സജി ചെറിയാ​നെതിരായ തടസ്സ ഹരജി കോടതി നാളെ പരിഗണിക്കും

തിരുവല്ല: മുൻമന്ത്രി സജി ചെറിയാൻ നടത്തിയ ഭരണഘടന വിരുദ്ധ പ്രസംഗ കേസിൽ പരാതിക്കാരൻ നൽകിയ തടസ ഹരജി കോടതി നാളെ പരിഗണിക്കും. പരാതിക്കാരനായ കൊച്ചി സ്വദേശിയും അഭിഭാഷകനുമായ ബൈജു നോയൽ തിരുവല്ല കോടതിയിൽ നൽകിയ തടസ ഹരജിയാണ് വ്യാഴാഴ്ചത്തേക്ക് മാറ്റിയത്.

സംഭവത്തിൽ സിബിഐ അന്വേഷണം ആവശ്യപ്പെട്ട് ബൈജു നോയൽ ഹൈകോടതിയെ സമീപിച്ചിരുന്നു. ഇക്കാര്യത്തിൽ ഹൈകോടതിയുടെ തീരുമാനം ഉണ്ടാകും വരെ സജി ചെറിയാനെതിരെ തിരുവല്ല കോടതിയിൽ താൻ നൽകിയ ഹർജി തള്ളരുത് എന്ന് ചൂണ്ടിക്കാട്ടിയാണ് ബൈജു നോയൽ തിരുവല്ല കോടതിയിൽ ഹരജി നൽകിയത്.

സജി ചെറിയാൻ ഇന്ന് വൈകിട്ട് 4 മണിക്ക് മന്ത്രിയായി വീണ്ടും സത്യപ്രതിജ്ഞ ചെയ്യും.