കോവിഡ്​ ചികിത്സയിലിരുന്ന കോതമംഗലം സ്വദേശി മരിച്ചു

കൊച്ചി: കോവിഡ് പോസിറ്റീവായി എറണാകുളം മെഡിക്കൽ കോളജ്​ ആശുപത്രിയിൽ ചികിത്സയിലായിരുന്നയാൾ മരിച്ചു. കോതമംഗലം തോണിക്കുന്നേൽ ടി.വി. മത്തായി (67) ആണ്​ മരിച്ചത്​.

മരണം കോവിഡ് കാരണമാണോയെന്ന്​ സ്ഥിരീകരിക്കാൻ സ്രവം ആലപ്പുഴ എൻ.ഐ.വി ലാബിലേക്കയച്ചു. ഇദ്ദേഹത്തിന്​ ഹൃദ്രോഗവും രക്തസമ്മർദ്ദവും പ്രമേഹവും വൃക്കരോഗവും ഉണ്ടായിരുന്നു.