വൃക്കരോഗ ചികിത്സക്കെത്തി കോവിഡ് സ്ഥിരീകരിച്ച യുവതി ആശുപത്രിവിട്ടു 

ആ​ലു​വ: ഗു​രു​ത​ര വൃ​ക്ക രോ​ഗ​ത്തെ​തു​ട​ർ​ന്ന് ചെ​ന്നൈ​യി​ൽ​നി​ന്ന് രാ​ജ​ഗി​രി ആ​ശു​പ​ത്രി​യി​ൽ ചി​കി​ത്സ​ക്കെ​ത്തി കോ​വി​ഡ് സ്ഥി​രീ​ക​രി​ച്ച യു​വ​തി ആ​ശു​പ​ത്രി വി​ട്ടു. ഈ ​മാ​സം ആ​റി​നാ​ണ് വൃ​ക്ക​രോ​ഗം മൂ​ർ​ച്ഛി​ച്ച​തി​നെ​ത്തു​ട​ർ​ന്ന് ചെ​ന്നൈ​യി​ൽ​നി​ന്ന് യു​വ​തി​യും കു​ടും​ബ​വും രാ​ജ​ഗി​രി ആ​ശു​പ​ത്രി​യി​ലെ​ത്തി​യ​ത്.

കോ​വി​ഡ്​ ല​ക്ഷ​ണ​ങ്ങ​ൾ കാ​ണി​ച്ചി​രു​ന്നി​ല്ലെ​ങ്കി​ലും രോ​ഗി​യു​ടെ സ്ര​വം പ​രി​ശോ​ധ​ന​ക്ക് അ​യ​ക്കു​ക​യാ​യി​രു​ന്നു. ഏ​റ്റ​വും സ​ങ്കീ​ർ​ണ​മാ​യ ആ​ദ്യ 72 മ​ണി​ക്കൂ​റി​ൽ പ്ര​ത്യേ​കം സ​ജ്ജീ​ക​രി​ച്ച ക​വ​ചി​ത ഐ.​സി.​യു​വി​ൽ രോ​ഗി​യെ പ​രി​ച​രി​ച്ച​ത് പ്ര​ത്യേ​ക സം​ഘ​മാ​യി​രു​ന്നു. 

രാ​ജ​ഗി​രി ക്രി​റ്റി​ക്ക​ൽ കെ​യ​ർ വി​ഭാ​ഗം ത​ല​വ​ൻ ഡോ. ​ജേ​ക്ക​ബ് വ​ർ​ഗീ​സ്, പ​ൾ​മ​ണോ​ള​ജി വി​ഭാ​ഗം ത​ല​വ​ൻ ഡോ. ​വി. രാ​ജേ​ഷ്, മെ​ഡി​സി​ൻ വി​ഭാ​ഗ​ത്തി​ലെ ഡോ. ​ര​ഞ്ജി ജോ​സ്, ഇ​ൻ​ഫെ​ക്​​ഷ​ൻ ക​ൺ​ട്രോ​ൾ വി​ഭാ​ഗ​ത്തി​ലെ ഡോ. ​നീ​തു സൂ​സ​ൻ ഫി​ലി​പ്പ്, എ​പ്പി​ഡെ​മി​യോ​ള​ജി വി​ഭാ​ഗ​ത്തി​ലെ ഡോ. ​സൂ​സ​ൻ ജോ​ൺ, നെ​ഫ്രോ​ള​ജി വി​ഭാ​ഗ​ത്തി​ലെ ഡോ. ​സ്നേ​ഹ സൈ​മ​ൺ എ​ന്നി​വ​രും ചി​കി​ത്സ​ക്ക് നേ​തൃ​ത്വം ന​ൽ​കി. ഇ​തി​നി​ട​യി​ൽ രോ​ഗി​ക്ക് കോ​വി​ഡ് പോ​സി​റ്റി​വാ​ണെ​ന്ന റി​സ​ൽ​ട്ടും വ​ന്നു. 

ലോ​ക​ത്ത് കോ​വി​ഡ് വ്യാ​പ​നം തു​ട​ങ്ങി​യ സ​മ​യ​ത്തു​ത​ന്നെ രാ​ജ​ഗി​രി ആ​ശു​പ​ത്രി​യി​ൽ എ​ല്ലാ മു​ൻ​ക​രു​ത​ലു​ക​ളും എ​ടു​ത്തി​രു​ന്നു.  23ാം തീ​യ​തി അ​യ​ച്ച ഫ​ല​വും നെ​ഗ​റ്റി​വാ​യ​തോ​ടെ രോ​ഗി​യെ റൂ​മി​ലേ​ക്ക് മാ​റ്റാ​നും സാ​ധി​ച്ചു. 20 ദി​വ​സ​ത്തി​നു​ള്ളി​ൽ പ​ത്തു​പ്രാ​വ​ശ്യം ഡ​യാ​ലി​സി​സി​ന് വി​ധേ​യ​രാ​യ രോ​ഗി ക​ഴി​ഞ്ഞ ദി​വ​സം വീ​ട്ടി​ലേ​ക്ക് മ​ട​ങ്ങി.