എറണാകുളത്ത്​ സ്​ഥിതി സങ്കീർണം; ആലുവയിൽ ഉറവിടമറിയാത്ത​ കോവിഡ്​ കേസുകൾ കൂടുന്നു

കൊച്ചി: സമ്പർക്കത്തിലൂടെ കൂടുതൽ ​കോവിഡ്​ കേസുകൾ വർധിച്ച സാഹചര്യത്തിൽ എറണാകുളത്ത്​ സ്​ഥിതി സങ്കീർണമെന്ന്​ വിലയിരുത്തൽ. സമ്പർക്കത്തിലൂടെ രോഗം ബാധിച്ച കേസുകളിൽ ഉറവിടമറിയാൻ സാധിക്കാത്തത്​ ആശങ്ക വർധിപ്പിക്കുന്നു. നിലവിൽ ആലുവ കേന്ദ്രീകരിച്ചാണ്​ ജില്ലയിലെ രോഗവ്യാപനം. ആലുവയിൽ മാധ്യമപ്രവർത്തകന്​ ഉൾപ്പെടെ രോഗം ബാധിച്ചത്​ എങ്ങനെയാണെന്ന കാര്യത്തിൽ വ്യക്തതയില്ല. 

ആലുവ മാർക്കറ്റിലെ ചുമട്ടുതൊഴിലാളിക്കും ഭാര്യക്കും നേരത്തേ കോവിഡ്​ സ്​ഥിരീകരിച്ചിരുന്നു. ചൂർണിക്കര സ്വദേശികളായ ഇവർക്ക്​ രോഗം സ്​ഥിരീകരിച്ചത് സമൂഹവ്യാപന ഭീഷണി നിലനിൽക്കുന്നതിനിടെയായതും ആശങ്ക ഉയർത്തുന്നു.
 ​ 
നേരത്തേ എറണാകുളം മാർക്കറ്റിൽ രോഗം സ്​ഥിരീകരിച്ചെങ്കിലും ഫലപ്രദമായ നിയ​ന്ത്രണങ്ങളിലൂടെ രോഗവ്യാപനം കുറക്കാൻ സാധിച്ചിരുന്നു. ആലുവയിൽ രോഗബാധിതരുടെ എണ്ണം കൂടുന്ന സാഹചര്യത്തിൽ നഗരത്തിൽ ആരോഗ്യവകുപ്പിൻെറയും പൊലീസിൻെറയും പരിശോധന കർശനമാക്കി. ജില്ലയിലെ പ്രധാന കേന്ദ്രങ്ങളിൽ മുതിർന്ന പൊലീസ്​ ഉദ്യോഗസ്​ഥർ നേരി​ട്ടെത്തിയാണ്​ പരിശോധന. 

സമ്പർക്കത്തിലൂടെ രോഗം ബാധിച്ചവരുടെ എണ്ണം കൂടിയ സാഹചര്യത്തിൽ അഞ്ചു പ്രദേശങ്ങളെകൂടി കണ്ടെയ്​ൻമ​െൻറ്​ സോണാക്കി പ്രഖ്യാപിച്ചു. മുളവുകാട്​, കീഴ്​മാട്​, ആലങ്ങാട്​, ചൂർണിക്കര, ചെല്ലാനം എന്നീ പഞ്ചായത്തുകളിലെ ഓരോ വാർഡുകൾ വീതമാണ്​ കണ്ടെയ്​ൻമ​െൻറ്​ സോണാക്കിയത്​. 

എറണാകുളത്ത്​ 21 പേർക്കാണ്​ ചൊവ്വാഴ്​ച രോഗം സ്​ഥിരീകരിച്ചത്​.  ഇതോടെ ജില്ലയിൽ കോവിഡ്​ ബാധിച്ച്​ ചികിത്സയിൽ കഴിയുന്നവരുടെ എണ്ണം 213 ആയി.