![പിടിവിട്ട് കോവിഡ്; സംസ്ഥാനത്ത് 5376 പേർക്ക് കൂടി രോഗം, സമ്പർക്കം 4424 പിടിവിട്ട് കോവിഡ്; സംസ്ഥാനത്ത് 5376 പേർക്ക് കൂടി രോഗം, സമ്പർക്കം 4424](https://www.madhyamam.com/h-upload/2020/09/23/698515-covid-19-23920223.webp)
പിടിവിട്ട് കോവിഡ്; സംസ്ഥാനത്ത് 5376 പേർക്ക് കൂടി രോഗം, സമ്പർക്കം 4424
text_fieldsതിരുവനന്തപുരം: സംസ്ഥാനത്ത് ഇന്ന് ഏറ്റവും കൂടുതൽ കോവിഡ് രോഗികൾ. 5376 പേർക്കാണ് ബുധനാഴ്ച കോവിഡ് സ്ഥിരീകരിച്ചത്. മരണവും ഒരു ദിവസത്തെ ഏറ്റവും ഉയർന്ന കണക്കിലെത്തി.
20 പേരാണ് കോവിഡ് ബാധിച്ച് മരിച്ചതായി ഇന്ന് സ്ഥിരീകരിച്ചത്. 4424 പേർക്ക് സമ്പർക്കത്തിലൂടെയാണ് രോഗം. 2591 പേർ രോഗ മുക്തരായി. 42786 പേർ നിലവിൽ ചികിത്സയിലുണ്ട്. ഉറവിടം അറിയാത്ത 640 കേസുകൾ ഇന്നുണ്ട്.രോഗ ബാധ സ്ഥിരീകരിച്ചവരിൽ 99 പേർ ആരോഗ്യപ്രവർത്തകരാണ്. കഴിഞ്ഞ 24 മണിക്കൂറിൽ 51200 സാമ്പികളുകൾ പരിശോധന നടത്തി. ഇതുവരെ 1,04,682 പേർ രോഗമുക്തി നേടിയിട്ടുണ്ട്. എല്ലാതരത്തിലും ആശങ്കയുളവാക്കുന്ന വർധനവാണ് ഉണ്ടായിരിക്കുന്നതെന്ന് മുഖ്യമന്ത്രി പറഞ്ഞു.
തിരുവനന്തപുരം ജില്ലയുടെ അവസ്ഥ ഗുരുതരമായി തുടരുകയാണ്. പോസറ്റീവ് ആവുന്നവരിൽ പത്തുവയസിനു താഴെയുള്ള കുട്ടികളും 60 വയസിനു മുകളിലുള്ളവരും കൂടിവരികയാണെന്നും മുഖ്യമന്ത്രി പറഞ്ഞു. ഉറവിടം വ്യക്തമല്ലാത്തവരുടെ എണ്ണവും വർധിക്കുകയാണ്. 852 പേരുടെ ഉറവിടം വ്യക്തമല്ല.
