സി.പി.ഐയിൽ അഴിമതി യുദ്ധം: കാനം രാജേന്ദ്രനെതിരെയും പരാതി

കോ​ഴി​ക്കോ​ട്: പാ​ർ​ട്ടി സ​മ്മേ​ള​ന കാ​ല​യ​ള​വി​ൽ സി.​പി.​ഐ യെ ​ഉ​ല​ച്ച് അ​ഴി​മ​തി ആ​രോ​പ​ണ​ങ്ങ​ൾ. പാ​ർ​ട്ടി സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ൻ ഉ​ൾ​പ്പെ​ടെ​യു​ള്ള​വ​രെ പ്ര​തി​ക്കൂ​ട്ടി​ലാ​ക്കി​യാ​ണ് ആ​രോ​പ​ണ​ങ്ങ​ൾ ഉ​യ​രു​ന്ന​ത്. എ​ൻ​ഫോ​ഴ്സ്മെ​ന്റ് ഡ​യ​റ​ക്ട​റേ​റ്റി​ൽ (ഇ.​ഡി) കാ​നം രാ​ജേ​ന്ദ്ര​നെ​തി​രാ​യി പൊ​തു​പ്ര​വ​ർ​ത്ത​ക​ൻ പ​രാ​തി ന​ൽ​കാ​നി​ട​യാ​യ സാ​ഹ​ച​ര്യ​വും പാ​ല​ക്കാ​ട്, മ​ല​പ്പു​റം ജി​ല്ല​ക​ളി​ലെ ര​ണ്ട് പ്ര​മു​ഖ നേ​താ​ക്ക​ൾ​ക്കെ​തി​രാ​യ ആ​രോ​പ​ണ​ങ്ങ​ളും പാ​ർ​ട്ടി​യി​ൽ ചൂ​ടു​പി​ടി​ച്ച ച​ർ​ച്ച​യാ​ണ്.

വ​യ​നാ​ട്ടി​ലെ മു​ട്ടി​ൽ മ​രം മു​റി​യു​മാ​യി ബ​ന്ധ​പ്പെ​ട്ട് സ​ർ​ക്കാ​ർ ഇ​റ​ക്കി​യ ഉ​ത്ത​ര​വി​ന്റെ മ​റ​വി​ൽ വ​ൻ അ​ഴി​മ​തി ന​ട​ന്ന​താ​യും കോ​ടി​ക​ളു​ടെ ക​ള്ള​പ്പ​ണം ഒ​ഴു​കി​യ​താ​യും ഇ​തി​ന്റെ പ​ശ്ചാ​ത്ത​ല​ത്തി​ൽ കാ​നം രാ​ജേ​ന്ദ്ര​ന്റെ ബ​ന്ധു​ക്ക​ളു​ടെ ബാ​ങ്ക് അ​ക്കൗ​ണ്ടു​ക​ൾ പ​രി​ശോ​ധി​ക്ക​ണ​മെ​ന്നും ആ​വ​ശ്യ​പ്പെ​ട്ട് അ​ഴി​മ​തി വി​രു​ദ്ധ പ്ര​വ​ർ​ത്ത​ക​നാ​യ പി.​ടി. ജോ​ണാ​ണ് ഇ.​ഡി​ക്ക് പ​രാ​തി ന​ൽ​കി​യ​ത്. മ​രം മു​റി വി​വാ​ദം ഉ​ദ്യോ​ഗ​സ്ഥ ത​ല​ത്തി​ൽ വ​ഴി​തി​രി​ച്ചു​വി​ടാ​നാ​യെ​ങ്കി​ലും അ​ഴി​മ​തി ആ​രോ​പ​ണ​ത്തി​ൽ​നി​ന്ന് പാ​ർ​ട്ടി​ക്ക് ര​ക്ഷ​പ്പെ​ടാ​നാ​കി​ല്ലെ​ന്ന് ഒ​രു​വി​ഭാ​ഗം നേ​താ​ക്ക​ൾ ചൂ​ണ്ടി​ക്കാ​ട്ടു​ന്നു.

ഈ ​വി​ഷ​യം പു​ക​യു​ന്ന​തി​നി​ടെ​യാ​ണ് കോ​ഴി​ക്കോ​ട് താ​മ​ര​ശ്ശേ​രി​യി​ൽ കാ​ന്ത​പു​രം അ​ബൂ​ബ​ക്ക​ർ മു​സ്‍ലി​യാ​രു​ടെ നേ​തൃ​ത്വ​ത്തി​ൽ സ്ഥാ​പി​ക്കു​ന്ന നോ​ള​ജ് സി​റ്റി കാ​നം രാ​ജേ​ന്ദ്ര​ൻ സ​ന്ദ​ർ​ശി​ച്ച​തു സം​ബ​ന്ധി​ച്ച വി​വാ​ദം ഉ​യ​ർ​ന്ന​ത്. കോ​ഴി​ക്കോ​ട്ടെ ചി​ല ബ്രാ​ഞ്ച് സ​മ്മേ​ള​ന​ങ്ങ​ളി​ൽ സ​ന്ദ​ർ​ശ​ന​ത്തി​​നെ​തി​രെ രൂ​ക്ഷ വി​മ​ർ​ശ​ന​മാ​ണു​ണ്ടാ​യ​ത്. റ​വ​ന്യൂ വ​കു​പ്പു​മാ​യി ബ​ന്ധ​പ്പെ​ട്ട പ​രാ​തി​ക​ൾ നി​ല​നി​ൽ​ക്കെ വ​കു​പ്പ് കൈ​കാ​ര്യം​ചെ​യ്യു​ന്ന പാ​ർ​ട്ടി​യു​ടെ സെ​ക്ര​ട്ട​റി നോ​ള​ജ് സി​റ്റി സ​ന്ദ​ർ​ശി​ച്ച​തി​ലൂ​ടെ പാ​ർ​ട്ടി പ്ര​തിഛാ​യ​ക്ക് കോ​ട്ടം ത​ട്ടി​യ​താ​യി അം​ഗ​ങ്ങ​ൾ വി​മ​ർ​ശ​ന​മു​യ​ർ​ത്തി.

