കാഞ്ഞിരപ്പള്ളി സീറ്റിൽ സി.പി.ഐക്ക്​ വൈകാരിക ബന്ധമുണ്ട്; ജോസിന് നൽകില്ല -സി.കെ. ശശിധരൻ

കോട്ടയം: ജോസ് കെ. മാണി​ വിഭാഗത്തിന് കാഞ്ഞിരപ്പള്ളി സീറ്റ് വിട്ടു കൊടുക്കില്ലെന്ന മുന്നറിയിപ്പുമായി​ സി.പി.ഐ രംഗത്ത്​. മണ്ഡലവുമായി സി.പി.ഐക്ക്​ വൈകാരിക ബന്ധമുണ്ടെന്നും ഇക്കാര്യം സംസ്ഥാന നേതൃത്വത്തെ അറിയിക്കുമെന്നും ജില്ല സെക്രട്ടറി സി.കെ. ശശിധരൻ വ്യക്​തമാക്കി.

തദ്ദേശ തെരഞ്ഞെടുപ്പിൽ പാലാ നിയമസഭ മണ്ഡലത്തിൽ എൽ.ഡി.എഫിന്​ ഭൂരിപക്ഷം കുറഞ്ഞെന്ന എൻ.സി.പിയുടെ ആരോപണത്തെ സി.പി.ഐ പിന്തുണച്ചു. പാലായിൽ ഉദ്ദേശിച്ച വിജയം ലഭിച്ചില്ല. ജില്ല പഞ്ചായത്ത് പ്രസിഡൻറ്​ പദവി പങ്കിടുമ്പോൾ സി.പി.ഐയെ കൂടി പരിഗണിക്കണമെന്നും അദ്ദേഹം ആവശ്യപ്പെട്ടു.