കോവിഡ്​ രോഗികൾക്ക്​ പോളിങ്​ ബൂത്തിൽ നേരി​ട്ടെത്തി വോട്ട്​ ചെയ്യാം

തിരുവനന്തപുരം: കോവിഡ്​ രോഗികൾക്ക്​ വോട്ട്​ ചെയ്യാനുള്ള നിയമമായി. ഇതുമായി ബന്ധപ്പെട്ട്​ സർക്കാർ വിജ്ഞാപനം പുറത്തിറക്കി.

കോവിഡ്​ രോഗികൾക്ക്​ പോളിങ്​ബൂത്തുകളിൽ നേ​രി​ട്ടെത്തി വോട്ട്​ ചെയ്യാൻ സാധിക്കും. അവസാന ഒരു മണിക്കൂറാണ്​ കോവിഡ്​ രോഗികൾക്കും നിരീക്ഷണത്തിലുള്ളവർക്കും വോട്ട്​ ചെയ്യാനാവുക. പോസ്​റ്റൽ വോട്ടിനുള്ള സൗകര്യം ഒരുക്കുമെന്നും സർക്കാർ അറിയിച്ചിട്ടുണ്ട്​.

കേരളത്തിൽ മൂന്ന്​ ഘട്ടങ്ങളിലായാണ്​ തദ്ദേശസ്വയംഭരണ തെരഞ്ഞെടുപ്പ്​ നടക്കുന്നത്​. ഡിസംബർ 8, 10, 14 എന്നീ തീയതികളിലായി മൂന്ന്​ ഘട്ടങ്ങളിലായാണ്​ തെരഞ്ഞെടുപ്പ്​ നടക്കുക. ഡിസംബർ 16നാണ്​ വോ​ട്ടെണ്ണൽ.