‘സംപൂജ്യ’ സാഹചര്യം മാറ്റാൻ കരുത്തരെ ഇറക്കി സി.പി.ഐ

തി​രു​വ​ന​ന്ത​പു​രം: സം​സ്ഥാ​ന​ത്തു​നി​ന്ന്​ പാ​ർ​ല​മെ​ന്‍റം​ഗ​മി​ല്ലാ​ത്ത ‘സം​പൂ​ജ്യ’ അ​വ​സ്ഥ​യി​ൽ​നി​ന്ന് ഇ​ക്കു​റി മി​ക​ച്ച മു​ന്നേ​റ്റം ന​ട​ത്തു​ക​യെ​ന്ന ല​ക്ഷ്യ​ത്തോ​ടെ​യാ​ണ്​ സി.​പി.​ഐ സ്ഥാ​നാ​ർ​ഥി നി​ർ​ണ​യ​ത്തി​ലേ​ക്കെ​ത്തി​യ​ത്. തി​രു​വ​ന​ന്ത​പു​രം മ​ണ്ഡ​ല​ത്തി​ലേ​ക്ക്​ മ​​ന്ത്രി ജി.​ആ​ർ. അ​നി​ലി​ന്‍റെ പേ​ര​ട​ക്കം ഉ​യ​ർ​ന്നു​കേ​ട്ടെ​ങ്കി​ലും പ​ന്ന്യ​ൻ ര​വീ​ന്ദ്ര​നാ​കും അ​നു​യോ​ജ്യ​നെ​ന്ന അ​ഭി​പ്രാ​യ​ത്തി​നാ​യി​രു​ന്നു മു​ൻ​തൂ​ക്കം.

പി.​കെ. വാ​സു​ദേ​വ​ന്‍ നാ​യ​രു​ടെ നി​ര്യാ​ണ​ത്തെ തു​ട​ര്‍ന്ന് 2005ലെ ​ഉ​പ​തെ​ര​ഞ്ഞെ​ടു​പ്പി​ല്‍ പ​ന്ന്യ​ന്‍ ര​വീ​ന്ദ്ര​ന്‍ ജ​യി​ച്ച​ശേ​ഷം സി.​പി.​ഐ​ക്ക് കി​ട്ടാ​ക്ക​നി​യാ​ണ് തി​രു​വ​ന​ന്ത​പു​രം. ശ​ശി​ത​രൂ​ർ എ​ത്തി​യ​തോ​ടെ കോ​ൺ​ഗ്ര​സ്​ തു​ട​ർ​ച്ച​യാ​യി കൈ​വ​ശം​വെ​ക്കു​ന്ന സീ​റ്റി​ൽ ഇ​ത്ത​വ​ണ വി​ജ​യം അ​നി​വ​ര്യ​മാ​ണെ​ന്നു​ക​ണ്ടാ​ണ്​ പ​ന്ന്യ​നി​ലേ​ക്ക്​ എ​ല്ലാ ച​ർ​ച്ച​യു​മെ​ത്തി​യ​ത്.

താ​ൻ മ​ത്സ​രി​ക്കാ​നി​ല്ലെ​ന്നും സം​ഘ​ട​ന ​പ്ര​വ​ർ​ത്ത​ന​വു​മാ​യി മു​ന്നോ​ട്ടു​പോ​കാ​നാ​ണ്​ ആ​ഗ്ര​ഹി​ക്കു​ന്ന​തെ​ന്നും അ​ദ്ദേ​ഹം ആ​വ​ർ​ത്തി​ക്കു​ക​യാ​യി​രു​ന്നു. സം​സ്ഥാ​ന സെ​ക്ര​ട്ട​റി ബി​നോ​യ്​ വി​ശ്വ​മ​ട​ക്കം സം​സാ​രി​ച്ച്​ സാ​ഹ​ച​ര്യം​​ ബോ​ധ്യ​പ്പെ​ടു​ത്തി. ക​ഴി​ഞ്ഞ ത​വ​ണ​ സി. ​ദി​വാ​ക​ര​നാ​യി​രു​ന്നു സ്ഥാ​നാ​ർ​ഥി.

