കോവിഡ് കേരളത്തിലെ​ കുട്ടികളോട്​ കാട്ടിയത്​ കുട്ടിക്കളിയല്ല

തിരുവനന്തപുരം: 10 മാസത്തിനിടെ സംസ്​ഥാനത്ത്​ കോവിഡ്​ പിടിയിലായത്​ പത്ത്​ വയസ്സിന്​ താഴെയുള്ള 59,882 കുഞ്ഞുങ്ങൾ. ഇൗ പ്രായപരിധിയിലെ ആറ്​ കുഞ്ഞുങ്ങൾ ​കോവിഡ്​ മൂലം മരിച്ചതായി ആരോഗ്യവകുപ്പ്​. 11^20 പ്രായപരിധിയിലെ 77,760 പേർക്കും രോഗം സ്​ഥിരീകരിച്ചു.

മരണം ഒമ്പത്​​. രക്ഷിതാക്കളിൽ നിന്നാണ്​ അധികം പേർക്കും രോഗം പകർന്നത്​. ആശുപത്രികളിൽനിന്ന്​ വൈറസ്​ ബാധയേറ്റവരും ഉറവിടമറിയാത്തവരും ലക്ഷണങ്ങൾ പ്രകടമാകാതെ രോഗം​ വന്ന്​ പോയവരും ​കൂട്ടത്തിലുണ്ട്.മുതിര്‍ന്നവരെ അപേക്ഷിച്ച്​ കുഞ്ഞുങ്ങളിലെ ​വൈറസ്​ ബാധ തീവ്രമാകാത്തതിനാൽ അധികമാരും ഗൗരവത്തിലെടുക്കാറില്ല. വൈറസ് ശരീരത്തില്‍ പ്രവേശിച്ച് 2-14 ദിവസത്തിനകം ലക്ഷണങ്ങള്‍ അരംഭിക്ക​ുമെങ്കിലും ഗുരുതരമാകൽ​ വിരളമാണ്​. അതേസമയം, കോവിഡ്​ ബാധിതരാകുന്ന കുഞ്ഞുങ്ങൾക്ക്​ തുടർരോഗാവസ്​ഥ റിപ്പോർട്ട്​ ചെയ്​തിട്ടുണ്ട്​.

ശ്വാസകോശത്തിന്​ പുറമേ രക്തക്കുഴലുക​െളയും ​ബാധിച്ചിട്ടുണ്ട്​. ഇത്​ വിവിധ അവയവങ്ങളിലേക്കുള്ള രക്ത ഓട്ടത്തെ ബാധിക്കുന്നതാണ്​ തുടർ രോഗങ്ങൾക്ക്​ ഇടയാക്കുന്നത്​. കോവിഡ്​ ഭേദമായശേഷം നാലാഴ്​ച വരെയാണ്​ സാധാരണ ലക്ഷണങ്ങൾ പ്രകടമാകു​ന്നതെങ്കിലും ദീർഘമായ ഇളവേളക്ക്​ ​ശേഷവും രോഗമുണ്ടാകാം. പനി, മൂത്രത്തി​െൻറ അളവ്​ കുറവ്​, കടുത്ത ക്ഷീണം, കൈകളിലും മറ്റും വീക്കം, ഛർദി, നടക്ക​ു​

േമ്പാഴുള്ള ശ്വാസംമുട്ട്​ എന്നിവയാണ്​ പ്രധാന ​ലക്ഷണങ്ങൾ. ഹൃദയത്തിന്​ പോഷണം നൽകുന്ന രക്തക്കുഴലുകളെ ബാധിക്കുന്നവ സമയബന്ധിതമായി ചികിത്സിച്ചി​െല്ലങ്കിൽ അപകടകരമാകുമെന്നാണ്​ ആരോഗ്യവിദഗ്​ധരുടെ വിലയിരുത്തൽ. ഹ​ൃദയത്തിന്​ പുറമേ വൃക്ക, ദഹനേ​ന്ദ്രിയങ്ങൾ, കണ്ണ്​, ചർമം എന്നിവയെയും ബാധിക്കാം. 21^30 പ്രായപരിധിയിലെ 1,57,730 പേർക്കും (മരണം-35) 31നും 40നും മധ്യേയുള്ളവരിൽ 146780 (മരണം-77) പേർക്കുമാണ്​ ഇതിനോടകം കോവിഡ്​ സ്​ഥിരീകരിച്ചത്​. ഇതോടൊപ്പം 91^100 പ്രായപരിധിയിലെ 1804 പേർക്കും 100 വയസ്സിന്​ മുകളിലെ 29 പേർക്കും രോഗം പിടിപെട്ടിട്ടുണ്ട്​.