രു​ന്നി​ല്ല കുതിച്ചെത്തിയ വെള്ളം കവർന്നത്​. എ​ന്നാ​ൽ, ദു​ര​ന്ത​മു​ഖ​ത്ത് നി​ന്ന മ​നു​ഷ്യ​ർ​ക്ക് സ​ർ​ക്കാ​ർ അ​നു​വ​ദി​ച്ച ഫ​ണ്ടു​പോ​ലും ത​ട്ടി​യെ​ടു​ത്ത​വ​ർ ന​മ്മു​ടെ നാ​ട്ടി​ലു​ണ്ട്. പ്ര​ള​യം അ​ട​ക്ക​മു​ള്ള ദു​ര​ന്ത​ങ്ങ​ൾ​പോ​ലും പ​ണം​കൊ​യ്യാ​നു​ള്ള പു​തു​വ​ഴി​യാ​യി ക​ണ്ടെ​ത്തി​യ ഉ​ദ്യോ​ഗ​സ്ഥ​ർ. സർക്കാർ പണം സന്ത്വം അക്കൗണ്ടിലേക്ക്​ ഒഴുക്കിയവർ. 'മാ​ധ്യ​മം' പ​ര​മ്പ​ര ഇ​ന്നു​മു​ത​ൽ...

പ്ര​ള​യ ധ​ന​സ​ഹാ​യ വി​ത​ര​ണ​ത്തി​ൽ കാ​ക്ക​നാ​ട് ക​ല​ക്ട​റേ​റ്റ് കേ​ന്ദ്രീ​ക​രി​ച്ച്​ ന​ട​ന്ന ക്ര​മ​ക്കേ​ടി​നെ​ക്കു​റി​ച്ച് അ​ന്വേ​ഷി​ച്ച​ത് ലാ​ൻ​ഡ് റ​വ​ന്യൂ ജോ​യ​ൻ​റ് ക​മീ​ഷ​ണ​ർ ഡോ. ​എ. കൗ​ശി​ഗ​നാ​ണ്. അ​ദ്ദേ​ഹം സ​ർ​ക്കാ​റി​ന് സ​മ​ർ​പ്പി​ച്ച അ​ന്വേ​ഷ​ണ റി​പ്പോ​ർ​ട്ടി​ൽ ഉ​ദ്യോ​ഗ​സ്ഥ ത​ല​ത്തി​ൽ ന​ട​ന്ന ഗു​രു​ത​ര വീ​ഴ്ച​യു​ടെ​യും കെ​ടു​കാ​ര്യ​സ്ഥ​ത​യു​ടെ​യും ത​ട്ടി​പ്പി​െൻറ​യും വ​ഴി​ക​ൾ ചൂ​ണ്ടി​ക്കാ​ണി​ക്കു​ന്നു​ണ്ട്.

അ​തോ​ടൊ​പ്പം സ​ർ​ക്കാ​ർ ഖ​ജ​നാ​വി​ന് കോ​ടി​ക്ക​ണ​ക്കി​ന് രൂ​പ ന​ഷ്​​ട​പ്പെ​ട്ട​തി​െൻറ ചി​ത്ര​വും അ​ദ്ദേ​ഹം വ്യ​ക്ത​മാ​ക്കു​ന്നു. 2018 ഒ​ക്ടോ​ബ​ർ 26​െൻ​റ സ​ർ​ക്കാ​ർ ഉ​ത്ത​ര​വ് പ്ര​കാ​രം നാ​ല് കാ​റ്റ​ഗ​റി​യി​ൽ​പെ​ട്ട​വ​ർ​ക്ക് ആ​ശ്വാ​സ ധ​ന​സ​ഹാ​യ​മാ​യി വി​ത​ര​ണം ചെ​യ്ത കേ​സു​ക​ളെ സം​ബ​ന്ധി​ച്ചാ​ണ് പ​രി​ശോ​ധ​ന ന​ട​ത്തി​യ​ത്. വി​ത​ര​ണ​ത്തി​ലെ ക്ര​മ​ക്കേ​ടു​ക​ൾ ക​ണ്ടെ​ത്തു​ന്ന​തി​ന് നാ​ല് വി​ധ​ത്തി​ലു​ള്ള ഡാ​റ്റ​ക​ൾ പ​രി​ശോ​ധ​ന​ക്ക്​ വി​ധേ​യ​മാ​ക്കി. ഗു​ണ​ഭോ​ക്താ​ക്ക​ളു​ടെ ലി​സ്​​റ്റി​ൽ അ​ക്കൗ​ണ്ട് ന​മ്പ​ർ അ​ടി​സ്ഥാ​ന​മാ​ക്കി വി​ശ​ക​ല​നം ന​ട​ത്തി.

