പെരിന്തൽമണ്ണ ഫയർ സ്​റ്റേഷൻ അടച്ചു;ജില്ല ഫയർ ഓഫിസർ അടക്കം 51 പേർ ക്വാറൻറീനിൽ

മലപ്പുറം: പെരിന്തൽമണ്ണ അഗ്​നി ശമന സേന വിഭാഗത്തിലെ ജീവനക്കാരന്​ കോവിഡ്​ സ്​രീകരിച്ചതോടെ പെരിന്തൽമണ്ണ ഫയർ സ്​റ്റേഷൻ താൽക്കാലികമായി അടച്ചു. ജില്ല ഫയർ ഓഫിസർ അടക്കം 51 പേർ ക്വാറൻറീനിൽ പ്രവേശിച്ചു. ക്വാറൻറീനിൽ പോയ മുഴുവൻ ഉദ്യോഗസ്​ഥരുടെയും സ്രവങ്ങൾ ശനിയാഴ്​ച തന്നെ​ പരിശോധനക്കയച്ചു. മഞ്ചേരി മെഡിക്കൽ കോളജിൽ നിന്നാണ്​​ സാമ്പിളുകൾ എടുത്തത്​.

 പെരിന്തൽമണ്ണ സ്​റ്റേഷനിലേക്ക്​ വരുന്ന കോളുകളും മറ്റും മലപ്പുറം, മണ്ണാർക്കാട്​ സ്​​റ്റേഷനുകൾ കൈകാര്യം ചെയ്യുമെന്നും​ പരിശോധന ഫലം നെഗറ്റീവാകുന്ന മുറക്ക്​ ഉദ്യോഗസ്​ഥർ തിരിച്ച്​ ജോലിയിൽ പ്രവേശിക്കുമെന്നും ജില്ല ഫയർ ഓഫിസർ മൂസ വടക്കേതിൽ അറിയിച്ചു. വെള്ളിയാഴ്​ച കോവിഡ്​ സ്​ഥിരീകരിച്ച ഉദ്യോഗസ്​ഥൻ ജൂൺ അഞ്ചിന്​ മലപ്പുറത്ത്​ ജില്ല ഫയർ ഓഫിസർ വിളിച്ചു ചേർത്ത യോഗത്തിൽ പ​ങ്കെടുത്തിരുന്നു.

ജില്ലയിലെ ഏഴ്​ സ്​റ്റേഷനുകളിലെ ഫയർ ഓഫിസർമാരും രണ്ട്​​ അഡീഷണൽ ഓഫിസർമാരും ഇതിൽ പ​ങ്കെടുത്തിരുന്നു. ഇവരെല്ലാം ക്വാറൻറീനി​ലാണ്​. ഇതിന്​ പുറമെ പെരിന്തൽമണ്ണ സ്​റ്റേഷനിലെ 31 ജീവനക്കാരും 10 സിവിൽ ഡിഫൻസ്​ വളൻറിയേ​ഴ്​സും ക്വാറൻറീനിൽ പ്രവേശിച്ചു. പെരിന്തൽമണ്ണയിൽ കോവിഡ്​ സ്​ഥിരീകരിച്ച ഉദ്യോഗസ്​ഥന്​ എവിടെ നിന്നാണ്​ വൈറസ്​ ബാധ ഏറ്റതെന്ന്​ വ്യക്​തമല്ല. ജൂൺ ഒന്നിന്​ ഇതര സംസ്​ഥാനത്തു നിന്ന്​ ബസിൽ വന്നവരെ പെരിന്തൽമണ്ണയിലെ കൊറോണ കെയർ സ​െൻററിലേക്ക്​ മാറ്റുന്നതിനും അണുമുക്​തമാക്കുന്നതിനും നേതൃത്വം കൊടുത്ത സംഘത്തിൽ ഇദ്ദേഹവും പ​ങ്കെടുത്തിരുന്നു. എന്നാൽ സംഘത്തിലുണ്ടായിരുന്ന മറ്റുള്ളവർക്ക്​ വൈറസ്​ ബാധയില്ല.