രോഗം സ്ഥിരീകരിച്ചവർ (ജില്ല തിരിച്ചുള്ള കണക്ക്)
തിരുവനന്തപുരം- 852
എറണാകുളം- 624
മലപ്പുറം- 512
കോഴിക്കോട്- 504
കൊല്ലം- 503
ആലപ്പുഴ- 501
തൃശൂര്- 478,
കണ്ണൂര് 365,
പാലക്കാട്- 278
കോട്ടയം- 262
പത്തനംതിട്ട- 223
കാസര്ഗോഡ്- 136
ഇടുക്കി- 79,
വയനാട്- 59
ലക്ഷണമില്ലാത്തവർ വീടുകളിൽ കഴിയണം
ലക്ഷണമില്ലാത്ത കോവിഡ് രോഗികൾക്ക് വീട്ടിൽ കഴിയാമെന്ന് ആരോഗ്യവകുപ്പ് അറിയിച്ചിരുന്നു. എന്നാൽ, സൗകര്യമുള്ളവർ പോലും അതിന് തയാറാവുന്നില്ല. തെറ്റിദ്ധാരണയും അനാവശ്യ ഭീതിയുമാണ് ഇതിന് കാരണമാവുന്നത്. ക്വാറൻറീനിനെപ്പോലെ ആരോഗ്യപ്രവർത്തകരുടെ നിർദേശങ്ങൾ പാലിച്ച് അവർക്ക് വീട്ടിൽ കഴിയാവുന്നതാണ്. രോഗ ലക്ഷണമില്ലാത്തവരോടും ആശുപത്രിയിൽ പോവാൻ നാട്ടുകാരും കുടുംബാംഗങ്ങളും നിർബന്ധിക്കുന്നതായും ശ്രദ്ധയിൽ പെട്ടിട്ടുണ്ട്. അതു ശരിയായ രീതിയല്ല. വീട്ടിൽ തന്നെ കഴിയുന്നത് രോഗിയുടെ മാനസിക സമ്മർദ്ദം കുറക്കാൻ സാധിക്കുമെന്ന് എല്ലാവരും മനസിലാക്കണമെന്നും മുഖ്യമന്ത്രി പറഞ്ഞു.
കോവിഡ് ബാധിച്ച് മരിച്ചവർ
ആഗസ്റ്റ് 22ന് മരണമടഞ്ഞ കൊല്ലം ആയൂര് സ്വദേശി രാജേഷ് (37), ആഗസ്റ്റ് 27ന് മരണമടഞ്ഞ തിരുവനന്തപുരം പുതുക്കുറിച്ചി സ്വദേശി പൗലോസണ് (68), ആഗസ്റ്റ് 29ന് മരണമടഞ്ഞ തിരുവനന്തപുരം പേരൂര്ക്കട സ്വദേശി സലീല (49), സെപ്റ്റംബര് 3ന് മരണമടഞ്ഞ കോഴിക്കോട് വടകര സ്വദേശിനി മൈതിലി (85), സെപ്റ്റംബര് എട്ടിന് മരണമടഞ്ഞ കൊല്ലം തട്ടമല സ്വദേശി സുല്ഫത്ത് (57), സെപ്റ്റംബര് ഒമ്പതിന് മരണമടഞ്ഞ കോഴിക്കോട് സ്വദേശി ഇഷാദ് ബാബു (40), സെപ്റ്റംബര് 11ന് മരണമടഞ്ഞ കോഴിക്കോട് ബേപ്പൂര് സ്വദേശിനി പി. ശ്രീമതി (85), സെപ്റ്റംബര് 14ന് മരണമടഞ്ഞ കോഴിക്കോട് പരപ്പില് സ്വദേശി മൂസ കോയ (83), സെപ്റ്റംബര് 15ന് മരണമടഞ്ഞ കോഴിക്കോട് പന്തിരാങ്കാവ് സ്വദേശിനി നഫീസ (78), കോഴിക്കോട് മാടശേരി സ്വദേശി അബ്ദുള്ള (74), സെപ്റ്റംബര് 16ന് മരണമടഞ്ഞ കോഴിക്കോട് വടകര സ്വദേശി മെഹമൂദ് (70), സെപ്റ്റംബര് 17ന് മരണമടഞ്ഞ കോഴിക്കോട് മുറ്റങ്ങല് വെസ്റ്റ് സ്വദേശി എ.പി. രവീന്ദ്രന് (84), കോഴിക്കോട് പുതുപ്പാടി സ്വദേശി മുഹമ്മദ് (68), സെപ്റ്റംബര് 18ന് മരണമടഞ്ഞ കോഴിക്കോട് പിലാശേരി സ്വദേശി കോരന് (68), കോഴിക്കോട് കട്ടിപ്പാറ സ്വദേശി മൂത്തോരന് (86), തിരുവനന്തപുരം പേയാട് സ്വദേശി മോഹനന് (64), സെപ്റ്റംബര് 19ന് മരണമടഞ്ഞ കോഴിക്കോട് സ്വദേശിനി ഐഷാബി (81), സെപ്റ്റംബര് 20 ന് മരണമടഞ്ഞ മലപ്പുറം പടവനാട് സ്വദേശി ഷണ്മുഖന് (71), കൊല്ലം പൂയപ്പള്ളി സ്വദേശി സൂസമ്മ രാജു (62), സെപ്റ്റംബര് 21ന് മരണമടഞ്ഞ മലപ്പുറം കോട്ടക്കല് സ്വദേശി അബ്ദുള് സലാം (45), എന്നിവരാണ് മരണമടഞ്ഞത്. ഇതോടെ ആകെ മരണം 592 ആയി. ഇത് കൂടാതെ ഉണ്ടായ മരണങ്ങള് എൻ.ഐ.വി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.