ക​ല​ക്ട​റേ​റ്റി​ലെ നാ​ഷ​ന​ൽ ഇ​ൻ​ഫ​ർ​മേ​ഷ​ൻ സെൻറ​ർ(​എ​ൻ.​ഐ.​സി) വി​ഭാ​ഗം പ​രി​ഹാ​രം സെ​ല്ലി​ലേ​ക്ക് ന​ൽ​കി​യ ഗു​ണ​ഭോ​ക്താ​ക്ക​ളു​ടെ ലി​സ്​​റ്റ്, ക​ല​ക്ട​റേ​റ്റി​ലെ പ​രി​ഹാ​രം സെ​ൽ വ​ഴി ത​യാ​റാ​ക്കി​യ ബി​ൽ ഇ​ൻ​ഫ​ർ​മേ​ഷ​ൻ ആ​ൻ​ഡ് മാ​നേ​ജ്മെൻറ് സി​സ്​​റ്റം (ബിം​സ്) ലി​സ്​​റ്റ്, ഗു​ണ​ഭോ​ക്താ​ക്ക​ൾ​ക് തു​ക വി​ത​ര​ണം ചെ​യ്ത ട്ര​ഷ​റി​യി​ലെ ഡാ​റ്റ, അ​പ്പീ​ൽ ഡേ​റ്റ എ​ന്നി​വ​യാ​ണ് പ​രി​ശോ​ധ​ന ന​ട​ത്തി​യ​ത്.

ജി​ല്ല​യി​ൽ വ​ള​ൻ​റി​യ​ർ​മാ​രി​ൽ​നി​ന്ന് ഫീ​ൽ​ഡി​ൽ​നി​ന്ന് ശേ​ഖ​രി​ച്ച വി​വ​ര​ങ്ങ​ളു​ടെ അ​ടി​സ്ഥാ​ന​ത്തി​ൽ ക​ല​ക്ട​റേ​റ്റി​ലെ എ​ൻ.​ഐ.​സി വി​ഭാ​ഗ​ത്തി​െൻറ നേ​തൃ​ത്വ​ത്തി​ൽ സോ​ഫ്റ്റ്‌​വെ​യ​റി​ൽ ഗു​ണ​ഭോ​ക്താ​ക്ക​ളു​ടെ വി​വ​ര​ങ്ങ​ൾ ഉ​ൾ​പ്പെ​ടു​ത്തി​യാ​ണ് ലി​സ്​​റ്റ്​ ത​യാ​റാ​ക്കി​ത്. അ​ത് എം.​എ​ക്സ്.​എ​ൽ ഫോ​ർ​മാ​റ്റി​ലാ​ക്കി ക​ല​ക്ട​റേ​റ്റി​ലെ പ​രി​ഹാ​രം സെ​ല്ലി​ലേ​ക്ക് ഇ-​മെ​യി​ലാ​യി അ​യ​ച്ചു. 191 ലി​സ്​​റ്റു​ക​ളാ​ണ് ഇ-​മെ​യി​ൽ വ​ഴി അ​യ​ച്ച​തെ​ന്ന് ഇ​ൻ​ഫ​ർ​മേ​ഷ​ൻ ഓ​ഫി​സ​ർ ജോ​ർ​ജ് ഈ​പ്പ​ൻ മൊ​ഴി ന​ൽ​കി.

ദു​രി​താ​ശ്വാ​സ ധ​ന​സ​ഹാ​യം വി​ത​ര​ണം ക​ല​ക്ട​റേ​റ്റി​ലെ കേ​ന്ദ്രീ​കൃ​ത സം​വി​ധാ​ന​ത്തി​ലൂ​ടെ​യാ​യി​രു​ന്നു. സോ​ഫ്റ്റ് വെ​യ​റി​െൻറ പോ​രാ​യ്മ ചൂ​ഷ​ണം ചെ​യ്ത് ഉ​ദ്യോ​ഗ​സ്ഥ​ർ ക്ര​മ​ക്കേ​ടു​ക​ൾ ന​ട​ത്തി​യെ​ന്നാ​ണ് അ​ന്വേ​ഷ​ണ​ത്തി​ലെ ക​ണ്ടെ​ത്ത​ൽ. 2019ൽ ​ന​ട​ന്ന ലോ​ക്​​സ​ഭ തെ​ര​ഞ്ഞെ​ടു​പ്പി​െൻറ പ്ര​വ​ർ​ത്ത​ന​ങ്ങ​ളി​ൽ ക​ല​ക്ട​ർ​ക്കും സം​ഘ​ത്തി​നും ശ്ര​ദ്ധ കേ​ന്ദ്രീ​ക​രി​ക്കേ​ണ്ടി​വ​ന്ന​പ്പോ​ൾ ധ​ന​സ​ഹാ​യ വി​ത​ര​ണ​ത്തി​ൽ അ​ട്ടി​മ​റി ന​ട​ന്നെ​ന്നാ​ണ് റി​പ്പോ​ർ​ട്ട്.