കാ​ന​ത്തി​​ന്റെ വി​ശ്വ​സ്ത​രാ​യ സി.​പി.​ഐ സം​സ്ഥാ​ന കൗ​ൺ​സി​ൽ അം​ഗ​വും കേ​ര​ള സ്റ്റേ​റ്റ് ആ​ഗ്രോ മെ​ഷി​ന​റി കോ​ർ​​പ​റേ​ഷ​ൻ (കാം​കോ) ചെ​യ​ർ​മാ​നു​മാ​യ സു​രേ​ഷ് രാ​ജ്, മ​ല​പ്പു​റം ജി​ല്ല മു​ൻ സെ​ക്ര​ട്ട​റി​യും ഹൗ​സി​ങ് ബോ​ർ​ഡ് ചെ​യ​ർ​മാ​നു​മാ​യ പി.​പി. സു​നീ​ർ എ​ന്നി​വ​ർ​ക്കെ​തി​രെ അ​ന​ധി​കൃ​ത സ്വ​ത്ത് സ​മ്പാ​ദി​ച്ച​താ​യി വി​ജി​ല​ൻ​സി​ന് പ​രാ​തി ല​ഭി​ച്ചി​ട്ടു​ണ്ട്.

ഭ​ര​ണ​ത്തി​ൽ തി​രു​ത്ത​ൽ ശ​ക്തി​യാ​യി​രു​ന്ന സി.​പി.​ഐ​ക്ക് പ​ല പ്ര​ധാ​ന വി​ഷ​യ​ങ്ങ​ളി​ലും മൗ​നം അ​വ​ലം​ബി​ക്കേ​ണ്ടി വ​ന്ന​തി​നു കാ​ര​ണം അ​ഴി​മ​തി​ക്ക് ത​ല​വെ​ച്ച​താ​ണെ​ന്ന് ഒ​രു​വി​ഭാ​ഗം നേ​താ​ക്ക​ൾ വ്യ​ക്ത​മാ​ക്കു​ന്നു. ജോ​സ് കെ. ​മാ​ണി​യെ മു​ന്ന​ണി​യി​​ലേ​ക്ക് കൊ​ണ്ടു​വ​രു​ന്ന​തി​നെ ആ​ദ്യം എ​തി​ർ​ത്തെ​ങ്കി​ലും പി​ന്നീ​ട് കീ​ഴ​ട​ങ്ങി.

സി.​പി.​ഐ നേ​താ​വ് ഇ. ​ച​ന്ദ്ര​ശേ​ഖ​ര​ൻ നാ​യ​ർ നി​യ​മ മ​ന്ത്രി​യാ​യി​രു​ന്ന​പ്പോ​ൾ കൊ​ണ്ടു​വ​ന്ന ലോ​കാ​യു​ക്ത​യു​ടെ ചി​റ​ക​രി​ഞ്ഞ​പ്പോ​ഴും ഇ​ട​പെ​ടാ​നാ​യി​ല്ല. സി​ൽ​വ​ർ​ലൈ​ൻ പ​ദ്ധ​തി​ക്ക് പാ​ർ​ട്ടി​യി​ലെ ഭൂ​രി​ഭാ​ഗം നേ​താ​ക്ക​ളും പ്ര​വ​ർ​ത്ത​ക​രും എ​തി​രാ​യി​ട്ടും കാ​നം രാ​ജേ​ന്ദ്ര​ൻ അ​നു​കൂ​ലി​ച്ച​തി​നു പി​ന്നി​ലും മു​ഖ്യ​മ​ന്ത്രി​യു​ടെ ഓ​ഫി​സി​ൽ സി.​പി.​ഐ നേ​താ​ക്ക​ളു​ടെ അ​ഴി​മ​തി സം​ബ​ന്ധി​ച്ച് ല​ഭി​ച്ച വി​വ​ര​ങ്ങ​ളാ​ണെ​ന്നും ഒ​രു​വി​ഭാ​ഗം ആ​രോ​പി​ക്കു​ന്നു. സി​വി​ൽ സ​പ്ലൈ​സ് വ​കു​പ്പ് സം​ബ​ന്ധി​ച്ചും ഗു​രു​ത​ര ആ​രോ​പ​ണ​ങ്ങ​ളു​ണ്ട്.