കോവിഡ്​ വാക്​സിൻ വാങ്ങി സൗജന്യമായി നൽകൽ: വി. മുരളീധരന്‍റെ വെല്ലുവിളി ഏറ്റെടുത്ത്​ കേരളം

തിരുവനന്തപുരം: കേരളം സ്വന്തം നിലക്ക്​​ കോവിഡ്​ വാക്​സിൻ വാങ്ങി സൗജന്യമായി നൽകണമെന്ന്​ കേന്ദ്ര സഹമന്ത്രിയുടെ വെല്ലുവിളി ഏറ്റെടുത്ത്​ പൊതുസമൂഹം. കേന്ദ്ര സർക്കാർ വാക്​സിൻ നയം പൊളി​െച്ചഴുതിയതോടെ സംസ്ഥാനങ്ങൾക്ക്​ 400 രൂപക്കാണ്​ കോവിഷീൽഡ്​ വാക്​സിൻ ലഭിക്കുക.

ഇതോടെ പൊതുസമൂഹത്തിൽനിന്ന്​ നിരവധി പേർ രണ്ട്​ ഡോസ്​ വാക്​സി​െൻറ തുക മുഖ്യമന്ത്രിയുടെ ദുരിതാശ്വാസ നിധിയിലേക്ക്​ അടയ്​ക്കുകയാണ്​. വ്യക്തികൾ 800 രൂപയും ഒന്നിലേറെ അംഗങ്ങളുള്ള കുടുംബങ്ങൾ അതനുസരിച്ചുള്ള രണ്ട്​ ഡോസി​െൻറ വിലയും കണക്കാക്കിയാണ്​ അടയ്ക്കുന്നത്​.

കൂടാതെ പലരും ഇത്​ ഫേസ്​ബുക്കിൽ പോസ്​റ്റ്​ ചെയ്​ത്​ കേന്ദ്ര സർക്കാറിനെ കണക്കിന്​ പരിഹസിക്കുകയും ചെയ്യുന്നു. സമൂഹ മാധ്യമത്തിൽ 'സൗജന്യ വാക്​സിന്​ അതി​െൻറ വില മുഖ്യമന്ത്രിയുടെ ദുരിതാശ്വാസ നിധിയിലേക്ക്​ സംഭാവന ചെയ്യാൻ ഞാൻ തയാറാണെ'ന്ന പ്രഖ്യാപനത്തോടെയ​ുള്ള പ്രചാരണവും ശക്തമായിട്ടുണ്ട്​. ഇതിന്‍റെ ഭാഗമായി 22 ലക്ഷം രൂപ വ്യാഴാഴ്ച മാത്രം ലഭിച്ചതായി മുഖ്യമന്ത്രി വാർത്താസമ്മേളനത്തിൽ അറിയിച്ചിരുന്നു.

കോവിഡ്​ വ്യാപനം ആശങ്കയായി തുടരുന്ന സാഹചര്യത്തിൽ കേന്ദ്ര വിഹിതത്തിന്​ കാത്തുനിൽക്കാതെ കേരളം സ്വന്തം നിലയ്​ക്ക്​ വാക്​സിൻ വാങ്ങണമെന്നാണ്​ കേന്ദ്ര സഹമന്ത്രി വി. മുരളീധരൻ കഴിഞ്ഞ ദിവസം പ്രസ്​താവിച്ചത്​. ഇതി​െനതിരെ കക്ഷി രാഷ്​ട്രീയത്തിനതീതമായി നിശിത വിമർശമാണ്​ സംസ്ഥാനത്തുയരുന്നത്​.