വി​ഷ്ണു​പ്ര​സാ​ദ്​ ത​ട്ടി​യ​ത്​ 9.65ല​ക്ഷം

പ്ര​ള​യ ദു​രി​താ​ശ്വാ​സ ധ​ന​സ​ഹാ​യ​വി​ത​ര​ണ​വു​മാ​യി ബ​ന്ധ​പ്പെ​ട്ട് ക​ല​ക്​​ട​റേ​റ്റി​ൽ 13 ജീ​വ​ന​ക്കാ​രാ​ണ് പ്ര​വ​ർ​ത്തി​ച്ചി​രു​ന്ന​ത്. അ​തി​ൽ ക്ല​ർ​ക്കാ​യ വി​ഷ്ണു​പ്ര​സാ​ദി​നെ മാ​ത്ര​മാ​ണ് ഈ ​ത​ട്ടി​പ്പി​ൽ കൈ​യോ​ടെ പി​ടി​കൂ​ടി​യ​ത്. 2019 ജ​നു​വ​രി അ​ഞ്ച് മു​ത​ൽ ഏ​പ്രി​ൽ ഒ​ന്ന് വ​രെ​യു​ള്ള കാ​ല​യ​ള​വി​ൽ വി​ഷ്ണു പ്ര​സാ​ദ് വി​വി​ധ ബാ​ങ്കു​ക​ളി​ലെ സ്വ​ന്തം അ​ക്കൗ​ണ്ട് ന​മ്പ​റു​ക​ളി​ലേ​ക്ക് ബിം​സ് (ബി​ൽ ഇ​ൻ​ഫ​ർ​മേ​ഷ​ൻ ആ​ൻ​ഡ് മാ​നേ​ജ്മെൻറ് സി​സ്​​റ്റം) പ​ട്ടി​ക​യി​ൽ വി​ഷ്ണു, വി​ഷ്ണു പ്ര​സാ​ദ് എ​ന്നീ പേ​രു​ക​ൾ ഉ​ൾ​പ്പെ​ടു​ത്തി 9.65ല​ക്ഷം ത​ട്ടി​യെ​ടു​ത്തു.

2019 ജ​നു​വ​രി 24ന് 661 ​ഗു​ണ​ഭോ​ക്താ​ക്ക​ൾ​ക്ക് 10,000 രൂ​പ ക്ര​മ​ത്തി​ൽ വി​ത​ര​ണം ചെ​യ്യാ​ൻ ലി​സ്​​റ്റ്​ ത​യാ​റാ​ക്കി​പ്പോ​ൾ 66,10,000 രൂ​പ​യാ​ണ് വി​ത​ര​ണം ചെ​യ്യേ​ണ്ട​ത്. എ​ന്നാ​ൽ, ചെ​ക്കി​ലെ തു​ക 67,10,000 രൂ​പ​യാ​യി ഉ​യ​ർ​ത്തി. അ​ധി​ക​മാ​യി വ​ന്ന ഒ​രു ല​ക്ഷം രൂ​പ വി​ഷ്ണു​പ്ര​സാ​ദ് ബാ​ങ്ക് അ​ക്കൗ​ണ്ടി​ലേ​ക്ക് മാ​റ്റി. അ​തോ​ടൊ​പ്പം ഗു​ണ​ഭോ​ക്താ​ക്ക​ളു​ടെ എ​ണ്ണം 662 എ​ന്ന് തി​രു​ത്തി.