വിദേശം 64 പേര്
ഇന്ന് രോഗം സ്ഥിരീകരിച്ചവരില് 64 പേര് വിദേശ രാജ്യങ്ങളില് നിന്നും 140 പേര് മറ്റ് സംസ്ഥാനങ്ങളില് നിന്നും വന്നതാണ്. 4424 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 640 പേരുടെ സമ്പര്ക്ക ഉറവിടം വ്യക്തമല്ല. ഇവ രണ്ടുംകൂടെ ആകെ 5064 സമ്പര്ക്ക രോഗികളാണുള്ളത്. തിരുവനന്തപുരം 822, എറണാകുളം 587, കൊല്ലം, കോഴിക്കോട് 495 വീതം, മലപ്പുറം 485, തൃശൂര് 465, ആലപ്പുഴ 450, കണ്ണൂര് 323, പാലക്കാട് 271, കോട്ടയം 256, പത്തനംതിട്ട 174, കാസര്ഗോഡ് 125, ഇടുക്കി 61, വയനാട് 55 എന്നിങ്ങനെയാണ് സമ്പര്ക്കത്തിലൂടെ രോഗം ബാധിച്ചത്.
ആരോഗ്യപ്രവർത്തകർ
99 ആരോഗ്യ പ്രവര്ത്തകര്ക്കാണ് സമ്പര്ക്കത്തിലൂടെ രോഗം ബാധിച്ചത്. തിരുവനന്തപുരം 25, കണ്ണൂര് 19, എറണാകുളം 17, മലപ്പുറം 15, തൃശൂര് 12, കൊല്ലം, കാസര്ഗോഡ് 3 വീതം, ആലപ്പുഴ 2, പത്തനംതിട്ട, പാലക്കാട്, വയനാട് 1 വീതം ആരോഗ്യ പ്രവര്ത്തകര്ക്കാണ് ഇന്ന് രോഗം ബാധിച്ചത്. എറണാകുളം ജില്ലയിലെ ഒമ്പത് ഐ.എന്.എച്ച്.എസ്. ജീവനക്കാര്ക്കും രോഗം ബാധിച്ചു.
നെഗറ്റീവ് ആയവർ
രോഗം സ്ഥിരീകരിച്ച് ചികിത്സയിലായിരുന്ന 2951 പേരുടെ പരിശോധനാഫലം നെഗറ്റീവ് ആയി.
തിരുവനന്തപുരം- 321
കൊല്ലം- 152
പത്തനംതിട്ട- 127
ആലപ്പുഴ 167
കോട്ടയം- 275,
ഇടുക്കി- 55,
എറണാകുളം- 254
തൃശൂര്- 180,
പാലക്കാട് 150,
മലപ്പുറം- 372,
കോഴിക്കോട്- 427,
വയനാട്- 27,
കണ്ണൂര്- 142,
കാസര്ഗോഡ്- 302
ഇതോടെ 42,786 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 1,04,682 പേര് ഇതുവരെ കോവിഡില് നിന്നും മുക്തി നേടി.