ഇ​ത്ത​വ​ണ മ​ണ്ഡ​ല​ത്തി​ൽ സ്വാ​ധീ​ന​മു​ള്ള മ​റ്റൊ​രു നേ​താ​വി​ല്ലെ​ന്ന​ത​ട​ക്കം വി​ശ​ദീ​ക​രി​ച്ച​തോ​ടെ, പ​ന്ന്യ​ൻ സ​മ്മ​തം മൂ​ളു​ക​യാ​യി​രു​ന്നു. ബി.​ജെ.​പി​ക്ക്​ സ്വാ​ധീ​ന​മു​ള്ള മ​ണ്ഡ​ല​ത്തി​ൽ അ​വ​രു​ടെ സ്ഥാ​നാ​ർ​ഥി തീ​രു​മാ​ന​മാ​യി​ട്ടി​ല്ലെ​ങ്കി​ലും പ​ന്ന്യ​ന്‍റെ സ്ഥാ​നാ​ർ​ഥി​ത്വം വി​ജ​യ​പ്ര​തീ​ക്ഷ​വെ​ച്ച്​ നീ​ങ്ങു​ന്ന​തി​ന്​ സി.​പി.​ഐ​ക്ക്​ സ​ഹാ​യ​ക​മാ​കും.

വ​യ​നാ​ട്ടി​ൽ മി​ക​ച്ച സ്ഥാ​നാ​ർ​ഥി വേ​ണ​മെ​ന്ന ച​ർ​ച്ച​ക​ളി​ലാ​ണ്​ ആ​നി രാ​ജ​യു​ടെ പേ​ര്​ പ​രി​ഗ​ണി​ച്ച​ത്. അ​വ​ർ സ​മ്മ​തം അ​റി​യി​ച്ച​തോ​ടെ, തു​ട​ർ​ച​ർ​ച്ച​ക​ളി​ലേ​ക്ക്​ നേ​തൃ​ത്വം നീ​ങ്ങി. പാ​ർ​ട്ടി​യു​ടെ​യും മ​ഹി​ള സം​ഘ​ട​ന​യു​ടെ​യും ദേ​ശീ​യ ​നേ​തൃ​ത്വ​ത്തി​ൽ പ്ര​വ​ർ​ത്തി​ക്കു​​​​​മ്പോ​ഴും കേ​ര​ള​ത്തി​ലും സ​ജീ​വ​മാ​ണെ​ന്ന​ത്​ അ​നു​കൂ​ല​മാ​കു​മെ​ന്ന ക​ണ​ക്കു​കൂ​ട്ട​ലി​ലാ​ണ്​ പാ​ർ​ട്ടി.

സു​രേ​ഷ്​ ഗോ​പി​യി​ലൂ​ടെ തൃ​ശൂ​രി​ൽ ക​ടു​ത്ത മ​ത്സ​രം കാ​ഴ്ച​വെ​ക്കാ​മെ​ന്ന്​ ക​രു​തു​ന്ന ബി.​​​ജെ.​പി​യെ ​പ്ര​തി​രോ​ധി​ക്കാ​ൻ വി.​എ​സ്.​ സു​നി​ൽ കു​മാ​റി​ന്​ ക​ഴി​യു​​മെ​ന്നും പാ​ർ​ട്ടി വി​ല​യി​രു​ത്തു​ന്നു.

മ​ണ്ഡ​ല പു​ന​ർ​നി​ർ​ണ​​യ​ത്തെ​ത്തു​ട​ർ​ന്ന്​ മാ​വേ​ലി​ക്ക​ര രൂ​പ​പ്പെ​ടു​ന്ന​തി​ന്​ മു​മ്പു​ണ്ടാ​യി​രു​ന്ന അ​ടൂ​ർ ലോ​ക്സ​ഭ മ​ണ്ഡ​ല​ത്തി​ൽ കൊ​ടി​ക്കു​ന്നി​ൽ സു​രേ​ഷി​നെ പ​രാ​ജ​യ​പ്പെ​ടു​ത്തി ചെ​ങ്ങ​റ സു​​രേ​ന്ദ്ര​ൻ ജ​യി​ച്ച ച​രി​ത്ര​മു​ണ്ട്. ശേ​ഷം തു​ട​ർ​ച്ച​യാ​യി ​​കൊ​ടി​ക്കു​ന്നി​ൽ സു​രേ​ഷ്​ ജ​യി​ക്കു​ന്ന മ​ണ്ഡ​ല​ത്തി​ൽ യു​വ​നേ​താ​വ് സി.​എ. അ​രു​ൺ​കു​മാ​റി​ലൂ​ടെ നേ​ട്ടം കൊ​യ്യാ​മെ​ന്നാ​ണ്​ സി.​പി.​ഐ ക​ണ​ക്കു​കൂ​ട്ട​ൽ.