മ​റ്റൊ​രു ലി​സ്​​റ്റി​ൽ 729 ഗു​ണ​ഭോ​ക്താ​ക്ക​ൾ​ക്ക് 10,000 രൂ​പ ക്ര​മ​ത്തി​ൽ 72,90,000 രൂ​പ ന​ൽ​ക​ണം. ഇ​വി​ടെ​യും ചെ​ക്കി​ലെ തു​ക 74,70,000 എ​ന്നാ​ക്കി. ലി​സ്​​റ്റി​ൽ 635ാം ന​മ്പ​റാ​യി ര​തീ​ഷ് എ​ന്ന പേ​ര് ചേ​ർ​ത്തു. അ​ങ്ങ​നെ ഒ​രു ല​ക്ഷം ത​ട്ടി. 644 ാം ന​മ്പ​റാ​യി സ്വ​ന്തം അ​ക്കൗ​ണ്ടി​ലേ​ക്ക് ഒ​രു ല​ക്ഷം രൂ​പ​യും അ​ന​ധി​കൃ​ത​മാ​യി കൈ​മാ​റി.

1000 ഗു​ണ​ഭോ​ക്താ​ക്ക​ളു​ള്ള ലി​സ്​​റ്റി​ലും ഒ​രു ല​ക്ഷം രൂ​പ ബാ​ങ്ക് അ​ക്കൗ​ണ്ടി​ലേ​ക്ക് മാ​റ്റി. 1.25 ല​ക്ഷം​വീ​തം വി​ത​ര​ണം ചെ​യ്ത 525 ഗു​ണ​ഭോ​ക്താ​ക്ക​ളു​ടെ മ​റ്റൊ​രു ലി​സ്​​റ്റി​ലും വി​ഷ്ണു​വി​െൻറ പേ​ര് ചേ​ർ​ത്തു. അ​ങ്ങ​നെ 1.25 ല​ക്ഷം സ്വ​ന്തം അ​ക്കൗ​ണ്ടി​ലേ​ക്ക് എ​ത്തി​ച്ചു. അ​ന്വേ​ഷ​ണ​ത്തി​ൽ ഈ ​തു​ക​ക​ൾ വി​ഷ്ണു പ്ര​സാ​ദ് സ്വ​ന്തം പേ​രി​ലു​ള്ള അ​ക്കൗ​ണ്ടു​ക​ളി​ലേ​ക്ക് മാ​റ്റി​യ​താ​യി ക​ണ്ടെ​ത്തി.

എ​ൻ.​ഐ.​സി ലി​സ​​റ്റി​ൽ ഉ​ൾ​പ്പെ​ടാ​ത്ത അ​ക്കൗ​ണ്ട് ന​മ്പ​റു​ക​ൾ ബിം​സ് (ബി​ൽ ഇ​ൻ​ഫ​ർ​മേ​ഷ​ൻ ആ​ൻ​ഡ് മാ​നേ​ജ്മെൻറ് സി​സ്​​റ്റം) ലി​സ്​​റ്റി​ൽ ഉ​ൾ​പ്പെ​ടു​ത്തി ത​ട്ടി​യെ​ടു​ത്ത തു​ക തി​രി​ച്ചു​പി​ടി​ക്കു​ന്ന​തി​ന് ക​ല​ക്ട​ർ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് റി​പ്പോ​ർ​ട്ടി​ലെ ശി​പാ​ർ​ശ.

തി​രി​മ​റി ധാ​രാ​ളം ന​ട​ന്നി​ട്ടു​ണ്ടെ​ങ്കി​ലും മ​റ്റ്​ ഉ​ദ്യോ​ഗ​സ്​​ഥ​ർ നേ​രി​ട്ട് പ​ണം ത​ട്ടി​യെ​ടു​ത്ത​തി​ന് തെ​ളി​വു​ക​ൾ ക​ണ്ടെ​ത്താ​നാ​യി​ല്ല. വി​ഷ്ണു​പ്ര​സാ​ദി​ന് സ്വ​ന്തം പേ​രി​ലോ ബി​നാ​മി പേ​രി​ലോ കേ​ര​ള​ത്തി​ലോ സം​സ്ഥാ​ന​ത്തി​ന് പു​റ​ത്തു​ള്ള സ്ഥാ​പ​ന​ങ്ങ​ളി​ലോ ബാ​ങ്ക് അ​ക്കൗ​ണ്ടു​ക​ൾ ഉ​ണ്ടോ​യെ​ന്നും, അ​തി​ലേ​ക്ക് തു​ക വ​ക​മാ​റ്റി​യി​ട്ടു​ണ്ടോ​യെ​ന്ന​ത് സം​ബ​ന്ധി​ച്ച് വി​ശ​ദ​മാ​യി അ​ന്വേ​ഷ​ണം ന​ട​ത്ത​ണ​മെ​ന്നാ​ണ് റി​പ്പോ​ർ​ട്ടി​ലെ ശി​പാ​ർ​ശ.