സംസ്​ഥാനത്ത് 2710​ പേർക്ക് കൂടി​ കോവിഡ്​; 6567 പേർക്ക് രോഗമുക്​തി, മരണം 19

തിരുവനന്തപുരം: സംസ്​ഥാനത്ത്​ തിങ്കളാഴ്​ച 2710 പേർക്ക്​ കോവിഡ്​ സ്​ഥിരീകരിച്ചതായി മുഖ്യമന്ത്രി പിണറായി വിജയൻ അറിയിച്ചു. 6567 പേർ രോഗമുക്​തി നേടി. 19 പേരുടെ മരണം കോവിഡ് മൂലമാണെന്ന് സ്ഥിരീകരിച്ചു.

2347 പേർക്ക്​ സമ്പർക്കം മൂലമാണ്​ രോഗം ബാധിച്ചത്​. ഇതിൽ 39 പേർ ആ​േരാഗ്യപ്രവർത്തകരാണ്​. 269 പേരുടെ ഉറവിടം വ്യക്​തമല്ല. 55 പേർ സംസ്​ഥാനത്തുനിന്ന്​ പുറത്തുനിന്ന്​ വന്നവരാണ്​. 25,141 സാമ്പിളുകളാണ്​ 24 മണിക്കൂറിനിടെ പരിശോധന നടത്തിയത്​. ടെസ്​റ്റ്​ പോസിറ്റിവിറ്റി നിരക്ക്​ 10.78 ശതമാനമാണ്​. 70,925 പേർ നിലവിൽ ചികിത്സയിലുണ്ട്​.

ജില്ല തിരിച്ചുള്ള കണക്ക്​: മലപ്പുറം 496, കോഴിക്കോട്​ 402, എറണാകുളം 279, തൃശൂർ 228, ആലപ്പുഴ 226, തിരുവനന്തപുരം 204, കൊല്ലം 191, പാലക്കാട്​ 185, കോട്ടയം 165, കണ്ണൂർ 110, ഇടുക്കി 83, കാസർകോട്​ 64, പത്തനംതിട്ട 40, വയനാട്​ 37.

സംസ്​ഥാനത്ത്​ പുതുതായി കോവിഡ്​ ബാധിക്കുന്നവരുടെ എണ്ണം കുറയുകയാണെന്ന്​ മുഖ്യമന്ത്രി പറഞ്ഞു​. ടെസ്​റ്റുകളുടെ എണ്ണത്തിലും വ്യത്യാസമുണ്ട്​. ഓരോ ദിവസവും ഓരോ ജില്ലയിലും കണക്കുകളിൽ വ്യത്യാസം വരുന്നു​. അതിനാൽ തന്നെ ഓരോ ആഴ്​ചയിലും പുതുതായി എത്ര കോവിഡ്​ രോഗികൾ ഉണ്ടായി, എത്രപേർ രോഗവിമുക്​തി നേടി എന്ന കണക്കുകളാണ്​ കോവിഡ്​ വ്യാപനത്തി​െൻറ തോത്​ ശാസ്​ത്രീയമായി മനസ്സിലാക്കാൻ പരിഗണിക്കുന്നത്​.

ഒക്​ടോബർ 17 മുതൽ നോക്കു​േമ്പാൾ ഓരോ ആഴ്​ചയിലും തൊട്ടുമു​ന്ന​ത്തേതിനേക്കാൾ കുറഞ്ഞുവരുന്നുണ്ട്​. നേരത്തെ ഒരു ലക്ഷത്തിന്​ അടുത്ത്​ വരെ രോഗികൾ ചികിത്സയിലുണ്ടായിരുന്നു. എന്നാൽ, നിലവിൽ 75,000 ആളുകൾ ചികിത്സയിൽ കഴിയുന്ന രീതിയിൽ രോഗികളുടെ എണ്ണം കുറഞ്ഞിരിക്കുന്നു.

ഗുരുതര രോഗാവസ്​ഥയിലുള്ളവരുടെ കണക്കും കുറഞ്ഞുവരികയാണ്​. അതേസമയം, ജനങ്ങളുടെ ജാഗ്രതയിൽ വിട്ടുവീഴ്​ച ഉണ്ടാവരുത്​. സംസ്​ഥാനത്തി​െൻറ ജാഗ്രതയും പ്രയത്​നവുമാണ്​ രോഗവ്യാപനം കുറച്ചത്​. രോഗികളുടെ എണ്ണം വർധിച്ചിരുന്നെങ്കിലും മരണനിരക്ക്​ പിടിച്ചുനിർത്താനായി. സംസ്​ഥാനത്ത്​ യൂറോപ്പിലേത്​ പോലെ രണ്ടാം തരംഗവും മൂന്നാം തരംഗവും ഉണ്ടാകാൻ സാധ്യതയുണ്ട്​. അതിനാൽ തന്നെ തെരഞ്ഞെടുപ്പ്​ സമയത്ത്​​ പ്രത്യേക ജാഗ്രത പാലിക്കണമെന്നും മുഖ്യമന്ത്രി നിർദേശിച്ചു.