സംസ്ഥാനത്തെ വിവിധ ജില്ലകളിലായി 2,12,629 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,86,140 പേര് വീട്/ഇന്സ്റ്റിറ്റിയൂഷണല് ക്വാറൻറീനിലും 26,489 പേര് ആശുപത്രികളിലും നിരീക്ഷണത്തിലാണ്. 3131 പേരെയാണ് ഇന്ന് ആശുപത്രിയില് പ്രവേശിപ്പിച്ചത്. അതേസമയം പരിശോധനകളും വര്ധിപ്പിച്ചു. കഴിഞ്ഞ 24 മണിക്കൂറിനിടെ 51,200 സാമ്പിളുകളാണ് പരിശോധിച്ചത്. റുട്ടീന് സാമ്പിള്, എയര്പോര്ട്ട് സര്വയിലന്സ്, പൂള്ഡ് സെൻറിനല്, സിബി നാറ്റ്, ട്രൂനാറ്റ്, സി.എൽ.ഐ.എ, ആൻറിജന് അസ്സെ എന്നിവ ഉള്പ്പെടെ ഇതുവരെ ആകെ 25,45,385 സാമ്പിളുകളാണ് പരിശോധനയ്ക്കായി അയച്ചത്. സെൻറിനല് സര്വൈലന്സിൻെറ ഭാഗമായി ആരോഗ്യ പ്രവര്ത്തകര്, അതിഥി തൊഴിലാളികള്, സാമൂഹിക സമ്പര്ക്കം കൂടുതലുള്ള വ്യക്തികള് മുതലായ മുന്ഗണനാ ഗ്രൂപ്പുകളില് നിന്ന് 1,98,189 സാമ്പിളുകളും പരിശോധനയ്ക്കയച്ചു.
ഹോട്ട് സ്പോട്ടുകൾ
ഇന്ന് 17 പുതിയ ഹോട്ട് സ്പോട്ടുകളാണുള്ളത്. തൃശൂര് ജില്ലയിലെ കണ്ടനശേരി (കണ്ടൈന്മെൻറ് സോണ് സബ് വാര്ഡ് 4), കടവല്ലൂര് (വാര്ഡ് 8), പോര്ക്കുളം (സബ് വാര്ഡ് 8, 10), പുത്തന്ചിറ (സബ് വാര്ഡ് 9), പൊയ്യ (14), പാലക്കാട് ജില്ലയിലെ പെരിങ്ങോട്ടുകുറിശി (3, 7, 8, 11, 12), പരുതൂര് (12), പട്ടാഞ്ചേരി (8, 9), എറണാകുളം ജില്ലയിലെ മുടക്കുഴ (സബ് വാര്ഡ് 10), ചിറ്റാറ്റുകര (സബ് വാര്ഡ് 12), ആലപ്പുഴ ജില്ലയിലെ ഭരണിക്കാവ് (സബ് വാര്ഡ് 3), നെടുമുടി (8), പത്തനംതിട്ട ജില്ലയിലെ ഓമല്ലൂര് (സബ് വാര്ഡ് 3), പെരിങ്ങര (സബ് വാര്ഡ് 4, 5), കോഴിക്കോട് ജില്ലയിലെ മാവൂര് (2, 16 (സബ് വാര്ഡ്), 8), കൊല്ലം ജില്ലയിലെ ഈസ്റ്റ് കല്ലട (എല്ലാ വാര്ഡുകളും), മലപ്പുറം ജില്ലയിലെ എടപ്പാള് (8, 10, 11, 15, 16, 18) എന്നിവയാണ് പുതിയ ഹോട്ട് സ്പോട്ടുകള്. 15 പ്രദേശങ്ങളെ ഹോട്ട് സ്പോട്ടില് നിന്നും ഒഴിവാക്കിയിട്ടുണ്ട്. ഇതോടെ നിലവില് 641 ഹോട്ട് സ്പോട്ടുകളാണുള്ളത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.