രണ്ടുപേർക്ക് കോവിഡ്​ ബാധിച്ചത്​ സമ്പർക്കത്തിലൂടെ

തിരുവനന്തപുരം: സംസ്​ഥാനത്ത്​ ഇന്ന്​ രോഗം സ്​ഥിരീകരിച്ച ഏഴുപേരിൽ രണ്ടുപേർക്ക്​ രോഗബാധ സമ്പർക്കത്തിലൂടെ. വയനാട് ജില്ലയിലെ രണ്ടുപേർക്കാണ്​ സമ്പർക്കത്തിലൂടെ രോഗം പകർന്നത്​. തൃശൂരിലെയും മലപ്പുറത്തെയും രോഗികൾ ഏഴാം തീയതിയിലെ അബൂദബി- കൊച്ചി വിമാനത്തിലെത്തിയവരാണ്​. 

തമിഴ്​നാട്ടിൽ കോവിഡ് പടർന്നുപിടിച്ച കോയ​േമ്പടിൽനിന്നെത്തിയ ആളാണ്​ ഇന്ന്​ രോഗം സ്​ഥിരീകരിച്ച വയനാട്ടിലെ മൂന്നാ​മത്തെ രോഗി​. എറണാകുളത്ത്​ രോഗം സ്​ഥിരീകരിച്ചത്​ അഞ്ചുവയസുകാരനാണ്​​. നേരത്തേ കോവിഡ്​ സ്​ഥിരീകരിച്ച വ്യക്തിയുടെ മകനാണ്​. 

വയനാട്ടിലെ മൂന്നുരോഗികൾക്കും രോഗലക്ഷണങ്ങളു​ണ്ടായിരുന്നില്ല. സുൽത്താൻ ബത്തേരിക്കടുത്ത്​ ചീരാൽ, മാനന്തവാടി, മീനങ്ങാടി സ്വദേശികൾക്കാണ്​ വയനാട്ടിൽ ഞായറാഴ്​ച രോഗം സ്​ഥിരീകരിച്ചത്​. മൂന്നുപേരും ക്വാറൻറീനിലായിരുന്നു. മറ്റുള്ളവരുമായി സമ്പർക്കം പുലർത്തിയിരുന്നില്ലെന്നും വയനാട്​ ജില്ല ഭരണകൂടം അറിയിച്ചു. 

സംസ്​ഥാനത്ത്​ 20 പേരാണ്​ ഇപ്പോൾ കോവിഡ്​ ബാധിച്ച്​ ചികിത്സയിലുള്ളത്​. ഒരു ഇടവേളക്ക്​ ശേഷമാണ്​ കേരളത്തിൽ ഇത്രയും കേസുകൾ റിപ്പോർട്ട്​ ചെയ്യുന്നത്​.